Бейнелеу өнерінен сабақ жоспары 4 сынып 5 бет

Сабақтың тақырыбы:

Адам өмірінде киімнің алатын орны.

Сабақтың мақсаты:

а) Білімділік: Оқушыларды адам өміріндегі киімнің алатын орны мен

әр түрлі халықтардың киім үлгілерімен таныстыру,

білімділігін арттыру.

ә) Дамытушылық: Оқушылардың ойлау қабілетін, танымдық

қызығушылығын, белсенділігін дамыту.

б) Тәрбиелілік: Оқушыларды барлық тарихи құндылықтарды

құрметтеуге, мәдениетке деген сүйіспеншілігін арттырып,

мәдениетті жалғастырушы жас ұрпақты тәрбиелеу.

Құрал-жабдықтар, көрнекті құралдар: Дидактикалық көрнекілік құралдар, көркем суретті альбомдар, фотолар және тағы басқалар.

Сабақтың өту барысы:

Ұйымдастыру кезеңі.

Үйге берілген тапсырманы тексеру.

Жаңа тақырыпты түсіндіру.

Тапсырмаларды орындау.

Сабақты бекіту.

Үйге тапсырма.

Сабақтың барысы:

Қалай ойлайсың, адам киімі мен тұрғын жайының арасында қандай байланыс бар? Адамның тұрғын жайының қандай болуы керектігін ойланайықшы. Ең алдымен, ол берік, қолайлы, оған қоса әрине, әдемі болуы тиіс. Ал киім ше? Ол да тігісі сапалы, ыңғайлы, әдемі болуы қажет. Ерте кезден бастап тұрғын жай да, киім де адамды климат жағдайлары мен ауа райының өзгеруінен қорғануға көмектескен. Ежелгі адамдар жылдың суық мезгілдерінде тоңбау үшін сүйектен жасалған иненің көмегімен өздері аулаған аңның терісінен епсіз саусақтарымен киім тігіп киген. Кейінірек киімін ұлу кабыршағынан жасалған өрнектермен безендіріп, аңдардың сүйектері мен тістерінен алқа жасаған. Алғашқы киімдер тек жануарлардың терісінен ғана емес, сондай-ақ өсімдіктерден – ағаш бұтақтары мен жапырақ, шөптерден дайындалған. Бұған сене қою қиын, алайда археологиялық зерттеулер нәтижесі алғашқы киімдердің тас дәуірінде пайда болғандығын дәлелдеді. Тұрғын жай сияқты киім де адамды қиын кездерде тіріқалудың амалы ретінде, өзін-өзі қорғау үшін қажет болған.

Климаттың кейде суық, кейде жылы болып ауысуына байланысты киім де өзгеріске ұшырады. Адамдардың шеберлігі де арта түсті. Олар мақта, жүн, жібектен жұқа маталар тоқу өнерін игеріп, сәнді киім тігуді үйрене бастады. Адамдар жер шарының әр түрлі климат жағдайларында өмір сүргендіктен, олардың киімдері де бір-бірінен ерекшеленді. Солтүстікте тұратын халықтар жылы, оңтүстіктегілер күннен қорғайтын жеңіл, жұқа киімдер киеді. Киім тек климаттық жағдайларға ғана емес, сондай-ақ адамдардың өмір сүру салты мен дәстүріне де байланысты қалыптасты. Қарапайым адамдар ешқандай әшекейсіз, жұпыны киінген. Бай әрі танымалдары өздерінің киімдері арқылы қарапайым халықтан…