Белгі символдары тақырыбына ашық сабақ, 4-сынып

Белгі символдары.

Сабақтың мақсаты:

а) Білімділік: Түс және символдар жайлы оқушыларды жаңа,

тың мәліметтермен таныстыру. Сондай-ақ символдар

жайлы тереңірек мағлұмат беру.

ә) Дамытушылық: Бағыт-бағдар бере отырып, өздігінен жұмыс істеуге

дағдыландыру, ой-өрістерін дамыту, қорытынды жасай

білуге үйрету.

б) Тәрбиелілік: Белсенділігін арттыра отырып, бір-біріне көмектесу

мақсатымен оқушыларды ұйымшыл болуға тәрбиелеу.

Құрал-жабдықтар, көрнекті құралдар: Дидактикалық көрнекілік құралдар, көркем суретті альбомдар, фотолар және тағы басқалар.

Сабақтың өту барысы:

Ұйымдастыру кезеңі.

Үйге берілген тапсырманы тексеру.

Жаңа тақырыпты түсіндіру.

Тапсырмаларды орындау.

Сабақты бекіту.

Үйге тапсырма.

Сабақтың барысы:

Сөзбен түсіндіргіміз келмеген жағдайда өз ойымыз бен ниетімізді белгімен білдіруге болады. Көпшілік түсінетін және бір түсінік пен құбылысты білдіретін шартты белгі символ деп аталатынын сен білесің. Адамдар ерте кезден бастап көптеген символдар ойлап тапқан. Олардың мәнінің ортактығы соншалықты, тіпті әр түрлі тілде сөйлейтін адамдар тез-ақ түсінеді. Ағаш - тіршілік пен өмірді білдіреді, ал түркі халықтарында ата-баба шежіресінің символы болып есептеледі. Құс - аспанның, балық - судың, жүрек - сезімнің белгісі. Кейде символ ретінде заттың бір бөлшегі ғана алынады. Әдетте, символдық суреттің жеке ерекшеліктері болмайды. Ежелгі адамдардың жартастарға салған суреттеріндегі барлық бейнелер символдардан тұрады. Бұл суреттерден қандай адамдар мен жануарлар бейнеленгенін байқау қиын, алайда біз суретшінің аң аулау көрінісін салғанын түсінеміз.

Символдарды пайдаланудың айқын мысалы мемлекеттік елтаңбалар болып табылады. Елтаңба - елдің ресми символы. Еуропа елдерінің көпшілігініңелтаңбасында корольдік әулеттің ежелгі билік символдары - арыстандар мен бүркіттер бейнеленген. Алайда әр елде олар қосымша бөлшектермен толықтырылады. Ел өмірі мен тұрмысының өзгеруіне байланысты елтаңба да ауысып отырады. Мысалы, фашизмнен азат болғаннан кейін Австрияның елтаңбасында үзілген шынжырлар пайда болды. Елтаңбада кей кезде елдің символдық мәні ретінде жануарлар бейнеленеді. Оған Австралияның елтаңбасындағы кенгуру мен эму түйеқұсы дәлел бола алады. Ал тоғыз жүз жыл бұрын қалыптасқан. Ұлыбританияның елтаңбасы ең көне мемлекеттік елтаңба болып есептеледі.

1. Өз еліңнің Мемлекеттік елтаңбасы туралы не айтасың?

2. Онда қандай символдар бар және олар нені білдіреді?