Бердібек Соқпақбаевтың шығармасына арналған ашық сабақ

Елхондиева Қ. С.

«Ә. Махутов атындағы мектеп-балабақша кешені»

коммуналдық мемлекеттік мекемесінің бастауыш сынып мұғалімі

Маңғыстау облысы, Бейнеу ауданы, Төлеп ауылы

Сабақтың тақырыбы: Бердібек Соқпақбаев Ағаштар неге ашуланды?

Сабақтың мақсаты:

Білімділігі: Белгілі балалар жазушысы Бердібек Соқпақбаевтың шығармасымен таныстыра

отырып, мәтіндегі негізгі ойды, идеяны ұғындыру.

Дамытушылығы: Оқушының ой-өрісін кеңейту, өз ойларын әдеби тілмен өрнектей білуге

машықтандыру.

Тәрбиелігі: Табиғатты аялауға, ұйымшылдыққа, еңбексүйгіштікке, жаманнан жиренуге баулу.

Пәнаралық байланыс: дүниетану, бейнелеу өнері.

Сабақтың көрнекілігі: Б. Соқпақбаевтың суреті, мәтін мазмұны бойынша суреттер, себет, гүлдер, семантикалық карта, слайд т.б.

Сабақтың барысы: І. Ұйымдастыру кезеңі.

Сәлемдесу.

Үлкенге де - сіз,

Кішіге де - сіз,

Сәлембердік сіздерге

Құрметпенен біз!

- Балалар, «Қазақстан — 2030» бағдарламасында қоршаған ортаны көгалдандыру мәселесі туралы айтылған. Мұндай игі шараны біз де қолдап, атсалысуымыз керек. Ендеше, балалар, бүгін біз сабағымызда еліміздің көрікті жерлерін көгалдандырамыз. Ол үшін берілген тапсырмаларды мұқият орындауымыз керек. Ендеше топқа бөлінейік.

Сурет қиындылары арқылы топқа бөліну.

Топ басшыларын сайлау.

ІІ. Үй тапсырмасын тексеру.

1- топ: Мәтіннің мазмұнын айтады.

2- топ: Мазмұнын жазып береді.

3- топ: Сұрақтарға жауап береді.

- Қанатқа әкесі не сыйлады?

- Қанатқа әкесі сыйлаған компастың қандай ерекшелігі бар?

- Компасқа қатты қызыққан кім?

- Балалар қайда барды?

- Бодан компасты не істеді?

-Боданның әкесінің мінезі қандай? Не деп ақыл айтушы еді?

- Боданның орнында сен болсаң не істер едің?

-Осы оқыған әңгімемізді қандай мақал арқылы қорытуға болады? (Ұрлық түбі- қорлық.)

-Мәтіндегі негізгі ой не? (Біреудің затын рұқсатсыз алмау керек. Адал дос болу керек.)

ІІІ. Жаңа сабақ.

Тақтаға күннің жадын, тақырыпты жазу.

Топтастыру стратегиясы: Автор туралы не білеміз?

Қазақтың атақты балалар жазушысы.

« Менің атым Қожа» фильмі халықаралық фестивальде арнаулы сыйлыққа ие болды.

«Он алты жасар чемпион»,

«Менің атым Қожа», «Алыстағы ауылда»,

«Компас»,

«Ағаштар неге ашуланды?»

т.б. шығармалары бар.

Бердібек Соқпақбаев Алматы облысы, Нарынқол ауданы, Қостөбе ауылында дүниеге келген.

IV. Оқулықпен жұмыс.

Мәтінді тізбектей оқу.

Мәтінге жоспар құру.

Ағаштардың мұңға батуы. 2. Ормандағы ғажап оқиға.