Берекелі бағзы өлке тәрбие сағаты 11 сынып

Күні: 11/09/2018 жыл

Сыныбы: 11-сынып

Тақырыбы: БЕРЕКЕЛІ БАҒЗЫ ӨЛКЕ. (Бейнеу ауданына 45 жыл толуына арналады)

Мақсаты:

Оқушылардың өз туған жерлеріне сүйіспеншілігін арттыру, бойларына патриоттық сезім ояту, өз еліне адал қызмет ететін азаматтарды тәрбиелеу;

Өз отанының, туған өлкенің тарихын, мәдени мұраларын, бүгінін және де жеткен жетістіктерін білуге үйрету;

Туып өскен мекен Бейнеу жайлы мәліметтер жинау, оларды терең үйрену, білу, олармен мақтануға және де құрметпен қарауға үйрету;

Сабақ түрі: ашық тәрбие сағаты

Көрнекіліктер: буклет, плакат, интербелсенді тақта, Маңғыстаулық ақын жазушылардың кітаптары, Бейнеу жайлы кітаптар, суреттер.

Пәнаралық байланыс: тарих, қазақ әдебиеті, география және биология.

Сабақтың барысы:

Ұйымдастыру: Құрманғазы «Адай » күйі.

Құрметті оқушылар, ұстаздар! Бүгінгі Бейнеу ауданымыздың құрылғанына 45 жыл толуына байланысты өткізіліп отырған «Берекелі бағзы өлке» тақырыбындағы ашық тәрбие сағатымызды әйгілі Құрманғазының «Адай» күйімен бастауымызда үлкен мән бар. Себебі, біз туылып өскен қасиетті де, киелі Маңғыстау жерінде «адайлар» мекендеген.

«Маңғыстаулықтардың маңдайына былайғы жұрт ең болмаса бір рет көруді арман еткен осынау өңірде өмір сүруге жазыпты. Киелі өлке – әулиелер мекені. Сіздерді олардың рухы қолдап, желеп-жебеп, өмірде баянды жол табуға септігі тигей!» деген еді Елбасымыз Н.Ә.Назарбаев.

Көбен Нәзира: Сүйінші! Сүйінші!

Бүгін Қазақ ССР Жоғарғы Кеңесі Президумының «Қазақ ССР-інің құрамында Жезқазған және Маңғышлақ облыстарын құру туралы» жарлығы шықты:

... 2. Қазақ ССР-інің құрамында, орталығы Шевченко қаласында, Маңғышлақ облысы құрылсын, оның құрамына Гурьев облысының Шевченко, Жаңаөзен және Форт-Шевченко қалалары, қалалық кеңестеріне бағынатын қалалық поселкелермен және ауылдық кеңестерімен қоса Маңғыстау ауданы енгізілсін.

Маңғыстау облысының құрамында мынадай жаңа аудандар құрылсын:

Орталығы Бейнеу қалалық поселкесінде болатын Бейнеу ауданы құрылсын: оның құрамына Маңғышлақ облысының Маңғыстау ауданындағы Бейнеу қалалық поселкесі, Ақжігіт және Каменный ауылдық кеңестері, Гурьев облысының Ембі ауданындағы Опорный және Сарықамыс поселкелері енгізілсін:

Қазақ ССР Жоғарғы Кеңесі

Президиумының Төрағасы: С.Ниязбеков

Қазақ ССР Жоғарғы Кеңесі

Президиумының хатшысы: Б.Рамазанова

Алматы, Үкімет үйі, 20 наурыз 1973 жыл.

Сөйтіп, Кеңес өкіметінің алғашқы жылдарында Адай округін таратпау жөнінде арпалысып құрбан болған Тобанияз бастаған боздақтардың арманы жүзеге асты.

Міне, оқушылар біз туған өлке Бейнеудің құрылғанына бүгінде 45 жыл толып отыр. Не үшін бұл өлке Бейнеу деп аталған?

Сексенбаева Гүлдана: Бейнеу Адайға сегізінші ұрпақ болып келеді. Бейнеу атамыз Бекет ата Мырзағұлұлымен тұстас өмір сүрген. Екеуінің арасында көп жас айырмашылық жоқ. Үлкендердің айтуы бойынша 1830 жылдары қайтыс болған Атақозы батырдың қасына жерленген. Бейнеу атамыз Қыдыр көрген, қасиеті мол, халқына қайыры тиген әруақты адам болған дейді. Отырған жері Ескі Бейнеу. Бес құдығы болыпты. Көшпелі ел жаз жайлауға кеткенде, қыстық жиһаздарын Бейнеу атамызға қалдырып кетіп отырған. Ел "Бейнеуде қалды", "Бейнеуден аламыз" дейді екен. Міне содан бері…