Білім әлеміне саяхат ашық сабағы, мектепке дейінгі балалар

Тақырыбы: «Білім әлеміне саяхат»

Мақсаты: 1. Сауат ашу, математика және тіл дамыту, көркем әдебиет пәні бойынша балалардың алған білімдерін тиянақтау. Сараптап қорытынды жасау.

2. Логикалық – ойлау, есте сақтау қабілеттерін дамыту. Тіл байлығын, сөздік қорын молайту.

3. Балаларды шапшаңдыққа, ізденімпаздыққа, жауапкершілікті сезіне білуге тәрбиелеу.

Қолданылатын әдіс-тәсілдер:ойын, сұрақ-жауап, мадақтау,әңгімелеу, түсіндіру;

Көрнекіліктер: оқулық дәптер, үлестірмелі суреттер;

Ұйымдастыру кезеңі

«Кел, балалар, тұрайық!

Үлкен шеңбер құрайық!»

Жылулық шеңбері:

«Кел,достарым, күлейік!

Күлкіменен түлейік,

Қабақ түйген не керек,

Күліп-ойнап жүрейік!».

-Балалар, мен сендерге жұмбақ жасырамын. Сендер мұқият тыңдаңдар!

Аяз қысып,

Өрнек сызып,

Терезеңді торлайды.

Кейде ұлып,

Кейде ысқырып,

Ұйытқып боран соғады.

Балалар, айтыңдаршы,

Бұл қай кезде болады?

Сұрақ-жауап ойыны:

-Дұрыс айтасыңдар, қыс мезгілі.

-Ал, бір жылда неше мезгіл бар?

-Қыс мезгілінде неше ай бар?

-Қыс мезгілі туралы қандай жұмбақ, тақпақ білесіңдер?

-1 аптада неше күн бар?

-Бүгін аптаның қай күні?

Осы апта күндеріне байланысты саусақ жаттығуын жасайық.

Балалар, сендер саяхатқа барғанды ұнатасыңдар ма?

Ендеше, бүгін ғажайып «Білімдер еліне» саяхат жасайық. Бұл саяхатқа пойызбен баруды ұсынамын. Мен пойыз жүргізушісі машинист боламын. Қалай ойлайсыңдар, пойызға кімдер отырады? Оларды бір сөзбен қалай атаймыз? (Жолаушылар сөзін бірнеше рет қайталату).

Сендер жолаушысыңдар. Пойызға отырмас бұрын, тексеруден өтулерің керек. Дайынсыңдар ма? Тексеруді бастаймыз.

- Пойызда неше вагон бар?

- Әр вагонда неше терезе бар?

- Бір аптада неше күн бар?

- 1- ден 10- ға дейін тура, кері сана.

- Оң жағыңда не орналасқан?

- Сол жағыңда ше?

- Алдыңда не бар, артыңда ше?

- Тәулік бөліктерін ата.

- Сандар шатасып кетіпті, ретімен қой.

- Жарайсыңдар, сұрақтың бәріне дұрыс жауап бердіңдер.Пойызға отырмас бұрын мен сендерге математикалық есеп жазылған ұлпақарлар беремін, есептің шешімін тауып пойызға отырамыз. Пойызға отырып, математика еліне жол тартайық.

Пойыздың үні естіледі.

- Міне, біз «Қызықты Математика» әлеміне де келдік. Бұл елдің адамдары өте ақылды және математиканы жақсы көреді. Олар бізге көп тапсырмалар дайындап қойыпты. Тапсырманы дұрыс орындап шыққан бала өз сыйлығын алады.

1- тапсырма: «Көрші сандар». Сендердің алдарыңда сандар жазылған карточкалар берілген. Жоқ санды бос торкөзге белгілеп, қай санның жоқ екенін табыңдар.Берілген санның көршілерін атаңдар.

-Жарайсыңдар, балалар, бұл тапсырманы дұрыс орындап шықтыңдар. Сендердің көздерің мен қолдарың шаршаған болар. Қане, саусақ жаттығуын жасайық.

Саусақ жаттығуы:

Оң қолымда бес саусақ,

Сол қолымда бес саусақ,

Беске бесті қосқанда

Болып шықты он саусақ.

Қарындашты алақанда дөңгелету.

- Жарайсыңдар, енді 2-ші тапсырманы орындайық.