Білім-ақиқат бастауы тақырыбындағы сабақ жоспары, 3-сынып

Класс: 3 Күні: Бекітемін: 3

Тақырыбы: БІЛІМ – АҚИҚАТ БАСТАУЫ

Мақсаты: балалардың «білім» құндылығы туралы түсініктерін кеңейту.

Міндеттері:

Білімнің адам өміріндегі маңыздылығын түсіндіру;

Білімге, оқуға қызығушылықтарын арттыру;

Жақсы оқуға, еңбексүйгіштікке тәрбиелеу.

Көрнекі құралдар: оқулық, дәптер.

Ұйымдастыру кезеңі

Тыныштық сәті:

Су асты патшалығына ойша саяхат.

Үй тапсырмасын тексеру.

«Ата өсиеті».

Нұртастың ойына деген көзқарастарың қандай?

Қария «өмірді сүю керек» дегенді не үшін айтты? Осы сөздің мағынасын қалай түсінесіңдер?

Әңгімені қалай жалғастырар едіңдер?

Дәйексөз.

«Өнер, білім бәрі де, оқуменен табылған». Ы.Алтынсарин.

Әңгімелесу.

Білім адамға неүшін қажет?

«Оқу инемен құдық қазғандай» дегенді қалай түсінесіңдер?

Мәтінмен жұмыс.

«Білім мен байлық». Д.Матайқызы.

Оқушы әңгімелеп береді.

Дәптермен жұмыс.

Дәптердегі тапсырмада берілген «Білім және байлық» кестесіне әңгіме мәтіні бойынша білімнің байлықтан артықшылықтарын тауып жазыңдар.

Тапсырма.

Мақал-мәтелдердегі көп нүктенің орнына тиісті сөздерді қойып, мақал-мәтелдерді жалғастырып айтыңдар.

Жаттығу-ойлану.

Тақтаға сызба жазылады. Оны әр оқушы өзінің алдында тұрған ақ параққа жазып, оған осы төрт тарамның (ойын, білім, байлық, еңбек) өмірдегі маңыздылығына қарай түрлі түсті қарындашпен (1-көк, 2-қызыл, 3-жасыл, 4-қоңыр) сызып көрсетеді. Мұғалім қадағалап, көріп шығады.

Ойын.

«Алғырлар мен Білгірлер».

Тапсырма. Екі топ кезектесіп, бір топ білім туралы мақал-мәтелдің бастапқы бөлігін айтса, екінші топ осы мақалды жалғастыруы тиіс.

Топпен ән айту.

«Кел, балалар, оқылық!» Ы.Алтынсарин.

Дәптермен жұмыс.

Жұмбақтарда айтылған ойдың мәнін ұғынып, шешуін табыңдар.

Қорытынды.

Міне, балалар, білімнің адам өміріндегі маңыздылығын түсіндік. Білім оқу арқылы жинақталатынын ұғындық. Білім арқылы өмірдің ақиқатына көз жеткізесің. Өйткені білім – ақиқат бастауы.

Әлеует.

«Үміт». А.Хамзаұлы.