Білім ақиқат бастауы тақырыбы бойынша ашық сабақ 3 сынып

«Өзін-өзі тану» пәнінен сабақ жоспары

Мерзімі: 07.11

№15 ЖББОМ

Сабақтың тақырыбы: Білім - ақиқат бастауы

Құндылығы: ақиқат, дұрыс әрекет.

Қасиеттері: адалдық, мейірімділк, қамқоршылық, ізгілік, тәртіп.

Мұғалім:Сейфуллина И.Б

Сынып 3 В

Оқушы саны-22

Сабақтың мақсаты: балалардың оқуға құшталығын арттыра отырып , ақиқатпен өмір сүруге үйрету.

Міндеттері:

Білімділік: білімнің адам өміріндегі маңыздылығын мейімділік қасиеттер арқылы түсіндіру;

Дамытушылық: білімге, оқуға деген құштарлықтарын ізгілік арқылы арттыру;

Тәрбиелік: жақсы оқуға, еңбексүйгіштікке тәрбиелеу;

Сабақтың барысы

1.Ұйымдастыру кезеңі. Оқушылармен амандасу, түгендеу.

2.Тыныштық сәті

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолдарыңызды айқастырмаңыздар. Қолыңызды тізеңізге немесе партаның үстіне қойыңыз. Енді көздеріңізді жұмуларыңызды өтінемін. Елестетіп көріңіз. Сіз табиғат аясында серуендеп жүрсіңіз. Күн нұры сіздің төбеңізге түсті. Нұр жайлап жүрегіңізге қарай бағыт алды. Жүрек тұсыңызда гүл түйнегі орналастырыңыз. Күн нұрынан гүл түйнегі бастады. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды нұрға бөлеп, жүрегіңіздің қауызын ашты.

Нұр сәулесі сіздің бойыңызға тарала бастағанын сезініңіз.Ол баяу жылжып, сіздің қолдарыңызға бағыт алды. Қолыңыз тек қана жақсы істер жасап, қолыңыздан келгенше көмектесіңіз. Нұр аяқтарыңызға тарады. Аяқтарыңызбен тек жақсы жерлерге барыңыз, жақсылықтың ғана куәсі болыңыз. Нұр сіздің аузыңызға қарай жылжыды. Аузыңызбен тек қана жақсы сөздер мен тәтті тілектер айтыңыз. Нұр жайлап құлақтарыңызға келді. Құлағыңызбен тек жақсы сөздер, игі тілектер, құлақтың құрышын қандыратын әсем әуендер естіңіз. Нұр көздерімізге де жетті. Көзімізбен жақсылықты көрейік, жақсы істерді байқайық. Сіздің өне-бойыңыз нұрға толды. Нұр жан-жағына шұғыласын шаша бастады. Осы нұрды таныстарыңызға, туыстарыңызға достарыңызға, әріптестеріңізге бағыттаңыз. Сонымен қатар уақытша ренжісіп жүрген адамдарға бағыттаңыз. Барлық адамзатқа жақсылық тілеңіз.

Нұр барлық адамдарға, жан-жануарларға, өсімдіктерге таралсын. Ғаламның түпкір-түпкіріне нұрды бағытаңыз. Ойша атыңыз:»Мен нұрлымын». Енді нұрды жүрегіңізге орналастырыңыз. Осы бір әсем қалыпты, керемет күйді есіңізде мәңгі сақтаңыз. Енді көзіңізді жайлап ашыңыз.

Cұрақтар:

1.Қандай әсер алдыңыз?

2.Нұрға бөлену арқылы сіздің бойыңызда айналаңыздағыларды жақсы көру сезімін оятты ма ?

Қортынды: Осы нұрды жүрегіңізде мәңгі сақтасаңыз.

Үй тапсырмасын тексеру.

«Білім мен байлық»

Д. Матайқызы

Білім мен байлықтың қайсысын таңдарын білмейц жол айрығында жасөспірім бір ғұламаға келіп ақыл сұраған екен. Сонда ғұлама білімнің артықтығын әр түрлі дәлелемен дәлелдепті. Білім даналардан қалған мирас, білім сені бағады, ал байлықты сен бағасың. Білім досыңды көбейтеді, ал байлық дұшпанды арттырады. Білім іздеген сайын көбейе, молая береді, жұмсағанмен азаймайды, ал байлық жұмсасаң азаяды, кемиді, жойылады. Білімің көп болса, ел сені құрмет тұтады, ал байлығың мол болса қызғанады. Білмге есеп – қисап жүргізбейсің, ал байлығыңды күнде есептеп отыруың қажет. Білім қаншама көп болғанымен іріп шірімейді, бүлінбейді, ад байлық бір жұрттық, өледі, жоғалады.

Білім жан дүниеңді байытады, ал байлық қиялыңды, қөзқарасыңды шектейді, тура жолдан тайдырады.

Білімді адам мәдениетті, әдепті, адамгершілікті болады, ал байлығы мол адам мақтанады, әркімге астамшылық көрсетеді.

Таразының қай басы ауыр таратқанын өздерің бағамдай жатарсыңдар.....

Сұрақтар:

1.Әңгімеде не жайында айтылған?

2.Не себептен ғұлама білімге көп дәлел келтірді деп ойлайсыңдар?

3.Білімді болу үшін адамға қандай қасиеттер қажет?

4.Оларды қалай жеңуге болады деп ойлайсың?

Қорытынды:

Білім адам игілігіне қызмет етеді. Өзіңді, өзгені танытады,өмірді түсінуге көмектеседі, болашаққа жетелейді. Білімді адамның ала алмайтын биігі жоқ. Сол себепті әрі жақсы, әрі көп оқуға ұмтылғанымыз дұрыс.

Сабақтың дәйексөзі:

«Өнер –білім бәрі де оқуменен табылған»

Ы. Алтынсарин

Жаттау .Екі ,үш оқушы жатқа айтады

Түсіндіру: Білім іздесең, кітаппен таныс, еңбегің еш болмайды. Ақыл іздесең, адаммен таныс, өнерің еш қалмайды. Адамның өмірі өзіне байланысты егер

ақиқатпен өмір сүрсек біз тағдыр талайына төтеп бере аламыз. Білім, өнер жақсы өмір сүруге септігін тигізеді Жастайларыңнан көп оқысаңдар, көп білесіңдер. Көп білгенің қиындықты жеңгенің.

1.Дәйек сөзде не туралы айтылған?

2. Өнер адамға не үшін қажет ?

Қорытынды:

Иә, балалар , өнер де, тек оқудың арқасында. Ақиқатты тану арқылы білімнің, өнердің қыр сырларымен таныс боласыңдар.

Оқиға айту

Аңыз

«Екі қасқыр»

Баяғының қарттары енді ғана ес біліп келе жатқан немерелерін алдына алып, өнегелі өсиеттерді ақылды аңыз,есті ертегі түрінде жастайынан келер ұрпақтың құлағына сіңіре береді екен. Сондай кемеңгер қариялардың бірі немересіне өмір сырын былай деп айшықтап айтып жатыр екен:

-Әр адамның көкірегінде екі қасқырдың өзара тайталасына ұқсас тартыс жүріп жатады.Оның бірі күншілдек,қызғаныш,өзімшілдік,өтірік сияқты жаман қасиеттерді бейнелесе, екіншісі-сенім,

шындық,мейірім,адалдық секілді жақсы қасиеттерді бейнелейді.

Бұл екі қасқыр сәт сайын,қадам сайын айқасып,өмір бойы күресумен болады...

Сонда зерделі немересі атасының сөзін бөліп,былай деп сұрапты:

-Ал ең соңында қай қасқыр жеңеді?Атасы сәл ойланып,немересінің пайымдылығына сүйсіне отырып,жауап беріпті:

-Сен қайсысын көбірек қоректендірсең,сонысы жеңеді.

Сұрақтар:

Аңыз не жайында айтылған?

Не себептен адамның көкірегін екіге бөлінген?

Осыған ұқсас жағдайлар сендердің өміріңде болды ма?

Қорытынды:

Міне, балалар, білімнің адам өміріндегі маңыздылығын түсіндік. Білім арқылы жинақталатынын ұғындық. Білім арқылы өмірдің ақиқатына көз жеткізесің

Шығармашылық жұмыс

Дәптермен жұмыс. Кесте толтыру. Байлық пен Білімді салыстыру кестеге толтыру.

Мақал- мәтелдердің жалғасын табу.

Оқу- білім ......,

.......... - өмір шырағы.

........- инемен құдық қазғандай.

Оқу түбі -........

Сұрақтар:

Мақал - мәтелдер не туралы айтылған?

Білім адамдарға не үшін қажет деп ойлайсың?

Қорытынды:

Адам өмір бойы өзіне құпия, сыры беймәлім нәрселерді білуге құштар болады. Білімді мектептен, оқу орындарынан алуға болады. Сонымен қатар кітап, газет журнал оқу, ақпарат құралдарын тыңдау арқылы да адам өз білімін тереңдете алады. Білім арқылы өмірдің ақиқатына көз жеткізесің. Өйткені білім -ақиқат бастауы.

Топпен ән айту.

Бақытты балалар әні.

Сөзін жазған Қ. Мүсірепов

Әні жазған И. Нүсіпбаев

Біз көңілді ұланбыз,

Ән шырқаймыз, сайраңдап.

Бақытты елде туғанбыз,

Жаз гүліндей жайраңдап.

Бөбектерді қуантып,

Құрметтейміз қарттарды.

Өнерге біз құмартып,

Өсіреміз бақтарды.

Шынығамыз,ойнаймыз,

Жас ұрпақпыз талапты.

Жаз қылығын тойлаймыз,

Жақсы оқимыз сабақты.

Сұрақтар:

Өлеңде не туралы айтылған?

Қандай балалар сипатталған?

Қорытынды:

Еңбекшіл бала адал, сүйкімді, сүйіспеншілікке толы, дұрыс әрекет жасайты, әр қиындықты сабырмен шешетін, ішікі тыныштықты сақтайтын бала қуанышқа бөленіп , тату тәтті жақсы өмір сүреді.

Үй тапсырмасы:

«Өнерлі балалар» 19 бет оқу әңгімелеу.

Шығармашылық жұмысты аяқтау. Сүйікті журналыңнан алынған материалдардан «Білім әлемі» тақырыбында коллаж жасайды.

Соңғы тыныштық сәті.