Білім беру платформаларын қолдану туралы психологиялық мақала

«Х.Көбіков атындағы орта мектеп мектепке дейінгі шағын орталығымен» коммуналдық мемлекеттік мекемесінің

педагог – психологы Колдаспекова Аида Ардаковна

Білім беру платформалары және оны қолданудың тиімділігі және психология

Көктемгі карантин кезінде балалар оқуын онлайн және қашықтан оқыған кезде білім беру платформалары күрт өскен жүктемені көтере алмай қалғанына куә болдық. Ал жаңа оқу жылы негізінен қашықтан білім беру арқылы өтетіні жаздың ортасында белгілі болған еді.

Қазіргі заманғы технологиялардың арқасында біздің өміріміз бір смартфонға оңай сыйысады, ал смартфондар біздің өміріміздің бір бөлігіне айналды. Осылайша, біз үшін онлайн режимінде білім алу мүмкіндігі ең жақсы жолға айналып отыр.

Мектеп оқушыларын оқытуда мультимедиа технологияларын пайдалану психологиялық жəне педагогикалық тұрғысынан маңызды бірнеше мəселелерді туындатады. Мұндай аспектілердің бірі мұғалімдер мен оқушылардың мультимедиалық ресурстар мен компьютерлік техникамен қарым-қатынасының психологиялық қырларын анықтауда болып табылады.

Барлық жұмыс Күнделік платформалары арқылы құрылады,BilimLand,мектеп сайты,WhatsApp. Бірінші кезекте жұмыс күнінің жеке режиміне сәйкес жұмыс кестесін және консультациялар өткізу кестесін жасауға назар аудару керек (өз күнің жоспарлау,кеңес беру үшін сағат бөлу қажет.Шұғыл жағдайларды есепке алмағанда күніне 2 сағаттан артық емес). Педагог-психологтың кестесі мен жоспарымен білім беру үрдісінің барлық қатысушыларын міндетті түрде таныстыру (жоғарыда көрсетілген платформаларда орналастыру). Жұмыс білім беру процесінің барлық қатысушыларымен (педагогтар, балалар, ата-аналар) үш бағыт бойынша жүргізіледі: ағартушылық-профилактикалық жұмыс,диагностикалық жұмыс және кеңес беру-түзету жұмысы.

Психологиялық тұрғыдан қашықтан оқытудың тиімділігін арттыру үшін; ең бірінші кезекте біздер мектеп психологтары ата-аналармен байланыс орнатып, психологиялық кеңестер беруіміз керек. Екінші кезекте оқушылармен психологиялық сергіту жаттығулары жүргізілуде. Яғни, білім алушыны бар болмысымен қабылдау, ішкі жан дүниесін және психикалық жағдайын түсіну болып табылады.

Бұл тек оқушыларға ғана емес ата-аналарғада керек қарым-қатынастың жағы. Жүйелі ақпарат алмасу үшін тиімді коммуникацияның техникалары мен тәсілдерін меңгеру артық етпейді. Бұл арқылы біз білім алушының алған ақпаратты қаншалықты меңгергенін біле отырып, психологиялық ахуалын анықтай аламыз. Қалыпты жағдайда кейбір оқушылар сабақтарға жүйелі зейін қойып тыңдамауы мүмкін. Ал, қашықтан оқыту жүйесі арқылы ақпаратты кез – келген уақытта, шексіз қабылдай алады.…