Білім берудегі жасанды интеллекттің мүмкіндіктері мен тәуекелдері

Дүйсенбекова Шынар Заманбекқызы

ШҚО білім басқармасы

Марқакөл ауданы бойынша білім бөлімінің

«Марқакөл ауылының мектеп-интернат-колледжі» КММ

Педагог-психологы

Шығыс Қазақстан облысы

Марқакөл ауданы

[email protected]

ПСИХОЛОГИЯЛЫҚ ТӘЖІРИБЕДЕГІ ЗАМАНАУИ ТРЕНДТЕР, ЖӘНЕ ОЛАРДЫҢ ҰТЫМДЫ ТҰСТАРЫ МЕН КЕМШІЛІКТЕРІ

Аңдатпа: баяндамада білім беруде ЖИ (жасанды интеллект) қолдануға байланысты тәуекелдер мен проблемалар, тиімді тұстары қарастырылады. Білім беруде жасанды интеллектті қолданудың негізгі бағыттары және олардың білім беру процестерін жекелендіру және сапасын арттыру үшін жасанды интеллект технологияларын қолданатын қолданыстағы жүйелерді салыстырылып келтірілген

Аннотация: в докладе рассмотрены риски и проблемы, плюсы и минусы связанные с использованием ИИ (искусственного интеллекта) в образовании. Приведены основные направления использования ИИ в образовании и примеры существующих систем, применяющих ИИ-технологии для персонализации и повышения качества своих образовательных процессов

Қазіргі қарқындап дамыған әлемде жасанды интеллекті жүйесі қай салада болмасын пайдасы орасан зор мықты трендке айналуда. Соның ішінде жасанды интеллектінің білім саласына еңгізілуі оқытудың тиімділігін арттыруға, мұғалім мен оқушы жұмысын оңтайландыруға, уақытты үнемдеуге, дәстүрлі сабақ өткізу процессінен алшақтап, мұғалімнің жан-жақты жаңа технологияларды ұтымды пайдалана алуына мүмкіндік береді.

Жасанды интеллект жүйесін пайдалану оқу мен оқытудың өнімділігі тұрғысынан оқушылардың жеке ерекшеліктерін, қажеттіліктерін анықтап, оқу процессін одан әрі тиімді және интерактивті етуге септігін тигізеді. Сонымен қатар, ЖИ білім берудегі теңсіздікті азайтуға көмектеседі. Басқаларға қарағанда кейбір оқушыларда білім мен оқу дағдыларының деңгейі жоғары болуы мүмкін. Осы ретте ЖИ жүйесі қосымша қолдау, уақыт, ресурс, қызығулықтарын арттыруға өз пайдасын тигізеді.

Сондай ақ ЖИ оқуға кететін уақыт пен қаржылық шығындарды азайтуға, мұғалімдердің көптеген күнделікті процестерді оқыту және автоматтандыру, оқушы жұмысын тексеру мен үлгерімді бағалау сияқты жұмыстарына кететін уақытты қысқартады.Оқу процесінде жасанды интеллектті қолдану қазіргі заманға байланысты туындаған көптеген мәселелерді шешудің жолына айналуда. [1, б. 87]

Білім саласында ЖИ қолдану мынадай міндеттерді шешу үшін қолданылады:

Оқытуды жекелендіру - ЖИ әр оқушының қажеттіліктеріне қарай оқуға бейімделу мәселесін шешеді. ЖИ жүйелері - оқушылар туралы мәліметтер талдап, олардың білім деңгейі, қызығушылықтары мен қабілеттерін ескере отырып, әр оқушыға соған сай жеке оқыту жолдарын ұсына алады.

Білімді бағалау – оқушылар туралы деректерді талдау арқылы ЖИ оқушылардың білімін бағалауға көмектеседі. Бұл мүмкін бағалаудың дәлдігі мен объективтілігін арттыруға пайдалы болады

Оқытушыларды қолдау және күнделікті міндеттерді автоматтандыру – ЖИ мұғалімдерге тестілеу құру, оқу материалдарын әзірлеу және оқу процестерін басқару сияқты міндеттерінде қолдайды. Сондай-ақ, ЖИ күндеікті тапсырмаларды бағалау мен тесттерді тексеру процестерін автоматтандыру арқылы, оқытушыларға неғұрлым күрделі тапсырмаларға көбірек уақыт бөліп, назар аударуға көмектеседі.

Оқу үлгерімін болжау- ЖИ оқушылардың үлгерімі мен мінез-құлық деректерінің негізінде-ақ оқу үлгеріміне болжау жасайды. Бұл мүмкіндік оқушылардың өздері үшін ғана емес, сонымен қатар оқытушылар мен оқу орындарының әкімшілігі үшін де пайдалы. Оқушылар үшін бұл - оқу мәселелерінде туындауы ықтимал қиындықтарды ерте анықтап, оқытушылар мен мектеп әкімшілік тарапынан…