Білім мазмұнын жаңғырту бағыттары туралы конспект

«Аманкелді атындағы орта мектебі»КММ

Білім мазмұнын жаңғыртудағы білім жүйесінің негізгі бағыттары

Баширова А.А.

Бүкіл әлемде білім беру жүйелерінің келешек ұрпаққа қандай білім беретіні туралы мәселе қаралуда. Осы мәселе аясында «Балалар ХХІ ғасырда табысты болуы үшін нені үйренуі керек?» және «Оқытудың тиімді әдістері қандай?» деген сауалдар туындағаны баршамызға белгілі. Бұл сауалдар жаңартылған білім беру бағдарламасы және білім беру бағдарламасын жүзеге асыруда қолданылатын педагогикалық тәсілдермен тығыз байланыста.

Білім беру бағдарламасының негізгі мақсаты – білім мазмұнының жаңаруымен қатар критериалды бағалау жүйесін енгізу және оқытудың әдіс-тәсілдері мен құралдарын қолданудың тиімділігін арттыруды талап етеді. Негізінен жаңартылған білім жүйесі құзыреттілікке және сапаға бағытталған бағдарлама. Жаңартылған білім берудің маңыздылығы – оқушы тұлғасының үйлесімді қолайлы білім беру ортасын құра отырып, сын тұрғысынан ойлау, зерттеу жұмыстарын жүргізу, тәжірибе жасау, АКТ-ны қолдану, коммуникативті қарым-қатынасқа түсу, жеке, жұппен, топта жұмыс жасай білу, функционалдық сауаттылықты, шығармашылықты қолдана білуді және оны тиімді жүзеге асыру үшін қажетті, тиімді оқыту тәсілдерін қолдану болып табылады (бірлескен оқу, модельдеу,бағалау жүйесі, бағалаудың тиімді стратегиялары). Өмір бойы білім алудан өмір бойы оқуға көшу.

Жаңартылған білім беру мазмұнының ерекшелігі қандай?

Бұл бағдарламаның дәстүрлі бағдарламадан ерекшелігі:

*Пән мазмұнының спиральді қағидатпен берілуі, яғни шиыршық қағидаты. Тапсырмаларды жеңілден ауырға немесе оңайдан қиынға қарай орындау.

*Блум таксономиясы бойынша оқу мақсаттарының иерархиясы.

*Білім беру аясындағы және пәнаралық байланыстарды жүзеге асыру мақсатында «ортақ тақырыптардың» берілуі.

*Оқу үдерісін ұзақ мерзімді, орта мерзімді және қысқа мерзімді жоспарлар арқылы ұйымдастыру.

*Оқытудың тәрбиелік әлеуетін арттыру, оқушының адамгершілік-рухани қасиеттерін қалыптастыру.

*Білім беру деңгейлері аралығында пән бойынша сабақтастықты ескеруге мүмкіндік беретін толық оқу курсы бойынша педагогикалық мақсат қою.

*Бөлімдердің мазмұны мен ұсынылған тақырыптардың уақыт талабына сәйкес келуі, әлеуметтік дағдыларды қалыптастыруға назар аударылуы.

*Оқытудағы жүйелік-әрекеттік ұстаным (оқушының білім алу үдерісіне белсенді қатысу).

*Сабақ соңында оқушылардың кері байланыс жасауы.

Жаңартылған білім беруде білім беру салалары және қандай пәндер оқытылады?

*Жаңадан енгізілген пәндер қатарында ағылшын, орыс тілі, жаратылыстану сынды заманауи қажеттілікке байланысты жүргізілетін пәндер бар. *Жаңартылған білім мазмұнын белгілейтін типтік оқу жоспарында тілдерді деңгейлеп оқытуда тыңдалым,айтылым, оқылым, жазылым дағдыларын үйрету жоспарланды.

*Тағы бір жаңалық: оқушыларға ақпаратты іздеу, талдау, тасымалдау дағдыларын үйрету мақсатында 3-4 сыныптарда «Ақпараттық-коммуникациялық технологиялар» пәні оқытылуда.

Бағдарлама аясында мұғалім үшін мыналар маңызды болмақ: Мұғалім шебер сұрақ қоюшы болуы қажет, себебі?

-Оқушылардың ойларын бағыттау үшін;

-Бағалау үшін;

-Келесі сұрақтарға түрткі болу үшін;

-Тақырыпты қайта қарау үшін;

-Қызығушылықты немесе білуге құмарлықты ояту үшін;

-Күрделендіру үшін;

-Сұрақ-жауап пен сын тұрғысынан ойлауды модельдеу үшін;

-Түсінуге көмектесу үшін;

-Бағамдау үшін.

Мұғалім алдындағы ең маңызды мақсат – әр сабағын түсінікті, тартымды, тиімді етіп өткізу. Білім беру мазмұнын жаңарту аясында көш бастаған бастауыш сынып мұғалімдері болғандықтан әр пән бойынша педагогикалық үдерісті тиімді ұйымдастыру – барлық бастауыш…