Биологияны оқытудағы жаңа бағыттар туралы мақала

ЖАҢАРТЫЛҒАН БІЛІМ БЕРУ МАЗМҰНЫ АЯСЫНДА БИОЛОГИЯ ПӘНІН ОҚЫТУДАҒЫ ЖАҢА БАҒЫТ

«№25 жалпы орта мектебі» коммуналдық мемлекеттік мекемесінің биология пәні мұғалімі: Сопбекова Жулдызай Ермекбаевна

Елдің болашағының кепілі, ең басты мәселе - жастарға білім мен тәрбие беру мәселесі. Әрбір елдің өркендеуі, тұғырының берік болуы да білімге келіп тіреледі. Заманымызың заңғар жазушысы М.Әуезовтің сөзімен айтар болсақ, «Халықпен халықты, адам мен адамды теңестіретін білім» болмақ. Бүгінгі таңда алдымызда бүгінгі заман талабына сай қазақстандық білім беру жүйесін дамыту міндеті тұр. Қазақстанның білім беру жүйесі санға ғана емес, сапаға негізделуі – бүгінгі күн талабы. Еліміздің болашағының бүгінгіден де нұрлырақ болуына ықпал етіп, алға апаратын күші білімге байланыстылығы айқын. Білім мен ғылымның дамуы - адамзат өркениетінің өлшемі. Білім саласы үнемі жетіліп, жаңарып отыруды қажет етеді. Біз өмір сүріп отырған қазіргі кезең – бұл жаңа дәуір, жаңа көзқарасты, жаңашылдықты талап ететін кезең. Соның ішінде, білім саласында болып жатқан жаңа өзгерістердің мәні мен маңызы өте зор.

Жаңартылған білім беру бағдарламасында биология пәнінің берілу жайы да өзгеше. Бағдарлама оқушының төрт тілдік дағдысын: тыңдалым, айтылым, оқылым, жазылым жетілдіруге бағытталған. Бұл төрт дағды оқу жоспарында «Шиыршық әдісімен» орналастырылған және бір –бірімен тығыз байланысты. Яғни, жыл бойына бірнеше рет қайталанып отырады және сынып өскен сайын тілдік мақсат та күрделене түседі.

Сондықтан сабаққа қойылатын талап тұрғысынан техникалық құралдарды, кестелер, сызбалар, үнтаспа жазбаларын пайдалану арқылы оқушылардың есту, көру сезімдеріне әсер ете отырып, олардың ойлану қабілетін дамытуға көңіл бөлінеді.

«Өрлеу» БАҰО» АҚ филиалы Түркістан облысы және Шымкент қаласы бойынша педагогикалық қызметкерлердің біліктілігін арттыру институтының ұйымдастыруымен, Түркістан облысы, Жетісай ауданы, Т.Рысқұлов атындағы №20 жалпы орта мектебі базасында 2019 жылдың 26 наурыз бен 5 сәуір аралығында «Орта білім мазмұнын жаңарту» жағдайында биология пәні мұғалімдеріне арналған біліктілікті арттыру курсы бойынша білімімді жетілдірдім.

Бұл курстың мақсаты Қазақстан Республикасының орта білім мазмұнын жаңарту аясында оқытудың жаңа әдіс-тәсілдерін енгізу арқылы Қазақстанның ұлттық білім беру жүйесін әлемдік деңгейге көтеру болып табылады. Соның ішінде…