Химияны оқытудағы жаңа тәсілдер туралы мақала

Химия пәнінен білім беру мен білім алудағы жаңа тәсілдер

Қазақ елінің болашағы – бүгінгі жас ұрпақтың ұлттық ойлау қабілеті мен біліміне, іскерлігіне байланысты. Демек, олардың қандай азамат болып шығулары – мектеп қабырғасында қаланады, олардың дұрыс бағытта білім мен тәрбие алуы қазіргі ұстаздардың негізгі міндеті. «Мен үшін жақсы мұғалім бәрінен де артық, өйткені мұғалім – мектептің жүрегі» деп қазақ даласының тұңғыш педагогы Ыбырай Алтынсарин бекер айтпаған. Мұғалім мектептің ғана жүрегі емес , ол мемлекеттің тірегі. Әрбір баладан дана өсірудің жолдарында ізденумен жүрген адам жанының зергері - бейімді ұстаздың тәрбиелеген зейінді шәкірттері елдің ертеңгі тіректері. Демек, ұстаз – мемлекеттің алтын діңгегі. Ұстаз үшін оқушылардың ойын дамыту, белсендігі мен дербестігін қалыптастыруда шығармашылық жұмыстарды тиімді жүргізе білудің маңызы ерекше. Оқу үрдісінде жаңа технологияның әдіс-тәсілдерін ұтымды қолдану – менің шеберлігімді шыңдау, біліктілігімді арттырудың бірден-бір жолы болып табылады. Кейбір жалықтыратын сабақтарды қызықтыра өткізу немесе кездескен кез-келген кедергілерді сыни көзқараспен қабылдап, оны шешудің жолдарын таба білуге дағдыландыру, яғни шешілмейтін мәселе болмайтынына көздерін жеткізу. Әрине, мұндай жұмыстарды ти

Қазіргі уақытта білім беру жүйесіне Кембриж университетінің сындарлы оқыту – бүгінгі күннің ерекше жаңалық, заманауи талаптарына сай елеулі бетбұрыс. Бірінші ерекшелігі, дәстүрлі оқытуға қарағанда сындарлы оқытуда ерікті негізінде өткізіледі. Оқушылар ынта мен бейімділіктеріне байланысты 7 модуль аясында стратегиялар қолдана отырып, жұптық, топтық жұмыстарға қатысады. Екінші ерекшелігі, оның мақсаты мен міндеті бағдарламалар көлемімен байланысты болғанымен, оның мазмұны 7 модуль аясында жоспарланады. Оқушылардың ықылас қалауын ескере отырып жұмыс жоспары жасалады. Оның мазмұны анағұрлым қызықты, оқушы бейімі ескерілетін, қосымша матриалдары бар, заман талабына сай келетін сабақтар болады. Ал үшінші ерекшелігі, жас шамасы әртүрлі оқушыларды қамтитындығында. Бағдарлама жеті модульден тұрады:1. Оқыту мен оқудағы жаңа тәсілдер.2. Сыни тұрғыдан ойлауға үйрету.3. Оқыту үшін бағалау және оқуды бағалау.4. Оқыту мен оқуда ақпараттық-коммуникациялық технологияларды (АКТ) пайдалану.5. Талантты және дарынды балаларды оқыту.6.Оқушылардың жас ерекшеліктеріне сәйкес оқыту және оқу. 7.Оқытудағы басқару және көшбасшылық. 7 модуль бойынша сабақтарды тартымды өткізу үшін…