Бірден онға дейінгі сандар сабақ жоспары

42-сабақ Тексерілді:

Күні:

Білім беру саласы: «Таным»

Оқу іс-әрекеті: Математика.

Тақырыбы: 1-ден 20-ға дейінгі сандар

Мақсаты: Екінші ондық сандарының оқылуымен және жазылуымен таныстыру, 20 көлеміндегі реттік және есептік санауды бекіту. Сұрақ қою және оған жауап беру дағдыларын дамыту.Оқушылардың ой-өрісін, танымдық белсенділігін, қызығушылығын арттыру; еңбекқорлыққа, достыққа, мейірімділікке тәрбиелеу.

Көрнекілік:1ден 20-ға дейін сандар,карточкалар,слайд.

Іс-әрекет бөлімдері

Тәрбиешінің іс-әрекеті

Балалардың іс-әрекеті

Ынталандыру

Балаларды шаттық шеңберге тұрғызу.Балаларды топқа бөлу.

Шаттық шеңберге тұрады.

Мейірімді жүрекпен,

Ақ пейілді тілекпен.

Амандасып,алайық,

Бір жадырап,қалайық.

Кел балалар,балалар,

Ойнайық та,ойлайық.

Қандай сұрақ болса да

Таппай оны қоймайық.

ҮйымдастырушылықІзденушілік

1.Балалар ,көңіл-күйіміз қалай?

-Ендеше,балалар осы жақсы көңіл-күйімізбен сабағымызды бастайық.

-Балалар,біз бүгінгі күнге дейін цифрлармен таныстық.Әр топ маған тізбектеп 1-ден 20-ға дейін тура және кері санап берсін.

2 а) Ойын:«Көршісін тап»

ә)Сандарды ретімен сызып қос

б) Дөңгелектің ішіне «+» немесе «-» таңбасын қой.

3.Слайд көрсету.

4.Сергіту жаттығуы.

«Санамақ» әні

5.Ауызша есептер шығару

-Ал енді балалар ауызша есептер шығарайық. Мен жасырамын, сендер жауабын айтасыңдар.

1) Екі балапан тұр,Екі балапан отыр.Шатаспай тез ойлансаң,Барлығы қанша балапан?2) Пісіп тұрған төрт алмұрт,Қызығатын көрген жұрт.Екі алмұртты бұтақтан,Алып жеді Мұратқан.Қанша қалды алмұрттан?3)Бес алманың үшеуін,Досың сұрап алды.Айтшы, сонда нешеуі,Өз қолыңда қалды?4) Тал бойында тізіліпБес жапырақ тұр еді.Жел соқты да үзіліп,Ұшып кетті үшеуі.Ілініп тұр әліЖапырақтың нешеуі?5) Табақта төрт өрік,Қолымда бір өрік.Қосқанда барлығыБолады неше өрік?6)Алма ағашта бес алма,Қандай тәтті жесе алма.Бесеуін де жеп қойсам,Қалады сонда неше алма?7)Алғашында күнара,Қонушы еді бір ара.Бүгін төрт туысынЕртіп кепті бұл ара.Келіп қонды неше ара?

5.Дәптермен жұмыс.

Дәптердегі тапсырмаларды орындайды.

Жақсы .

Балалар тізбектеп,санап береді.

Балалар сол жағында және он жағында тұрған сандарды табады.

Әр топтан бір оқушыдан шығып сандарды ретімен қосады.

Оқушылар «+» немесе «-» таңбасын қояды.

Балалар қимыл – қозғалыспен әнді айтады.

Балалар жауабын тауып айтады.

Балалар дәптердегі тапсырмаларды орындайды

Қорытындылау

1-ден 20-ға дейінгі

сандарды тура санау және кері санауды бекіту.

Күтілетін нәтиже: 1-ден 20-ға дейін санай алу

Білуі тиіс: 1-ден 10-ға дейінгі сандардың құрамын анықтай білу