Біз біргеміз тақырыбына арналған ашық сабақ

Тренингтің тақырыбы: "Біз біргеміз!"

Мақсаты: Отбасындағы қарым-қатынасты нығайтуға өзара түсінушілікте ата-ана мен балаға қолдау, көмек көрсету.

Психолог: Құрметті қонақтар, ата-аналар және ұстаздар қош келдіңіздер! Бүгінгі тренинг отбасыға байланысты болады.

"Отбасы" деген сөзге ассоциация айту.

Бүгінгі тренингтің тақырыбы: «Біз біргеміз!»

Отбасы туралы бейнефильм көрсетіледі

Аңыз: "Бақытты отбасы"

- Ал,сіздер қалай ойлайсыздар қағазға қандай сөз жазылды. Ақ парақ қағазға сол сөзді жазыңыз. Бақытты отбасы болу үшін не керек?

Жаттығу: "Суретті жалғастыр"

Аналар суретті бастайды , "тоқта" деген сөзді айтқанда балалар жалғастырады. Бір-бірімен ақылдаспаймыз. Үндемей сурет саламыз.

- Сіздерге салынған сурет ұнады ма? Бірге жұмыс істеуге қиын болды -ма?

Жаттығу "Менің жақсы қасиеттерім"

Ақ қағаз бетіне өздеріңіздің алақандарыңыздың суретін саласыздар. Әр саусаққа жақсы қасиеттерді жазамыз. Ата-аналар балаңыздың жақсы қасиеттерін жазады, ал балалар- ата-аналардың. Жазып болғасын қағаздарды ауыстырып, оқып шығамыз.

- Осындай қасиеттер сіздің бойыңызда бар ма? Өздеріңіз туралы қандай жаңа қасиет білдіңіздер ?

Әңгіме: "Ата-ана жүрегі" Бір отбасында жалғыз баласы болыпты. Ол ер жетіп, басқа қалаға кетіпті. Өмірін ырду-дырдумен өткізеді , ата-анасына бір де хат жазбайды. Күндердің күнінде ақшасы таусылып, үйіне қайтуға тура келеді. Кәрі ата-анасынан ақша сұрауға ұялады, қаладағы өмірін аңсап, кеткісі келеді. Банкада ақша жатқанын байқап, ешкімге білдірмей ұрлап алып кетіп қалады. Тағы да көңілді өмір кешеді, тағы әке-шешесіне хат жазбайды.Ол да көпке жетпейді, амалсыздан әке-шешесіне хат жазады. "Қымбатты менің туғандарым. Мен бейсенбі күні сағат 3-те үйдің жанынан өтемін. Егер мені үйге кірсін десеңдер, терезеге ақ орамал іліп қойыңдар. Ілулі тұрған орамалды көрсем, үйге кіремін, ал егерде болмаса, кірмей кетемін".

- Сіздер қалай ойлайсыздар, ақ орамал ілулі тұрды ма, әлде жоқ па?

/Барлық терезелерге ақ орамалдар ілінген, есік ашық тұрды./ Не себептен?

Жаттығу: "Мен сені жақсы көремін" . Жүректердің ішіне сөйлемді жалғастырамыз. "Ана! Мен сені жақсы көремін ......", "Балам немесе қызым! Мен сені жақсы көремін...."

Рефлексия: Бала мен ата-ана арасындағы қарым-қатынас қандай болу керек?

түсіністік

достық

Ата-ана сыйластық Бала

ынтымақ