Біз епті баламыз дене шынықтыруға арналған жинақ

Атырау облысы.

Махамбет ауданы

«Жауқазын»бөбекжай-бақшасы

«Таңшолпан» ересек тобындағы «Денсаулық» білім саласы бойынша дене шынықтырудан өткізілген ұйымдастырылған оқу қызметі

Тәрбиеші:Даришева Қалампыр Жолдыбайқызы

2020-2021 оқу жылы

18- ақпан айы

Білім саласы:Денсаулық

Өтпелі тақырып : «Бізді қоршаған әлем»

Апталық тақырып: «Электроника әлемі»

Ұйымдастырылған оқу қызметі:Дене шынықтыру

Тақырыбы: «Біз епті баламыз»

Мақсаты:Балалардың денсаулығын қорғау және нығайту, ағзаны шынықтыру.Белсенді қимыл-қызметіне қызығушылықты және оған қажеттілікті тәрбиелеу.Жаттығуларды орындау және ойындарды ойнау барысында ұжымдық қимыл әрекеттерінің үйлесімділігін дамыту,ұжым болып әрекет етуге, ұйымшылдыққа тәрбиелеу.Шапшаңдық, ептілік, төзімділік сияқты қасиеттерді дамыту.

Керекті құрал-жабдықтар:Доп, құрсау, кубик, лента , ойын атрибуты.

Әдіс-тәсілдер: Бастапқы, негізгі қимылдарды жасау жолдарын көрсету,түсіндіру, ойын технологиясы.

Билингвализм: шаңсорғыш-пылесос,

Ұйымдастырылған оқу қызметі кезеңдері

Тәрбиеші іс-әрекеті

Балалардың іс-әрекеті

Мотивациялық қозғаушы

Амансың ба! –дейміз барлық адамға,

Амандасу парыз саған, маған да!

Бәлкім, содан ұзарады жасымыз

Ауырмаймыз, мен де сенде, бәріміз!

Амандасу.

Балалар жылы тілек сөздерін айттып, қонақтармен амандасады.

Ұйымдастырушылық-ізденістік

Бастапқы: Балаларды бойларына қарап, лекке. қатарға тұрғызу.

Кіріспе

Журу, сапта бір-бірден, екеуден, аяқтың ұшымен,өкшемен,

Жүруді жүгірумен, кезектестіру,сапта бір-бірден және жұппен жүгіру, жүгіруді секірумен,шеңбер болып жүру,жүгіру, шеңбер сыртына қарап жүру,жүгіру.

Жалпы дамытушы жаттығулар: Құрсаумен жасалады

1.Қол мен иық бұлшық еттері үшін.

2.Дене бұлшық еттері үшін.

3.Аяқ бұлшық еттері үшін

Негізгі қимылдар:

1.2метр арақашықтықта допты бір-біріне төменнен лақтыру.

2.Затты жанау арқылы орнынан жоғары секіру. (биіктігі 5-10см).

3.Сызықтар арасымен (10 см қаш-та) тепе-теңдікті сақтап жүру.

Қимылды ойын:

«Шаңсорғыш»

Сапқа тұрады

Балалар саппен , бір-бірден, екеуден , аяқ ұшымен, өкшемен ,жұппен жүріп, шеңбер бойымен қол ұстасып жүреді.

Жалпы дамытушы жаттығуды құрсаумен бірге қызығушылықпен жасайды.

Негізгі қимылдарды белсене ,қызығушылықпен жасайды

Қимылды ойынды көңілді, белсенділікпен ойнайды.

Рефлекциялық-түзетушілік

Нүктелі –сауықтыру массажы:

1.Мұрынның екі жағына

2.Қастың жоғары бөлігіне

Қорытынды.

Спорт сенің досың болсын

Спорт саған күш-қуат берсін

Спортпен шұғылданайық

Деніміз сау болсын!

Балалар нүктелі-сауықтыру массажын жасайды.

Өздеріне қандай негізгі қимылдар жасаған ұнағанын айтып өтеді.

Жақсы тілекпен ұйымдастырылған оқу қызметін аяқтайды.

Күтілетін нәтижелер:

Біледі: жаттығуларды орындау реттілігін,негізгі қимылдарды орындаудың қимылдық дағдыларына және техникасына ие.

Игереді:жаңа қозғалыс түрін.дене жаттығулары мен сауықтыру шараларына қызығушылық танытады.

Меңгереді:ойын ережесін сақтай алады.

Атырау облысы

Махамбет ауданы «Жауқазын» бөбекжай-бақшасы

«Таңшолпан» ересек тобындағы күннің 2-жартысындағы ұлттық ойындардың берілуі.

Тәрбиеші:Даришева Қалампыр Жолдыбайқызы

2020-2021 оқу жылы.

Ақпан айы

«Таңшолпан» ересек тобындағы күннің 2- жартысындағы ұлттық ойындардың берілуі.

Мақсаты:Қазақтың ұлттық ойындары туралы айту, олардың шарттарымен таныстыру. Өз ойларын, білгенін жеткізе білуге үйрету, сұрақтарға жауап беру арқылы тілін, ой- өрісін дамыту.Ептілікке, шапшаңдыққа тез ойлауға, әділдікке, инабатылыққа, ұйымшылдыққа тәрбиелеу, ұлттық ойынға деген сүйіспеншілігін арттыру, қызығушылығын туғызу.

«Етек-етек»

Ойын барысы: Мұнда бір бала «мыстан кемпір»болады. Қалғандары-түйе, оның ботақандары. Ең алдында түйе, онан соң бір-бірінің артқы етектерінен ұстап ботақандар тұрады, бойға қарап , ең кішкентайы артқа барады.

«Мыстан кемпір» мен түйе бетпе-бет тұрады. Түйені әрі-бері алдап тұрып «мыстан кемпір» ең артқы ботақанды ұстап алуы керек, түйе оған мүмкіндік бермеуге тиіс.Барлық ботақанды «мыстан кемпір» ұсстап біткенше ойын созыла береді.

«Теңге ілу»

Ойын барысы: Ойынға қатысушылар тепе-тең екі топқа бөлінеді.Әрқайсысы жеке-жеке шыбық мінеді. Ойынды бастаушы жүргізеді.Ойын кезегі басталатын жерге сызық сызылады. Одан әрі 20-30 метрдей жерден тереңдігі бір қарыстай екі шұңқыр қазылады.Шұңқырға он-оннан тас салынады. Содан екі топтан екі сайыскер шығады да , сызыққа келіп, қатарласып тұрады. Бастаушының белгісі бойынша шыбық аттарын құйғытып, шаба жөнеледі. Сол беттерімен әлгі шұңқырға жетіп, қол сұғып жібереді де, тасты іліп алып, әрі өтіп кетеді. Шұңқыр тұсында бөгелуге болмайды. Ұпай әр сайыскердің іліп алған тастарының санына қарай есептеледі.Қай топ көп ұпай жинаса, сол топ жеңеді.

«Соқыр теке»

Бұзау,

Бота,

Қозы,

Лақ,

Тоқты,

Серке,

Құлыншақ,

Құнан,дөнен, бесті бар

Сүзегенсің, тентек жеке, жеке қал.

Ойын тәртібі:ойнайтын балалар қатар-қатар тұрады.Ойын басқарушы қатар тұрғандардың әрқайсысын жоғарыда көрсетілгендей мал атымен атап шығады.Ең соңғы аталған бала «Тентек теке» болады.Ойын кең үйде де, далада да ойналады. Егер далада ойналса шеңбер сызылып, ойынға қатысушылар осы шеңберден шықпауы керек.Ойынды жүргізуші «Тентек текені» ортаға шығарып, көзін таңа бастағанда «тектек теке» былай дейді:

Әй, қараңғыда көзім жоқ,

Тиіп кетсең сөзім жоқ

Мұнан кейін «соқыр текені айнала қоршағандар:

Ал, ұстап көр, батырым,

Міне, келе жатырмын!

Деген өлеңдерді бәрі бірге қосылып айтады. Өлең айтылып болысымен, «соқыр теке» шеңбер ішіндегілерді ұстауға ұмтылады. Бірақ, бұл кезде ойнаушылардың шеңберден шығып кетпеуі қатты қадағаланады. «Соқыр теке» ұстаған бала оның орнына тұрады. Ойын қайта басталады.

«Үй арттында, қол ағаш»

Ойын барысы: Бұл ойында 10-15 бала, я болмаса одан да коп бала, бір топ болып ойнайды.

Ойын тәртібі:Қатысушылар бірінің қолынан бірі ұстап дөңгелен тұрады.Ойын бастаушы не белбеу, не орамал алады да, дөңгеленіп тұрған топтың сыртын айнала жүгіріп былай дейді:

Үй артында қол ағаш,

Желбау тартам, есік аш,

Бұл сөзді бірнеше рет қайталай береді,Дөңгелене тұрған балалар:

Үй артында қол ағаш,

Жел кірмесін, есік бас,-деген сөзді қайталай береді, Тұрған балалар ұстасқан қолын ажыратпайды. Ол –есік ашпағанның белгісі. Енді:

Үй артында қол ағаш,

Желбау тартам, есік аш,-деп жүгіріп жүрген бала өзі таңдаған бір баланың артына орамалмен бір соғып қалады да,орамалды сол балаға тастай сала:

Үй артында қол ағаш,

Озам десең ала қаш,- деп өзі сол бетімен жүгіре береді.Осының боларын біліп, әзер тұрған бала да «Қол ағашты « ала сала, әлгі балаға қарай қарама-қарсы жүгіреді.Бұл кезде дөңгелене тұрған балалар:

Үй артында қол ағаш,

Қол ағашты ала қаш.

Бұрын келген балаға

Тездеп бар да есік аш,- деп бірге айтып тұрады.

Қол ағаш, қол ағаш!

Жел кірмесін, есік бас!- деген барлық бала бірге тағы да айтады. «Есік жабылады» Енді осы қалып қойған бала бәрің қайталап орындайды.Ойын осылай созыла береді.

«Жеке тұлға бойында туған жер, атамекенге сүйіспеншілігін қалыптастыру»

Даришева Калампыр Жолдыбаевна

«Атырау облысы Білім беру басқармасының Махамбет ауданы білім бөлімінің «Жауқазын» бөбекжай-бақшасы» коммуналдық мемлекеттік қазыналық кәсіпорны тәрбиешісі.

«Баланы өз тәрбиеңмен тәрбиелеме,

өз ұлтыңның тәрбиесімен тәрбиеле»

Халық даналығы .

Көк байрақтыТәуелсіз ел атанған 30 жылға жуық мерзімде еліміздің «Мәңгілік ел » болуына аянбай тер төккен Қазақстан Республикасының Тұңғыш Президенті, Елбасы Нұрсұлтан Назарбаев жыл сайын халыққа арналған жолдаулар мен бағдарламалық мақалаларды ұсынды. 2017 жылы Елбасының «Болашаққа бағдар: рухани жаңғыру» атты бағдарламалық мақаласы жарыққа шықты. Бұдан соң елде «Рухани жаңғыру» жалпыұлттық бағдарламасы жүзеге аса бастады.Тұңғыш Елбасымыз Н.Ә.Назарбаевтың «Болашаққа бағдар,рухани жаңғыру» мақаласындағы нақты алға қойған жобалар бүгінде білім саласының барлық деңгейінде насихатталып, нақты жұмыстар жасалуда.Қазақстан Республикасы Білім және Ғылым Министрлігі бекіткен Қазақстан Республикасы Мектепке дейінгі тәрбие мен оқытудың үлгілік оқу бағдарламасы мазмұнында :4/7 «Рухани жаңғыру бағдарламасын іске асыру шеңберінде ұлттық салт- дәстүрлер мен жалпыадамзаттық құндылықтарға негізделген рухани-адамгершілік дағдыларды қалыптастыру деп атап көрсетілген.Әрбір бағыт біздің қоғамда дәл қазіргі уақытта ауадай қажет. Мен соның ішінде ұлттық құндылықтарға ерекше тоқталып отырмын.Өйткені , өткенсіз болашақ жоқ, біз өзіміздің қазақ атты ерекше ұлт екенімізді ұмыттырмау үшін ата-бабамыздан келе

-Денсаулығыңыз мықты болсын!

-Жасыңыз ұзақ болсын!

-Балаларыңыз бен немерелеріңіздің қызығын көріңіз!

-Ауырмаңыз!

-Мейіріміңіз аса берсін!-деген тілектер айтады.Одан кейін сиқырлы қоржынның көмегімен «Тез ойла» деген ойын ойналады.Ондағы мақсат: сұрақтарға дұрыс жауап беру арқылы баланың ой-өрісін дамыту.Мына төмендегі сұрақтар қойылады:-Қазір жылдың қай мезгілі?-Қазақстанның елордасы қай қала?-Өзің қай қалада тұрасың?

-Қазақстанның елбасы кім?

-Қазақстанның туының түсі қандай?

-Нұр-Сұлтан қаласының көрікті жерлерін ата?

-Сен қай көшеде тұрасың?

(Осы сұрақтарға жауап берген балалар мойнына бойтұмар тағу).

Пайдаланатын құралдар: асықтар, бойтұмар әр балаға.

Топ жаңалықтары. «Менің Қазақстаным» әні айтылады.Бұдан кейін балалар бірінен соң бірі Отан жайында лебіздерін білдіреді.

Бекболсын: Отан елдің анасы

Ел ердің анасы.

Әли: Отанды сүю- отбасынан басталады.

Мирас: Отан бізде біреу-ақ

Ол біздің Қазақстан

Нұрзере: Жат елдің жақсысы болғанша

Өз еліңнің сақшысы бол!

Орталықтағы жұмыстар:Өнер орталығында баланың шығармашылығын дамыту мен ту туралы түсініктерін бекіту мақсатымен «Ой асу-болашаққа жол ашу»деген ұжымдық жұмыс.Мерекелік коллаж жасалады.Әдебиет орталығында «Менің елім» тақырыбындағы жұмыста баланың туған еліне деген сүйіспеншіліктерін арттыру, тақпақ жаттау арқылы тілін дамыту мақсаты көзделеді.Өлең арқылы балаларға «Біздің елімізде не бар,неге бай?» деген ұғым түсіндіріледі.Қорытындылау: Ұжымдық жұмысты әңгімелеу,жаттаған тақпақтарын айтқызу арқылы ұйымдастырылған оқу қызметі қорытындыланады. Соңынан Ақ әже бата береді.Сондай ақ халық ауыз әдебиеті туындылары: жұмбақтар, мақал-мәтелдер отанға деген сүйіспеншілікті қалыптастыру құралдарының бірі болады.Сөз зергерлерінің аузынан шыққан мәтелдер мен мақал-мәтелдерді өз тәжірибемде үздіксіз пайдалану дәстүрге айналған Қазақтың мақал- мәтелдерінің негізгі тақырыптары : Отан ,елдік, ынтымақ, бірлік, ерлік,туралы.Мысалы: «Ер бір өледі.қорқақ мың өледі»,«Отан –оттан да ыстық», «Өзге елде сұлтан болғанша, өз еліңде ұлтан бол», деп жас ұрпақты ерлікке, Отанын сүюге баулыған асыл сөздер болған.Мақал- мәтел қысқа да ұтымды жеткізетін өмір тәжірибесінде қолдана айтатын сөздер, сол сияқты жұмбақ

Сүмбелі тетікті,

Қызыл желекті,

Ерден қалмайды

Жауда керекті.(Найза)

Белі қайқы, жоны тайқы.(қылыш)

Жалпы, жұмбақты сөз образының кілті есебінде айтуға болады.Жұмбақтардың шешуін іздеймін деген баланың ойына және қиялына әсер етіп қана қоймайды, сонымен қатар қылыш, найза тәрізді ел қаруын қолына алып, елін жауынан қорғауға деген құштарлық пайда болады. Патриоттық сезімді қалыптастырудағы ерекше мәтіндер-ертегілер.Балаларға өзім таныстырған ертегілердің мазмұнында халықтың тыныс-тіршілігі, әдет-ғұрыптары мен дәстүрлері, бақыт жолындағы күресі, адамдардың өз ара қарым-қатынастарымен мінез құлықтары, адамдардың еңбек сүйгіштігі, өз халқына, Отанға, туып өскен табиғатқа деген сүйіспеншіліктері белгіленген.Қазақ қаламгерлері ертегінің адам баласына тәлім-тәрбиелік рухани маңызы жөнінде айта келіп: «Ертегі-рухани тәрбиелік мәні аса зор, көзіміз көріп, құлағымыз ести алмайтын, тек ақылмен ажыратып, жүрекпен ғана түйсіне алатын, материалдық әлеммен бірге шегі жоқ рухани әлем болмысының бір тұтас баян етілген көрінісі», -деп анықтама береді.Ал, классикалық батырлар ертегісінде батыр отанын, елін, жерін қорғау үшін күреседі.Ертегінің негізгі құрамында туғандарын, ағайын-жамағатқа көмек көрсету, батырдың айнымас серігі тұлпардың бейнеленуі көрсетіледі.Сондай-ақ батырдың айнымас бейнесі елі

«Көңілден шыққан көрікті ойлар»,

«Жауқызын жырлар жинағы»,

«Тәуелсіздіккке тарту»

«Тиым сөздер мен ырымдар»

«Кел жаттайық»

атты жыр-жинақтарымды шығарған болатынмын.Бұл жинақтарымда жас ұрпақтың бойына патриоттық рух беретін, танымдық тақпақтар, ойлы жұмбақтар, қызықты жаңылтпаштар бар.Қазақ «Балаға өз тіліңмен сөйлеме, баланың өз тілімен сөйле»-деген.Тәрбиенің мөлдірінен, тереңінен тазасынан нәр алған алған бүлдіршіндер,жас ұрпақ қана сол жұлдыздың жарқыраған сәулесіндей өзгелерге білім шуақтарын шаша алады.Жалпы бала тілінің дамуы бесікте жатқан кезі « бесік жырынан» басталады.Ол жырларда…