Бізді қоршаған әлемдегі төртбұрыштар тақырыбы

Геометрия-8а

Сабақтың тақырыбы: «Бізді қоршаған әлемдегі төртбұрыштар

( параллелограмдар,тіктөртбұрыштар, квадраттар, ромбтар, трапециялар)

Мақсаты: Сабақ барысында оқушылар білімдерін жүйелейді, анықтамаларын, қасиеттерін, белгілерін ажыратады, салыстыра алады, естеріне түсіріп есептер шығарады. Сабақтың түрі: сынақ-сабақ

Сабақтың типі: Диалогтіқ оқыту, топтық, жұптық жұмыс

Сабақтың көрнекілігі: Интерактивті тақта,кеспелер, слайдқа салынған есептер, стикерлер, фломастерлер , А-3, А-4 қағазы, кроссворд .

Пәнаралық байланыс: әдебиет, дене шынықтыру

Сабақтың барысы:

Ұйымдастыру кезеңі Сәлемдесу. Оқушыларды түгендеу

I. Сергіту сәті. «Шырша» музыкасына Тренинг. Топтарға бөліну

«Тіктөртбұрыштар» тобы.

Ұраны: «Шығар, Ізден, Жаса, Ойлан»

«Ромбтар» тобы.

Ұраны «Іздену, шешу, ұқыпты санау, Жеткізер бізді жеңіске»

«Параллелограмдар» тобы

Ұраны «Ойлан, есіңе түсір, зертте, қорытынды жаса»

Қайталау оқу анасы

II Топтардың жинақталуына сабаққа зейінін шоғырландыруға арналған тапсырма.Кроссворд шешу

Әрбір топқа кроссворд беріледі. Оны шешу барысында төртбұрыштардың анықтамасын,элементтерін еске түсіреді.Топтардың жеңіске жетуі әрбір оқушының белсенді болуына байланысты. (1-сурет)

Тігінен:

1.Тек екі қарама-қарсы қабырғалары параллель болатын төртбұрыш

2. Төртбұрыштың көршілес төбелерін қосатын кесінді

3. Төртбұрыштың қабырғалары шығатын нүкте

4. Төртбұрыштың қарама-қарсы төбелерін қосатын кесінді

5. Барлық қабырғалары тең болатын тіктөртбұрыш

6. Барлық қабырғалары тең параллелограмм

Көлденең жолда қандай фигура жасырынған

III Ерте,ерте, ертеде...

Соңы сұрақтармен аяқталатын ертегімді тыңдаңыздар. Кім бірінші болып дұрыс жауап берер екен.

Барлық төртбұрыштар орман алаңына жиналып өздерінің ханзадаларын сайлап алмақшы болады.Олар ұзақ дауласып бір шешімге келе алмайды. Сол кезде бір кәрі параллелограмм дауды тоқтатыңдар, бәріміз жиналып төртбұрыштар патшалығына барайық. Кім бірінші жетсе ,сол ханзада болады.Бәрі келісіп ертелете алыс сапарға аттанады.

Жолда фигуралар сылдырап ағып жатқан өзенге кеэдесті. Ол «Кімде кімнің диагональдары қиылысып, қиылысу нүктесінде қаққа бөлінсе солар ғана өте алады»,-деді. Төртбұрыштардың кейбіреулері жағада қалып, ал қалғандары арғы бетке жүзіп өтіп сапарларын жалғастырды. Жолдарында биік тау кездесті де былай деп тіл қатты: «Кімдердің диагональдары тең солар ғана өтеді»,-деді. Фигуралардың кейбіреуі тау етегінде қалды да, қалғандары аттанып кетті. Қанша жүргені белгісіз олар жіңішке ғана көпірі бар орға кездесті. Көпір бірден кімнің диагональдары тік бұрыш жасап қиылыссса, соны ғана өткіземін деді. Көпір арқылы бір ғана төртбұрыш патшалыққа бірінші болып жетіп, ханзада болып сайланды.

Сұрақтар: