Біздің Елбасы туралы тәрбие сағаты, сынып жетекшіге

Тақырыбы:Біздің Елбасы

Мақсаты:1.Қазақ халқының тұңғыш президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру;2.Елбасының өмір жолынан үлгі ала отырып Отанын, халқын сүюге, ержүректілікке, азаматтыққа, ұлттық патриоттық сезімге тәрбиелеу;3.Шәкірт жүрегінде елбасына деген сүйіспеншілік сезімін ояту, құрметтеу.

1-жүргізуші:Қазақстан-егеменді ел,тәуелсіз ел,

Болашаққа нық басып буынған бел.

Көкке өрлеген,байрақты желбіретіп

Қуаныш пен шаттыққа қадам басты ел.

Шартарапта шаттығындай азат күн,

Ғасыр сүйіп тұрғандайын ғажап күн!

Көк байрағы,Елтаңбасы,бірлігі,

Шалқи берсін Әнұраны қазақтың!

(Әнұран орындалады)

2-жүргізуші:

Тәуелсіздік!Қандай киелі сөз!Ата-бабаларымыз үш ғасырға жуық уақыт аңсап өткен киелі сөз!Осы тәуелсіздік жолында құрбан болған боздақтарымыз қаншама?!Олар елдің қамы,жердің қамы үшін қан төгіп,ақыр соңында солар төккен қызыл қанның арқасында «Тәуелсіздік» атты бақытты қолымызға қондыра білдік,осы киелі сөздің мағынасын ұғына білдік.Қазақ халқы батыр,ұлтжанды азаматтарының арқасында 26 жылдан бері тәуелсіз,бейбіт елміз.Тәуелсіз ел болған соң сол елдің тізгінін ұстар,болашаққа бастар басшысы болуы керек.Біздің бүгінгі сабағымыз елдің елдігін,халқының қамын ойлаған еліміздің алғашқы президенті,елбасымыз Нұрсұлтан Әбішұлы Назарбаевқа арналады. «Елбасына»(Ерғали):Ауыр күнді артымызға тастауы Қиын сәтте қиындықтан қашпауы.Тілім, дінім, ұлтым қайта көгерген,Елбасымыз Нұрағаңның бастауыТуды ұстап тура жолға түсіріп,Жас Отанның өмірін де түсініп,«Елім, жерім» деп ұрандап тайсалмай,Бір керемет жасады-ау кісілік!Елбасымыз саған мәңгі разымыз,Үлкен-кіші, ағайындар – бәріміз.«Ұлтым, елім» деп қайғырған ұлы жан,Сіз біздердің піріміз де, әніміз.

1-жүргізуші:Еліміз 1991 жылы 16-желтоқсанда тәуелсіздік алды.Тәуелсіз ел болғанымызға 26 жыл толып отыр.Тәуелсіз елді қандай адам басқарады?Ел басқаратын адам қандай болу керек деп ойлайсыңдар?

(Топтастыру)

2-жүргізуші:Бүгінгі сабағымызда елбасымыздың өмірі мен еңбек жолы баяндалатын «Біздің Елбасы» журналымен танысамыз.

Журнал мазмұны:

«Ғибратқа толы ғұмыр» айдары

«Халқының бағына туған бала»

«Отбасым –алтын діңгегім»

«Қамқор әке,мейірімді ата»

«Металлургтен басталған еңбек жолы»

«Халқының сайлап алған қалаулысы»

«Кемеңгер көшбасшымен татулық кемесінде»

«Елбасы-халықаралық наградалар мен құрметті атақтарға ие тұлға»

«Елбасы-жазушы,ақын»

Астана-қазағымның бас қаласы»

«Елбасы атындағы мұражайға саяхат»

«Елбасы атындағы білім ордалары»

Елбасы туралы жазылған кітаптарда аз емес»

Серік:Нұрсұлтан Назарбаев 1940 жылы 6-шілдеде Алматы облысының Қаскелең ауданына қарасты Шамалған ауылында Әбіш пен Әлжанның отбасында дүниеге келген.

1960 жылы Днепродзержинск техникалық училищесін,1967 жылы Қарағанды металлургия комбинатына қарасты техникалық оқу орнын,1976 жылы Кеңес Одағы коммунистік партиясы Орталық комитетіне қарасты Жоғарғы партия мектебін бітірген.Еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастап,домна пешінің аға газдаушылығына дейінгі жолдан өтті.

Балалық шағы кейде айта беретініміздей таршылық жағдайда өтті. Үлкендердің мал бағуына, бау-бақша өсіруіне көмек көрсету керек болды, шөпшек теріп, отын жарды.Өзі еске алғандай, өсірген аз-маз өнімдерін сатып, үй-ішіне қажетті заттар алу үшін есек жеккен арбамен жақын маңдағы теміржол стансасына бару дегенің керемет мереке саналған.Мектепті жақсы оқып, жақсы білім алды.Ата-анасын қатты құрмет тұтты.1-жүргізуші:Әбіш пен Әлжан отау құрғандарына бес жыл толса да нәресте үнін ести алмай жүреді.Бір күні анасы мырзабала «Сендер киелі Назарбайдың ұрпағысыңдар.Әруақтар сендерден бірдеңе дәметіп жүрген болар.Райымбек бабаның басына барып түнеп зиярат етіп қайтыңдар!» деп жіберді.Әулиенің басына барғасын екеуі ұйықтамай бала тілемекші болады.Бірақ қалғып кетеді.Сол кезде Әлжан анаға әруақ даусы естіледі. «Оян,қарағым,қолыңды жай,шын ниетіңмен келген екенсің,батамды берейін!Жаратқан ием сендерге екі ұл береді,бірақ есімдерін ұқсатып қоймаңдар!» деп ақ сақалды,желбіреген қудай ақ шашты қарияға айналып ғайып болады.Көрген түсін шырақшыға жорытады.Шырақшы:

-Жасаған ием жарылқады,сендерге аян берген Бала Түкті Шашты Әзиздің өзі.Екі ұл сүйесіңдер.Алла тілеулеріңді береді!-деп жақсыға жориды.Ауылына келген соң Әлжан ана тағы түс көреді.Түсінде үлкен теңіз көреді.Түсуге жүрексінеді.Бірақ бір күш суға қарай сүйрей жөнеледі.Жүрегі өрекпіп суға түседі.Суға түскен соң су тізесінен келеді,белінен келеді,мойнынан келеді.Бір кезде көрінбей кетеді. «Тұншығамын-ау»деп қорқады.Бір ғажабы еркін тыныстап келеді.Аяғы теңіз түбіне бір тиіп,бір тимей келе жатып су түбінен мылтық тауып алады.Кәдімгі аңшының ұзын мылтығы. «Жақсы болды ғой,Әбішке апарып беріп қуантайын» деп мылтықты иығына асынып алады.Мылтықтың екі ұшы мен дүмпуі иіліп жерге тиеді,сонда да Әлжан ана мылтықты тастамай,аршындай басып теңіздің екінші жағына шыға келеді.Түсін туысқандарына жорытқанда «Түсің жақсы екен.Құдай сендерге ұл береді» дейді.Көп ұзамай Әлжан ана жүкті болады.Сөйтіп Алматы облысы қаскелең ауданының Шамалған ауылында 1940 жылы 6-шілдеде болашақ елбасы дүниеге келеді.

Саят:Әбіштің отбасында Сұлтаннан кейін Айсұлтан атты бала дүниеге келеді.Ол бала кішкене кезінде шетінеп кетеді де,одан кейін Сатыбалды дүниеге келеді.Балалары тұрмаған соң ырымдап кіндік шешесіне қырқынан шыққанша еміздіріп,сатып алған есеппен Әбіш пен Әлжан ақша төлеп өздері алады.Сол себепті есімін ырымдап «Сатыбалды» деп қояды.Одан кейінгі бауырлары-Болат пен Әнипа.

Ерғали:Елбасының жары Сара Алпысқызы – «Бөбек» қайырымдылық қорының негізін қалаушы. «Өзіңді өзің таны» атты балаларға рухани-адамгершілік білім беру және тәрбие беру идеясының авторы.Бүгінгі таңда…