Біздің елбасы тәрбие сағаты мектепалды даярлыққа

Біздің Елбасы

Мақсаты: “Елбасының өмір жолы,тұлғалық тұғыры ерен еңбегі туралы түсінік беру, елбасының өмірі мен еңбегін үлгі тұту, елжандылыққа,

отансүйгіштікке, азаматтыққа баулу, ел болашағын ойлайтын, халқы үшін

қызмет ететін тұлға тәрбиелеу”

Мұғалім: Елдің елдігі,

Ердің ерлігі – әнұран!

Сезім биігі,

Төзім иығы – әнұран!

Әннің асылы,

Ұранның басымы- әнұран!

КР ӘНҰРАНЫ ШЫРҚАЛАДЫ

Мұғалім: Балалар, бүгін бізде үлкен мереке! Биылғы жылдың 1- желтоқсан Қазақстан Республикасының Тұңғыш Президент күні деп тағайындалды.

Балалар, Қазақстан Республикасының президенті кім?

(Балалардың жауабы)

Қазақстан президенті қандай бала болды деп ойлайсыңдар?

БАЛАЛАР: Білімді, ақылды, өнерлі, тәртіпті т.б.

Мұғалім: Дұрыс айтасыңдар! Барлық жағынан қабілетті, талантты болған екен. Соның арқасында ол еліміздің елбасшысы-президенті болып сайланды. Н.Ә. Назарбаевтың басшылығымен Қазақстанымыз көркейіп, өркендеуде. Қазақстан халқы бейбітшілікте, тату-тәтті өмір сүруде.

Президент күні мерекесінің құрметіне арналған тақпақтарымызды ұсынайық.

Нұрай: Шықты тарап ой-данадан,

Бері қарады жұлдыз беті.

Өзі қалап сайлап алған,

Елімнің бар Президенті.

Нұржан: Шырақ етіп өмір нұрын,

Алыс жатты алдағы жол,

Ел намысын, елдің жүгін

Арқалаған ардағым – ол!

Жанерке: Елімде бейбіт, тыныш заман болсын,

Тілеймін әр адамға бақыт қонсын.

Елімнің ел ағасы, ел басшысы

Нұрсұлтан Назарбаев аман болсын!

Әсет: Халық үшін - Елбасы,

Әскер үшін – қолбасы.

Тар жол, тайғақ кешуде

Туған жұрты қолдасын.

Айзере: Дара елміз, жекеміз,

Дарабоз ол көкеміз.

Көкемізге еріп біз

Көп арманға жетеміз.

Айсара: Атадан жеткен ақ киіз,

Алты алашқа бақ киіз.

Астанада Елбасын

Хан көтерген тақ киіз.

Ұлжан: Нұр Отан басшы Отаннан,

«Қуат алсам» деп келемін.

Сол бір дана атамнан

«Бата алсам» деп келемін.

Еңілік: Отаным – тірегім,

Отаным – жүрегім.

Отаным – жігерім,

Отаным – білерім.

Нұрасыл:Елбасымыз жолдайды,

Халқы оны қолдайды.

Ешқашанда орынсыз,

Шешімі оның болмайды.

Осындай жақсы адамның,

Жақсылығы тарайды.

Мұғалім: Балалар, президентіміз Н.Ә.Назарбаевтың өмірі туралы түсірілген фото-слайдты тамашалайық. ( «Біздің Елбасы» атты слайд көрсетіледі)

Мұғалім: Президенттің жарлығы бойынша 1998 жылы Ақмола қаласы Қазақстанның Республикасының Астана қаласы болып жарияланды.