Біздің Елбасы туралы тәрбие сағаты, 4-сыныпқа арналған

Сабақтың тақырыбы: «Біздің Елбасы»

Мақсаты: Қазақстан Республикасының тұңғыш президенті Нұрсұлтан Әбішұлы Назарбаевтың туып өскен жері, өмір жолы, қызмет еткен кезеңдері туралы мәлімет беру, Елбасының ұстанымын, өмір жолын үлгі етіп, балаларды Отанын, халқын, жерін сүюге, батылдық, азаматтық, патриоттыққа тәрбиелеу.

Көрнекілігі: Нұрсұлтан Назарбаевтың портреті, кітап көрмесі, нақыл сөздері, «Балалық шағымның аспаны» фильмінен үзінді.

Сабақтың эпиграфы: “… Мен өз халқымның жолында басымды бәйгеге тіккен адаммын. Маған ары үшін жанын садаға ететін осындай текті халыққа, мені ұлым деп, перзентім деп төбесіне көтерген халыққа, арғы-бергідегі қазақ баласының бірді-бірінің пешенесіне бұйырмаған бақытты-толыққанды, тәуелсіз мемлекет құрудың қасында болу бақытын бұйыртқан халыққа қызмет етуден артық ештеңенің керегі жоқ, осы жолда мен бойымдағы бар қайрат-қабілетімді, білім-білігімді аямай жұмсаймын, қандай да тәуекелге барамын…”

Нұрсұлтан Назарбаев

(«Балалық шағымның аспаны» фильмінен үзінді)

Барысы:

Ұйымдастыру бөлімі

Қызығушылығын ояту.

«Балалық шағымның аспаны» бейнефильмін тамашалату.

Бұл киноны кім біледі?

Кино қалай аталады?

Мағынаны тану

Мұғалім түсіндірмесі: Н.Ә. Назарбаев – ұлттық дәстүрде тәрбиеленген, халқының бар қадір-қасиетін бойына жинаған, тілін, тарихын, мәдениетін, әдет-ғұрпын, салт-дәстүрін жетік білетін, ұлтын жан-тәнімен сүйетін, оның мәртебесін өсіріп келе жатқан, халқының үмітін, сенімін ақтап келе жатқан ұлтжанды азамат.

— Қалың елінің жанашыры, мұрасы, тағдырласы

— Қорыққанға қорған, тарыққан пана, зырыққанға сана бола білетін өз елінің шын перзенті.

1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында көптен күткен ұл өмірге келді. Оған әке-шешесі Нұрсұлтан деп ат қойды.

Сәбиге ат таңдаудың өзі жатқан бір хикаяға айналды. Тойға жиналған ағайын-туыс түрлі есімдерді тұс-тұстан айтып жатты. Ең ақырында жаңа туған ұлдың әжесі Мырзабала мынадай ұсыныс білдірді: «Менің сүйікті немерем екі бірдей есімді алып жүрсін. Оның аты Нұрсұлтан болсын».

«Менің әкем Әбіш атамыз Назарбайдың кенжесі. Әжеміз мен бес жасқа келгенде қайтыс болыпты, еміс-еміс есімде. Сұңғақ бойлы, әдемі кісі еді. Үнемі аппақ киім киіп жүретіні көз алдымда. Өте жігерлі жан болатын. Бар балаларына, ауыл ағайынға айтқанын істетіп отыратын. Жарықтық, адуынды болғаны да – ол кісіге ешкім қарсы келмейтін. Әкеме тұрмысқа шыққаннан кейін шешеміз бес жылға дейін құрсақ көтермепті. Ел «Бұлардың балалары болмайды, анау-мынау» деп жүргенде, мен туыппын. Кенже ұлдан көрген тұңғыш немерем деп әжеміз мені бауырына салып алыпты. Менің атымды да Нұрсұлтан деп өзі қойыпты» «Мен әкемнің ештеңе істемей, құр тыныш отырған сәтін көрген емеспін. Ол дәулетті орыстар қолында өскендіктен, егін салуды жақсы білетін. Пәлендей білім болмаса да, миуа ағаштарын будандастыруға кәнігі еді. Жұрт біздің баққа келіп, керемет өсіп тұрған таңғажайып жемістерді, бір жолында кәдімгі апорт алмасы, екінші жолында уылжыған алмұрт пісіп тұрған ағашты тамашалайтын.Әкем өсірген ондай жемістерді кейін еш жерден де көрген емеспін.»

1958 жылы орта мектепті бітіргеннен кейін Н.ӘНазарбаев Днепродзержинс қаласындағы №8 техникалық училищесіне оқуға түседі де, оны 1960 жылы бітіріп шығады. 1960 жылдың мамыр айында ол Теміртау қаласындағы «Казметаллургстрой» тресінің «Доменстрой» құрылыс басқармасында қара жұмысшы болып еңбек жолын бастаған. Ал осы жылдың шілдесінен бастап қарағанды металлургия зауытының балқыту цехында шойын құюшы болып жұмыс істейді. 1964 жылдың ақпан айынан 1965 жылдың тамызына дейін қарағанды политехникалық институтының студенті болған ол балқыту цехының диспетчері, балқыту пешінің аға газщигі болып істейді. 1969 жылдың шілде…