Біздің елбасы тәрбие сағатының материалы

Тақырыбы: Біздің Елбасы

Тәрбие сағатының мақсаты:

Қазақстан Республикасының Тұңғыш Президенті Н. Ә Назарбаевтың өмірі мен қызметі жайлы білімдерін одан әрі толықтыру.

Студенттердің бойында ұлттық рухты, патриоттық сезімдерді ояту.

Болашақта Отанымыз Қазақстанды өркендетуге білімді жастар керек екенін аңғарту.

Көрнекіліктер:слайд, Елбасы суреті, ҚР рәміздерінің суреті

Түрі: Ашық тәрбие сағат

Әдісі: әңгімелеу, түсіндірмелі, сұрақ-жауап

Сәлеметсіздер ме құрметті ұстаздар мен студенттер! 1-желтоқсан Қазақстан Республикасының Тұңғыш Президент күніне арналған «Біздің Елбасы» атты ашық тәрбие сағатымызды бастайық.

Әнұран: «Менің Қазақстаным!»

Барысы:

Ұйымдастыру

Ауыр күнді артымызға тастауы

Қиын сәтте қиындықтан қашпауы

Тілім, дінім, ұлтым қайта көгерген

Елбасымыз Нұрсұлтанның бастауы

Туды ұстап тура жолға түсіріп

Жас Отанның өмірін де түсініп

«Елім, Жерім» деп ұрандап тайсалмай

Бір керемет жасады – ау кісілік!

Кіріспе сөз.

Бүгінгі күн бізге оңайлықпен келген жоқ. Тәуелсіз ел атану үшін, қаншама аға-апаларымыз, ата-бабаларымыз тер төкті. Соның арқасында бүгінде біз, Тәуелсіз, дербес, әлем таныған Қазақстан атанып отырмыз. Тәуелсіздігімізді алғаннан соң халықтың басын біріктіріп Н.Ә. Назарбаев тұңғыш елбасы болды. Әлем таныған, дарынды тұлға, іскер-саясатшы, ҚР-ның Тұңғыш Президенті Нұрсұлтан Әбішұлы Назарбаев сол күннен бері 27 жыл ел басқарып келеді. Ол Қазақстанды бүгінде әлемге әйгілі мемлекет етіп, атын шығарды. Ел экономикасын түзеп, болашақта көш бастаушы елдердің қатарына қосу үшін аянбай еңбек етуде. Елім елдігін көрсетті, ерлігін танытты. Қазақ халқы егемендігін алып, Тәуелсіздікке қол жеткізгенде өз алдынызға ел бола алатындығымызға күмәнданған жандар да көп болған екен. Бірақ ар-намысты ту еткен Елбасымыз аянбай еңбек етуі осы нұрлы күндерге жеткізді.

Ендеше, ел үшін еңбек еткен Елбасымыз – Н. Ә. Назарбаевтың өмір жолына, туып өскен жеріне, білім алған, қызмет еткен жерлеріне шолу жасайық (студенттердің осы туралы ойларын білу)

Студенттердің жауаптарынан кейін толықтыра түсу.

Н. Ә. Назарбаев 1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында дүниеге келді. Нұрсұлтан 5 жасқа толғанда Жамбыл атаның ақ батасын алған екен. Ол Қаскелең қаласындағы Абай орта мектебін бітірген. Мектепте озат, үлгілі оқушы болыпты. Еңбек жолын Теміртау қаласында темір балқытушы болып бастаған. 1967 жылы Қарағанды металлургия комбинаты жанындағы жоғары техникалық оқу орнын, 1976 жылы партия мектебін бітірген.

Теміртауға оралғаннан кейін Н. Назарбаев өмірбаянының «жалынды» кезеңі басталды. 1960 жылы 3 шілдеде сол кезде Қазақстан мен Орталық Азиядағы алғашқы және бірден бір домна пеші іске қосылды. Бұл Қазақстан – Қарағанды металлургия зауытының өмірге келген күні болып саналады.

Қазақстанның алғашқы шойынын қорытуға тәжірибелі шеберлермен бірге жас металлург Назарбаевта қатысты.

Отбасына тоқтала кететін болсақ, жұбайы – Сара Алпысқызы – Халықаралық «Бөбек» балалар қайырымдылық қорын басқарады.