Бізге үйге не керек тақырыбына конспект

№ 1 екінші кіші тобының ұйымдастырылған оқу қызметінің конспектісі.

Өткізу күні:

Тәрбиеші:

Білім беру саласы: Коммуникация

Бөлімдер: Сөйлеуді дамыту

Тақырыбы: «Бізге үйге не қажет»

Өтпелі тақырып: «Бізді қоршаған орта»

Мақсаты: Үйдегі жиһаздармен таныстыру; олар не үшін қажет екенін түсіндіріп айту.

Көрнекіліктер: . Ойыншық - Дымбілмес,жиһаздардың суреті,жұмбақтар, ойыншық жиһаздар.

Билингвальді компонент. Үстел – стол , орындық – стул , кереует – кровать.

Сөздік жұмысы : азық – түлік дүкені , жиһаз дүкені .

Барысы:

Таңғажайып сәт:

Топқа Дымбілмес өзінің жұмбақтары мен жиһаздардың суреттерін ала келеді. / балалар амандасады,қарайды,танысады,суреттер бойынша жұмбақтарды шешеді/

Ойын: «Жұмбақтарды шеш»

Мақсаты: ойлау қабілеттерін дамыту,тақырыпқа сай анықтауға үйрету.

1. Бір нәрсе төрт аяқты,екі басты,

Көтеріп адамзатты көңіл ашты,

Бір адым жерге өзі бара алмайды,

Аяғы болса – дағы қозғалмасты.

/ керует/

2. болғанда бір ауызға екі қақпақ,

Еркінде адамзаттың ашып , жаппақ,

Қаншалық өрнек – өрнек азық ауқат,

Ішінде сол нәрсенің қойған сақтап.

/ шкаф/

3. Басы жоқ, төрт аяқты,жансыз бір зат,

Құлағы жоқ,көзі жоқ,бейне тір ат.

Жүк артсаң әсте белі майыспайды,

Құйрық – жалғыз бұл өзі не қылған зат.

/үстел/

4.Адам жоқ,салмақ салмақ салған,

Орны жоқ, кезіп бармаған.

Тізе бүкпей әлі тұр,

Сонда да таяғы талмаған

/орындық/

Ойын : «Үшінші артық»

Мақсаты: сәйкестікті табуға жаттықтыру.

Проблемалық жағдай жасау: Дымбілмес айтады:

Диван, керует,стақан – бұл жиһаз;

Шкаф ,үстел, тон – бұл жиһаз;

Орындық,диван,түйе – бұл жиһаз.

Дымбілмес балаларға жиһаздар қандай бөлшектерден тұратынын және адамға не үшін қажет екенін ұсынады.

«Бөлшектерді ата» жаттығуы.

Мақсаты : балаларға жиһаздардың бөлшектерін ататқызып және сипаттап беруді үйрету.

Орындық / арқасы,отыратын орны, аяқтары/

Керует /арқасы,аяқтары, онда ұйықтап демалады/

Шкаф / қабырғалары,есіктері,ішіндегі сөрелері,оның ішінде киімдер ілініп тұрады,немесе бүктеліп жатады./

Үстел / үстелдің беті,аяқтары,оның үстінде тамақтанады,сурет салады,жазу жазады.

Ойын : «Дымбілместің бөлмесі» / фото суреттер арқылы/

Мақсаты: сөздік қорларын молайту,кеңістіктегі бағыттарда бағдарлауды үйрету.