Бизнесмен математик сайысы ашық сабағы 10 сынып

Сабақтан тыс шараның тақырыбы: “Бизнесмен-математик” сайысы

Тақырыптың мақсаты: Оқушылардың математика пәнінен логикалық ойлауын және интеллектуалдық қабілеттерін дамыту.

Дидактикалық материалдар: интерактивтік тақта, слайдтар.

Шараның өткізілу барысы:

Жүргізуші: Атақта француз оқымыстысы С.Д.Пуассон “Өмір екі нәрсемен ғана көркемделеді – ол математикамен айналысужәне оны оқыту” деген болатын. Біздің заманымыздан бірнеше ғасыр бұрын айтылған бұл ұлағатты сөз бүгінгі күні де өз дәрежесін жойған емес. Біздің еліміздеде математика пәні мен оқытуға көп көңіл бөлінеді.

Құрметті ұстаздармен оқушылар сіздер бүгінгі 8, 10 сыныптары арасында өткелі отырған “Бизнесмен-математик”атты сайысымызды тамашалауға қош келдіңіздер!

Бүгінгі сайысымызда 8, 10 сынып оқушыларынан құралған үш команда жарысқа түскелі отыр. Ойынымыз 3 айналымнан тұрады:

І-тур. «Физикалық сұрақтар»

ІІ-тур. «Логикалық есептер»

ІІІ-тур. «Ғажайып ұяшық»

Оқушылар үстел үстіндегі қағаздарды таңдау арқылы топтарға бөлінеді.Содан кейін жеребе таңдау арқылы қай топ бірінші бастайтынын анықтап аламыз.

Әр топ өздерін таныстырып өтеді. (топтың аты және топ мүшелерін)

Жүргізуші: Ойын ережесімен таныстырып өтейік:

Әрбір команда банк басқармасы болады. Ойыншылар өздері банк призедентін (команда капитанын) сайлайды.

Призедент тапсырма бойынша соңғы шешімді алуға құқылы.

Қиындығына байланысты командаға кезекпен әр түрлі бағадағы тапсырмалар ұсынылады. (мыс., 5000, 10000, 20000 теңгеге дейін).

Әр команданың бастапқы капиталы – 20000 теңге.

Егер команда дұрыс жауап берсе, олардың капиталы тапсырма құнына байланысты өседі. Егер жауап дұрыс болмаса, онда:

а) егер келесі қоманда дұрыс жауап берсе, онда капиталыңыз тапсырма құнының 100 пайызына төмендейді;

б)егер келесі команда дұрыс жауап бере алмаса, онда капиталыңыз тапсырма құнының 50 пайызына төмендейді;

Команда өз тапсырмасын қарсыласына сатуға немесе өзара келісім бойынша сатып алуға мүмкіндігі бар.

Тапсырманың қиындығына байланысты ойлануға 1 – 5 минут уақыт беріледі.

Ойын аяғында кімнің банкісінде «ақша» көп болса, сол жеңімпаз болып есептеледі.

Сарапшы:

І-тур. Физикалық сұрақтар (әр топ ұяшық таңдап, сол ұяшықта берілген сұрақтарға жауап береді. Ойлануға минут). Барлық сұраққа дұрыс жауап берсе 10000 теңге, 4 сұрақта жоғары5000 теңге капиталдарыңызға салынады. Басқа жағдай есепке алынбайды.

1 – ұяшық

1.Күн күркірегенде ең алдымен найзағайды көреміз бе, әлде күркіреген дауысты естимізбе? (найзағай)

2. Кім барлық тілде сөйлейді? (жаңғырық)

3. Теңізде қандай тастар табылмайды? (құрғақ)

4. Елеуішпен су әкелуге болама? (болады, қар мен мұзды)

5. Ашық ыдыстағы су неге азаяды? (буланады)

6. Стакандағы суды ішіп қойса, ішінде не қалады? (ауа, бу)

7. Неліктен су отты сөндіреді? ( су ауа жібермейді, от ауасыз жанбайды)

8. Қыстыгүні қай үй жылы болады: ағаштан соғылғаны ма, әлде кірпіштен соғылғаны ма? (Қыстыгүні ағаштан жасалған үй жылы болады, себебі ағаштың жылөткізгіштігі кірпіштікінен аз)

2 – ұяшық

1. Сұйықтың ең кіші бөлшегі қалай аталады? (тамшы)

2. Жаздыгүні қандай түсті киім кисең ыстықтамайсың? (ақ түсті көйлек, себебі ақ түс қара түске қарағанда жылуды нашар өзіне нашар жұтады)

3. Кірпіштің салмағы 4 кг. Кірпіштің үстіне жарты кірпіш және оған қоса жартысының жартысындай кірпіш қойылған. Кірпіштің салмағы қанша? (4 кг)

4. Машинаның жылдамдығы қай кезде ұшақтікіне жетеді? (Ұшаққа салыған кезінде)

5. Жүзе алмайтын адам суға түссе қалай шығады? (Үсті су болып шығады)

6. Көшеде жасыл адамды көрген кезде не істеу керек? (жүру керек)

7. Кез келген адамның ала алмайтын сыйлығы? (Нобель сыйлығы)

8. Қандай моль киімді жемейді? (моль – заттың мөлшерінің бірлігі)

3 – ұяшық

1. Физикалық шамалардың қайсысы жердің барлық нүктелерінде және басқа планеталарда өзгермейді? (дене массасы)

2. Массасы 1 кг дененің салмағы неге тең? (9,8 Н)

3. Егер кеседегі судың бәрін ішіп қойсақ ішінде не қалады? (ауа)

4. Орнынан қозғалмай не өтіп барады? (уақыт)

5. Пойыздың қозғалыс жылдамдығы 20 м/с дегенді қалай түсінесіңдер? (1 с-та 20 м жол жүреді)

6. Қандай ыдысқа су құйылмайды? (су толы ыдысқа)

7. Неліктен вертикаль жоғары лақтырылған доп жерге түседі? (жер тарапынан тартылыс күші әсер етеді)

8. Қатты жылдамдықпен келе жатқан жүк машинасын бір қолымен кім тоқтата алады? (жол полициясы)

ІІ-тур. «Логикалық есептер» (ұяшықтар таңдау арқылы, әр ұяшықта тапсырманың бағасы беріледі). Ойлануға 2 минут, 3 минут, 4 минут.

5000 теңге тапсырмалары

1.Жолаушының бір ешкісі, бір капустасы, бір қасқыры бар. Ол өзеннің бір жағынан екінші жағына екі орынды қайық арқылы өтуі керек. жолаушы ешкіні, капуста және қасқырды өзеннен қалай өткізді? Қасқырды ешкімен қалдыра алмайды, ал ешкіні капустамен қалдыра алмайтыны белглі болса?

Шешімі: Ол үшін үшеуін де қадағалаусыз қалмауы керек. Бірінші қатынағанда жолаушы өзеннің ар жағына ешкіні апарады. Екінші қатынағанда жолаушы қасқырды алады, капуста қалады. Өзеннің ар жағына жеткен соң қасқырды қалдырып, ешкіні қайтадан өзеннің бер жағына әкеледі. Үш қатынағанда ешкіні қалдырып, капустаны өзеннің ар жағына апарады. Капустаны қалдырады да, өзі бер жаққа қайта оралады. Төрт қатынағанда ол ешкіні өзеннің ар жағына шығарады.

2. Үш гном бар. Сол үш гномға үш қызыл және үш көк капюшонды көрсетеді. Қараңғыда үшеуіне екі қызыл және бір көк капюшонды кигізіп, қалғандарын жасырады. Гномдардың қайсысы өз басындағы капюшоның түсін таба алады?

Жауабы: ешқайсысы

3. Қатты шөлдеген адам ыдыстағы сұйықтан ыдыстың да, ішіндегі сұйықтың да түріне қарамай ішіп қоюы мүмкін. Дегенмен қандай ыдыстағы су ішілмейді?

Жауабы: бос ыдыстан