Болашақ жастардікі соңғы қоңырау сценарийі 11 сынып

«Болашақ - жастардікі»

/Соңғы қоңырау мерекесінің сценарийі/

1-жүргізуші:

Армысыздар, аяулы да, ардақты ұстаздар қауымы, құрметті қонақтар, қадірменді ата-аналар, сүйікті шәкірттер! «Болашақ - жастардікі» атты алтын ұя - мектептің соңғы қоңырау салтанатына қош келдіңіздер!

2-жүргізуші:

Бүгін қандай шаттық толы күн еді,

Көңіл шіркін, тасып-толып өседі.

Ұл кешегі жігіт болып қалыпты,

Бойжетіпті бантикті қыз кешегі, - демекші, құрметті ұстаздар мен ата-аналар, оқушылар мен қонақтар, міне тағы бір оқу жылы аяқталып, мектебіміздің түлектері бүгінгі салтанатты жиында балалықпен, мектеппен қоштасқалы тұр. Бұл күн – мектеп тарихында, мектеп бітіруші түлектердің есінде мәңгі өшпейтін күн.

1-жүргізуші:

Жарау күндер заулайды, оралмайды.

Дамыл көрмей самғау да оған жайлы.

Жас ұрпақтар көшіне ілестіріп,

Сыр шертеді оларға өмір жайлы.

Қош айтысып балалық шақ өткеніне,

Қош айтысып сүйікті мектебіне.

Тұғырдан түлеп ұшқан жас қырандар,

Ұшқалы тұр өмірдің көктеміне.

2-жүргізуші:

Толқимыз, толқып тұрмыз баршамыз да,

Мұндай күй болған бәлкім баршамызда.

Қол соғып қошеметпен шақырайық,

Түлектер келсін, кәне ортамызға!

Қандай тұнық мөлдір тау бұлақтары,

Жағасында жайқалған құрақтары.

Қарсы алайық көңілді шапалақпен,

Өршіл, Рухты, Намысты - ел жастарын!

(Музыка әуенімен ортаға бітіруші түлектер шығады)

1-жүргізуші: Қарсы алыңыздар 11 «А» сынып оқушылары. Сынып жетекшісі Толегенова Базархан Баймуханқызы, сыныпта 13 оқушы.

1.Сынып белсендісі, оқу үздігі, облыстық ғылыми жоба байқауының жеңімпазы - Құрманәлі Дәулет

2.Д.А.Қонаев атындағы Еуразиялық заң академиясының грант иегері - Серікқызы Салтанат

3.Оқу екпіндісі, мектебіміздің беделді спортшысы - Есенгелді Жасұлан

4.Сынып белсендісі, оқу үздігі, өнерлі - Чайкозова Айшабибі

5.Оқу екпіндісі, мектебіміздің футбол құрамасының ойыншысы - Нұхмеджан Елдар

6.Білімді де өнерлі - Асан Райлям

7.Математика пәнінен ғылыми жоба байқауының жүлдегері - Камаладдинов Дінмұхаммед

8.Сынып белсендісі, оқу үздігі, сыныптың старостасы - Көбен Эльвира

9.Сынып белсендісі,спортшы, ақкөңіл - Асан Рахман

10. Оқу екпіндісі, мейірімді, қолөнер шебері - Тұрсынғали Ләззәт

11. Спортшы, мектепішілік саптық жүрудің взвод командирі - Тыныбеков Ерсұлтан

12.Сынып белсендісі, оқу үздігі, мәнерлеп оқудың шебері - Қайынбаева Аида

13.Сынып белсендісі, математика пәнінің олимпиада жүлдегері - Еренбай Арнұр

2-жүргізуші: Қарсы алыңыздар 11 «Ә» сынып оқушылары. Сынып жетекшісі Демеева Анар Берікқызы, сыныпта 18 оқушы.

1.Сынып белсендісі, оқу үздігі , физика пәнінен ғылыми жоба байқауының жеңімпахы - Жуасбай Жақсылық

2.Оқу үздігі, орыс тілі пәнінен аудандық олимпиада жүлдегері - Бурахан Арай

3.Мектеп мақтанышы, Абай, Мұқағали, Шәкәрім оқуларының жеңімпазы - Өмірәлі Ақеділ

4.Сынып белсендісі, оқу үздігі, сынып старостасы- Режапова Нигорохон

5.Спортшы, бокстан аудандық, облыстық турнирлердің жеңімпазы - Әукен Шыңғысхан

6.Оқу үздігі, аудандық ғылыми жоба байқауының жүлдегері - Тохтарходжаева Ақерке

7.Оқу үздігі, пирография өнерінің шебері - Еркін Аян

8.Аудандық, Облыстық, Республикалық ғылыми жоба жеңімпазы - Әжібек Эльмира

9.Намысты, көлік айдаудың шебері - Асамдинов Аркенжан

10.Оқу үздігі, «Яссауитану» аудандық байқаудың жүлдегері - Шалқар Жәйна

11.Баскетбол құрама командасының шабуылшысы - Азат Ақнар

12. Оқу екпіндісі, облыстық, республикалық би байқауының жүлдегері - Бағайбай Жұпар

13.Спортшы, теннис, баскетбол құрама командасының ойыншысы - Дәуітәлі Ердана

14.Оқу екпіндісі, суретші, әнші - Жумадилова Дана

15.Оқу үздігі, өнерпаз, мектеп диджейі - Жұматай Ерасыл

16.Қыздар арасында, воллейбол ққұрамасының капитаны - Сатыш Гүлдана

17.Оқу екпіндісі, жас тарихшы - Әбілқасым Бекзат

18.Оқу екпіндісі, болашақ дизайнер - Жұмабек Айбота

Әскери жетекші: Мектеп түзеліңдер! Тік тұрыңдар! Туға қарап сап түзе!

/ҚР Мемлекеттік Гимні орындалады/

1-жүргізуші: Салтанатты жиынымызды ашық деп жариялаймыз!

Құрметті ата-аналар, мектеп бітіруші түлектер! Бүгінгі өздеріңізге арналған салтанатты жиынға келіп отырған құрметті қонақтарымызбен таныстырып кетейік.

2-жүргізуші:

Білімді шәкірттерін аялаған

Жақсылығын ешкімнен аямаған,

Саялы бақ, жанашыры жас ұрпақтың

«Ұстаз» деген аяулы, ардақты адам.

Өмірде өлшенбейтін іс – балаға берген білімің, мейірімің, қамқор пейілің. Ол –болашақ. Болашақтың бүр жарған сабағына құйған білім нәрің мәңгілік. Құттықтау сөз осынау мәңгілік борышты ауырсынбай, аянбай, өзімнің адамгершілік парызым, қала берді аналық қамқорлығым деп түсінген мектебіміздің директоры Ардақ Мұхаметжанқызы Қырықбайға беріледі. /Гүл шоғы тапсырылады/

1-жүргізуші:

Зерделеп өнегені бала жастан,

Ұстаз болып жаралған әуел бастан.

Жылы жүрек, жүзінде мейірім – шуақ,

Ғибраты ұстаздың – ұлы дастан.

Келесі құттықтау сөз Қазақстан Республикасының Білім беру ісінің үздігі, ардагер ұстаз Қасқатаева Тұрар Қасқатайқызына беріледі.

2-жүргізуші:

Тек жүректен арналар сөздеріңіз,

Жақсылыққа жаралған жүрегіңіз.

Сөз берейік құрметпен өзіңізге,

Шәкірттерге арналсын тілегіңіз.

Сөз кезегі құрметті қонағымыз—————————————————-беріледі.

1-жүргізуші:

Алдарыңнан арман жолы ашылады.

Түлектерге бақыт гүлі шашылады.

Қимастықпен 11-дің алтын кілтін

Ізін басар сыныпқа тапсырады.

Білімнің алтын кілтін 2019 жылғы «Алтын белгі» үміткері Құрманәлі Дәулет 2020 жылғы «Алтын белгі» үміткері Галиев Тілекке тапсырады.

Құрманәлі Дәулет:

Білімді болу - бәрінен бұрын адам болу деген сөз. Өмірдегі барлық жақсылық білімнен шығады. Білім – сенің серігің, өмірлік жолдасың. Адам өзінің барлық керегін, ой - арманын, талап тілегін тек білім арқылы ғана қанағаттандыра алады.

Дарындылар заманасы дәл қазір,Бәсекелес, өзгеріске бол әзір.Абай айтқан ақыл, қайрат, жүректі,Біріктірсең, болмаймысың, дөп әзір.Әл-Фараби, Қашқариге қарасаң,Абай атаң, Ахметтерді санасаң, Өз дарынын дәлелдеген тұлғаларДәл соларды ұстаздыққа баласаң,Арман қуып, мақсат қойып, алға бас,Ұмтыл, самға, білімдіге жарасаң.

Елімізді қолдай білген, түсе білген араша,Елбасының сөздері бар айтылған дәл тамаша.«Қазақстан болашағы - қазір жастар қолында»Дәстүр сақтап, ғылым қуып, ойлай білгін жаңаша!

«Білім кілтін» аманаттап өздеріңе тапсырамыз!

Галиев Тілек:

Біз 10-шы сынып оқушылары Сіздерден қастерлі аманатты қабылдай отырып, Бізге артқан сенімдеріңізді ақтауға, білім мен тәрбиенің барлық саласында алда болуға, мектебімізді гүлдендіруге, мәртебесін биіктетіп, ғылыми жетістіктерді кеңінен игерген саналы азамат болып шығуға өз үлесімізді қосамыз деп ант береміз!

Оқуды терең меңгеріп,

Аманатты ақтаймыз.

Мектепті үздік бітіріп,

Әдеп-салтты сақтаймыз – деп, уәдемді беремін!

2-жүргізуші:

Абзал жандар биік тұлға байсалды,

Құшақ жайып төл мерекең қарсы алды.

Түлектерге жарқын тілек білдіріп,

Құттықтайды бүлдіршіндер баршаңды.

Құттықтау кезегі бірінші сынып бүлдіршіндеріне беріледі.1-оқушы: Ғұлама білгіш ғалымнан

Оқушы жас жалыннан

Жазушыдан, ақыннан

Ел қорғаған батырдан

Мың бұралған бишіден

Ой тербетекен күйшіден

Оқыған жас кәріден

Оқушының бәрінен

Түлектерге мың сәлем!!!

2-оқушы: Онбір жыл бойы оқыған,

Ойға білім тоқыған.

Апалар мен ағалар!

Орындалды ойыңыз.

Құтты болсын тойыңыз!

3-оқушы: Үлгілі болып Сіздердей

Үлкейеміз біздер де.

Біз де ойшыл, өнерлі

Боламыз істің шебері.

Көп екен «төрт», бесіңіз»

Өмірде өстіп өсіңіз.

4-оқушы: Талай сыннан өттіңіз

Кәмелетке жеттіңіз

Қыран болып ұшыңыз,

ВУЗ-ға барып түсіңіз.

5-оқушы: Еңбекте көп қуаныш

Елде талай туар іс.

Кемелденген маман боп,

Келіңіздер аман боп.

6-оқушы: Мерейлі боп күніңіз