Сыңғырла соңғы қоңырау мерекелік сценарийі

Өтетін күні 25 мамыр 2018 жыл Өтетін орны мектеп алаңы

Басталуы: 9.00

Аяқталуы: 9.45

Тақырыбы: «Құлақтан үнің кетпестей, Сыңғырла, соңғы қоңырау!»

Фанфар.

Композиция

«Мәңгілік Ел – Қазақстан»

Көрініс: Ыбырай Алтынсарин, Абай Құнанбаев жайлы

1-жүргізуші: Армысыздар, құрметті ұстаздар мен оқушылар!2-жүргізуші: Қайырлы күн, қадірлі ата-аналар мен қонақтар!1-жүргізуші:

Өзіңменен өлшеусіз нарқым менің, Асқар тау, арқа тұтар алтын белім. Ұядан ұрпағыңды ұшырмаққа Қош келдің, айналайын, халқым менің!

2-жүргізуші:

Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз ойы толып, бойы өсіп, алтын ұя мектебімен қоштасқалы отыр.1-жүргізуші:

Жас жүректің өмірлік құштары гүл, Бағбан ұстаз баулыған құстары бұл. Қоштасып бүгінгі күн ұясынан, Сол құстардың бір тобы ұшқалы тұр,

Ұрпағың мақтануға болса лайық

Біз бүгін мақтанайық жар салайық

Биылғы 11-ші сынып түлектерін

Құрметпенен қол соғып қарсы алайық

- деп алтын ұя мектебінің табалдырығынан үлкен өмірге ұшқалы отырған мектеп бітіруші түлектерімізді құрметтеп ортаға шақырамыз. Қарсы алыңыздар!(Музыка әуенімен ортаға бітіруші түлектер шығады)2-жүргізуші :

1-жүргізуші:

Жыл өткен сайын өсіп, гүлденіп келе жатқан Тәуелсіз Қазақстанның тарихы көптеген елеулі оқиғаларға толысып келеді. Соның бірі биылғы жылы аталып отырған бас қала - Астананың 20 жылдығы – ел өміріндегі аса ірі тарихи оқиға, Қазақстан халқының мерейлі мерекесі. Біз ғасырлар тоғысқанда тәуелсіз жаңа мемлекет орнатып, байтақ еліміздің дәл ортасынан бас қаламыз – Астананы салдық. Бүгінде әлемдік қауымдастық үшін Қазақстан мен Астана атаулары егіз ұғымға айналып кетті. Бұл ұғым қарыштап даму мен өрісті өркендеудің өнегелі үлгісі ретінде орнықты. Біздер, қазақстандықтар, Астананы асқақтату арқылы дүние жүзінде өзімізді – келешегі кемел, әлеуеті қуатты мемлекет екенімізді таныттық.

2-жүргізуші:

Осы жиырма жылдың ішінде әлемге танылған Астана Қазақстанды да әлемге әйгілі етті. Сарыарқа төсінен бой көтерген Астана бүгінде еліміздің мақтанышына, даламыздың көркіне айналып отыр.Қазіргі кезде Астана біздің келешегімізге қатысты маңызды шешімдер қабылдайтын мемлекетіміздің саяси орталығы ғана емес, ұлттық рухымызды ұйытып отырған рухани ордамызға да айналып отыр.Мектеп бітірулері осы айтулы мерекемен тұспа-тұс келген мектеп бітіріп жатқан түлектеріміздің болашағы жарқын, сенімдері нық болатынына үмітіміз зор. Құрметті мектеп бітіруші түлектер! Сіз үшін осынау күн айшықты да, айдынды, мерекелі де мерейлі, табысты да толғамды күнге айналып отыр. Сіздер дәл осы күні өздеріңіздің қимас бір мекеніңізге айналған балдаурен шақтың балауса қызығын өткізген, бойыңызға білікті білім мен тәлімді тәрбие жинаған мектеп анаңыздан түлеп ұшқалы тұрсыздар!

1-жүргізуші:

2017-2018 оқу жылының аяқталу құрметіне арналған«Құлақтан үнің кетпестей, Сыңғырла, соңғы қоңырау» атты салтанатты жиынымызды ашық деп жариялаймыз.

2-жүргізуші:

Мектеп! Түзел! Тiк Тұр! Қазақстан Республикасынын мемлекеттік Туы кіргізілсін!

Гимн ойналады

1-жүргізуші:

Қазекем қонақ десе көсіледі, Мұндайда жай түйіні шешіледі. Ақ тілеулі ырыс қой қонақ деген Өзімен ала келер несібені. – демекші бүгінгі салтанатты жиынымыздың қадірлі қонақтарымен таныс болыңыздар:

2-жүргізуші:

Бүгінгі күн ардагер ұстаздарымыз да ортамызда:1. 2.

1-жүргізуші:

Ажырамай мектептен бір елі сіз,Жақсылыққа жаралған жүрегіңіз.Сөз берелік құрметпен өзіңізге,Шәкірттерге арналсын тілегіңіз,

- дей отырып, соңғы қоңырау салтанатының алғашқы құттықтау сөзі мектеп басшысы .....................................беріледі.

2-жүргізуші:

Арман ойлар жеткізбеген аңсаған,Қайрат-күшін қажыта алмас қарсы ағын.Өмір теңіз толқындарын көргендеАсыл аға тілегіңді аңсармын, - демекші бүгінгі салтанатты жиынымыздың құрметті қонақтарына сөз береміз:

Сөз кезегі:

2-жүргізуші:

Жақсылығын ешкімнен аямаған, Оқыған мектебі үшін жанын салған

Саялы бақ, жанашыры жас ұрпақтың

Сөз кезегі өзіңізде ардақты адам - дей отыра сөз кезегін осы ауылда туған, осы мектеп түлегі, мектеп жанашыры, «Қамқоршылық» кеңесін ұйымдастырушы, кеңестің төрағасы .................................................беріледі.