Болғанда елім тірегім әдеби-сазды кеш сценарийі

«Болғанда елім – тірегім, Жасқанбай соғар жүрегім» атты әдеби-сазды кештің сценарииі.

Кештің мақсаты: Мектеп оқушыларының Тәуелсіз Қазақстан, Елбасы туралы білімдерін дамыту, оқушыларды Отанын сүюге, елін жерін, Президентін құрметтеуге тәрбиелеу. Мектеп сахнасы кеш тақырыбына сай безендірілген. Мереке мектептің «Үкілі домбыра» оркестрінің орындауындағы күймен ашылады. 1 жүргізуші: Күй ойнайды қазағымның жанында, Ән ойнайды қазағымның қанында. Үзіледі, үзіледі әуендер, Күмбірлеген әсем күйдің сазында - қазақ күйі «Салкүрең» орындайтын Ахмет Байтұрсынұлы атындағы гимназияның «Үкілі домбыра» ұлт аспаптар оркестрі.

( фанфар, жүргізушілер ортаға шығады) 1 жүргізуші: Армысыздар, құрметті қонақтар! Бүгінгі Қазақстан халқының ұлы, әрі үлкен мерекесі, қазағымыз егеменді ел атанып, тіліміз мемлекеттік мәртебе алып, ұлттық мәдениетіміз, салт-дәстүріміз қайта оралып, өз алдымызға ел болып, Тәуелсіздік даңғылына аяқ басқанымызға 25 жыл толып отыр.

2 жүргізуші: Тәуелсіздік мерекесіне арналған Ахмет Байтұрсынұлы атындағы гимназияда өтіп жатқан «Болғанда елім – тірегім, Жасқанбай соғар жүрегім» атты әдеби сазды кешке қош келіпсіздер! 1 жүргізуші: Осындай жүрек толқытар салтанатты сәтте, тарих шежіресіне енетін ерекше күнде, өткеніміз бен бүгінімізге, ертеңгі болашағымызға тоқтала кеткеніміз жөн шығар. 2 жүргізуші: Қазақ халқы тамыры жеті қабат астына жіберген алып бәйтеректей, өзегін ғасырлар тереңіне тартып, осынау қасиетті ұлы даласынан табан аудармай, дауылдармен алысып, тағдырымен қарысып, өсіп-өркендеп келе жатқан байырғы халық. 1 жүргізуші: Отаным Қазақстан - туған елім, Кең екен ғой қаншама дархан жерің. Қасиетті қара жерді қалың жаудан, Қорғап қалды ұрпағы үшін батыр, ерің. 2 жүргізуші: Кіндік қаным тамған жерім Қазақстан, Мендей ұрпақ саған арнап жазар дастан. Елін сүйген ержүрек ұрпақтары,

Тәуелсіз деп соқсын жүрек бала жастан. Екеуі бірге : Қуан халқым! Қуанатын күн бүгін, Серпіп таста мұңды жүрек түндігін. Шарықтайық, шаттанайық, тынбайық, Тәуелсіздік күнін бүгін халқым бірге тойлайық. 1 жүргізуші: Гимназияның 9 «Э» сынып оқушысы, «Тараз жұлдыздары» байқауының жеңімпазы Қамбатыров Зияраттың орындауындағы «Көк тудың желбірегені» әнін қабыл алыңыздар. І – бөлім. «Тәуелсіздік – сан ғасырлық арман, қол жеткізген ақиқат.»

/Слайдтан бірінші бөлімнің тақырыбы көрсетіледі, 10 оқушы

шығады./ 1 оқушы: Тәуелсіздік - сенің абыройың, намысың, иығыңдағы қалқаның, маңдайыңдағы жұлдызың, төбеңдегі айдарың, қабағыңа біткен айбарың. Ендеше халқым, Тәуелсіздігіңнің ғұмыры ұзақ болсын! 2 оқушы: Атыңнан айналайын, Егемен ел, Тәуелсіз күнің туды, кенеле бер. Мерейің құтты болсын, Тәуелсіздік! Ғасырдың тойы болшы келе берер. 3 оқушы: Тәуелсіздік! Тәуелсізбін мен бүгін, Келді міне азаттығым, теңдігім. Бостандықта байлығым мен елдігім, Шешіл енді шемен болған шерлі үнім! Өзіңдікі – Елің де, Өзіңдікі – Жерің де. 4 оқушы: Өзіңді-өзің еткен Бақ –Тәуелсіздік төріңде! Қанатыңнан қайырылып, Қыр-арқаңнан майырылып. Қонақ – Тәуелсіздіктен, Қала көрме, айырылып! 5 оқушы: Таңғажайып атың да дәл табылды, Табылды да талай жұртқа танылды. Қазақ елі, көкке жетті көк туың, Сен – тәуелсіз мемлекетсің кәдімгі! 6 оқушы: Жаның қамауда болғанда, арың талауға түскенде араша болған - Тәуелсіздік! /хормен/ 7 оқушы: Барың тоналғанда, асылың жоғалғанда қайтарып берген –

Тәуелсіздік! /хормен/

8 оқушы: Ақиқатыңды айтқызбай тіліңді тістеткенде, бойыңнан рухани күш кеткенде есіңді жиғызып, еңсеңді көтерткен -

Тәуелсіздік! /хормен/ 9 оқушы: Өз қолыңды өз аузыңа жеткізбей, айтқанын екі еткізбей, шырмауықтай шырмап алған, қоғамда, ғазиз басың боданда жүргенде бостандыққа жол ашқан –

Тәуелсіздік! /хормен/ 10 оқушы: Елін сүйреп арайлы атар таңға, ортаңнан орда бұзған қаһарманға, тізгініңді бергізбей, соңынан жұртты ергізбей, жазықсыз «халық жауы» атағанда, ақтап алған қаралаған ұлыңды –

Тәуелсіздік! /хормен/ ( барлығы шығып кетеді) 1 жүргізуші: Ботакөз, би, қозғалыс, денсаулық туралы не айтасың? 2 жүргізуші: Би – бұл өнердің түрі. Қозғалыс – бұл әр түрлі қимыл түрлері. Денсаулық – баға жетпес байлық. 1 жүргізуші: Ендеше, Ботакөз, би өнері туралы білетінімізді ортаға салайықшы. Мәселен, «Қара жорға» биі туралы не білесің? Неге бұл би «Қара жорға» атанған? 2 жүргізуші: Медет, өнерлі жігіт әр түрлі дене қимыл қозғалысымен, ат үстінде, жерде, қара құланды ұстау барысын бейнелеп береді. Содан бастап бұл би болып қалыптасып, «Қара жорға» болып аталып кеткен. 1 жүргізуші: Дұрыс айтасың, Ботакөз. Бұл биды бір уақытта Қытай елінде 13мың 288 адам бірлікте билеп шығып, Гиннес рекордтар кітабына енгізіп, Қазақ ұлтының атын алтын әріппен жазып қойды. 2 жүргізуші: Қандай бақыт, қуанышты күн бүгін, Дәлелдеуде Қазақстан елдігін. Арман еткен күн де келді еліме, «Қара жорға» шашу болсын бүгінге де, 1 жүргізуші: 10 – 11 сынып оқушыларының орындауындағы қазақ биі: «Қара жорғаны» тарту етеміз. 1 жүргізуші: Желтоқсанның таңында. Халықтың көңілі жайнасын. Тәуелсіз ел бүлдіршіні Бұлбұл болып сайрасын. 2 жүргізуші: Ортаға гимназияның бастауыш сынып балдырғандарын шақырамыз.

/Слайдтан тақырып шығады, 12 оқушы шығады/