Бөлім бойынша жиынтық бағалау тапсырмаларын дайындау

Бөлім бойынша БЖБ тапсырмаларын құрастыру жолдары

(семинар-практикум)

Мақсаты: Ұстаздарға БЖБ тапсырмаларын құрастыру жолдары жайлы теориялық мәлімет бере отырып, өздері құрастыруға бағыт-бағдар көрсету.

Күтілетін нәтиже: БЖБ тапсырмаларын құрастыру жолдары жайлы біледі;

Алған теориялық мәліметіне сүйене отырып жиынтық бағалау тапсырмасын құрастыра алады;.

Семинар- практикумның барысы: Аудиторияда психологиялық ахуал қалыптастыру. «Ойна да күл» әніне билету.

Теориялық бөлім:

І. БЖБ –ны құрастыруда ескеру керек:

Тілдік пәндерден БЖБ бір тоқсанда екі рет өткізіледі.

Әр бөлім бойынша жиынтық бағалауда сөйлеу әрекеттерінің (тыңдалым, оқылым, айтылым, жазылым) екі түрі тексеріледі. Сонымен бірге айтылым дағдысын БЖБ уақытында немесе БЖБ жоспарланған апта ішінде сабақ үстінде өткізуге болады. Әр білім алушының жауабы шамамен 1-ден 5 минутқа дейінгі уақыт аралығын қамтуы мүмкін.

БЖБ ТЖБ-ға дейін 1 апта бұрын алынады.

БЖБ 15-20 минут уақыт аралығын қамтитындай етіп жоспарлау ұсынылады.

5. Меңгерген бөлім бойынша білім мен дағдылар деңгейіне жеткенін көрсетуге мүмкіндік беретін оқу мақсаттарын қамту ұсынылады.

6. БЖБ құрастыру кезінде оқу мақсаттарын мұғалім өзі таңдауына болады.

7. ТЖБ мақсаттары өзгермейді, дайын күйде беріледі.

8. БЖБ-ға қойылатын балл 7-15 балл аралығында.

9. ТЖБ балы - 30 балл

10. БЖБ тапсырмаларын құрастыру кезінде оқылатын бөлімдегі барлық материалдар қамтылуы керек.

11. Апталық оқу жүктемесі 1 сағат болған кезде БЖБ бір тоқсанда екі реттен артық өткізілмейді.

ІІ. БЖБ құрастыру алгоритмі

1. Оқу бағдарламасында берілген оқу мақсаттарын қарастыру.

2. Бөлім бойынша берілген оқу мақсаттарын меңгеру

3. Жиынтық бағалауда тексерілетін оқу мақсаттарына сәйкес бағалау критерийлерін анықтау,

4. Ойлау дағдыларының деңгейлерімен сәйкестендіру;

5. Ойлау дағдыларының деңгейлеріне сәйкес келетін критерийлердің, оқу мақсаттарының мазмұнын қамтитын бір немесе бірнеше тапсырмалар дайындау;

6. Әр тапсырмаға дескрипторлар құрастыру;

7.Білім алушыларға, олардың ата-аналарына БЖБ нәтижелерін ұсыну үшін рубрикалар құрастыру ;

Бағалау критерийі (БК) оқу мақсаттарына (ОМ) жету қалай тексерілетінін көрсетеді, яғни, оқушы ОМ жеткенін көрсету үшін нені орындау қажеттігін сипаттайды. Сондықтан БК қолжетімді, ОМ жету деңгейін анықтайтындай өлшемді болуы қажет, яғни, ОМ сәйкес болуы керек және ОМ кең ауқымды қамтымағаны дұрыс. Солай дегенмен БК мұғалім мен оқушы үшін нақты, анық және түсінікті болуы тиіс. Барлығы қандай да бір нақты әрекет (атау, анықтау, көрсету, шешу және…