Бөлме өсімдіктері туралы ашық сабақ балабақшаға

Күні: 14.02.2017ж.

2. Білім беру саласы: «Таным» Ұйымдастырылған оқу қызметі : Жаратылыстану. Тақырыбы: « Өсімдіктерді суару ».

Мақсат-міндеттері:

* Балалардың табиғат бұрышындағы бөлме өсімдіктері туралы білімдерін

толықтыру.

* Қазтамақ пен фикус гүлі туралы айтып, күту ерекшеліктерін

үйрету. Қазтамақ гүлінің дәрілік қызметін ажырату. Гүлдерді жапырақтарымен

сәйкестендіру арқылы, тани білу;

* Бөлме өсімдіктерін қалай күту керектігін іс жүзінде көрсету арқылы

еңбекқорлыққа баулу.

Әдіс тәсілдер: түсіндіру, көрсету, айтып беру.

Көрнекіліктер: Бөлме өсімдіктерін күтуге қажетті заттар (сүрткіш, су құйғыш, су

құятын ыдыс, алжапқыш), үлестірмелі материалдар.

Алдын ала жүргізілген жұмыстар: бөлме өсімдіктерінің суреттерін көрсетіп

таныстыру

Билингвалдық компонент: өсімдіктер – растения, өсімдіктер-plants;жапырақтар – листья, жапырақтар-leaves;сабақ – стебель, сабақ-stem.

Оқу қызмет кезеңдері

Тәрбиешінің іс-әрекеті

Балалардың іс-әрекеті

Мотивациялық –қозғаушы:

Балалардың назарын топтағы бөлме гүлдеріне аудару:

-Мыналар нелер?

-Гүлдер қайда өсіп тұр?

-Мұндай гүлдерді қайда өсіреміз?

Дұрыс, бұл гүлдер бөлмеде өседі.

Сондықтан оларды бөлме өсімдіктері деп атайды. Бөлме өсімдіктері ауаны тазартады.

Тәрбиеші сұрақтарына жауап береді.

-Гүлдер.

-Гүлдер құмыра ішінде өсіп тұр.

-Үйде, топта өседі.

Іздену-ұйымдастырушы

-Қазір мен бір өсімдікті сипаттаймын, ал сендер қандай өсімдік екенін табыңдар.

Жапырақтары сопақша, үлкен, түсі қою жасыл. Бұл қай өсімдік? (фикус гүлін көрсетеді).

-Бүгін сендерді жаңа бөлме өсімдігі – хош иісті қазтамақпен таныстырамын. Қазтамақтың сабағы жасыл, шырынды, сабағының бойымен хош иіс беретін жапырақтары өседі. Оның гүл шоғырлары хош иісті және әртүрлі түсті болады, бірақ көбіне қызыл гүлі бар қазтамақтар көп кездеседі.

Билингвалдық компонент: өсімдіктер – растения, өсімдіктер-plants;

жапырақтар – листья, жапырақтар-leaves;

сабақ – стебель, сабақ-stem.

Тыныс алу жаттығуы: «Гүлдердің хош иісі».

Қазтамақтың хош иісін сезіну үшін терең тыныс алайық.

Қазтамақ – дәрілік өсімдік. Одан дәрілік майлар жасалады. Хош иісі бөлмеге ұсақ шіркейлерді келтірмейді.

Сергіту сәтін өткізу.

Біз гүлдерше өсеміз,

Жапырағы жайқалған.

Сабақтары салалы,

Жел күшімен шайқалған.

Балалар, қазтамақтың фикустан айырмашылығын қарастырайық.

Фикус қандай күтімді қажет етеді? Жапырақтарындағы шаңды немен сүртеді?

Не үшін жапырақтардағы шаңды сүртеміз?

Өсімдіктерді қалай суару керектігін көрсетіңдерші.