Бөлме өсімдіктерін көбейту әдістері 7 сынып

Каумбаева Фиягуль Кубиновна

БҚО, Орал қаласы,

Облыстық экологиялық-биологиялық орталығының

жоғарғы санатты қосымша білім беру педагогі

«Гүл шеберханасы» үйірмесінің жетекшісі

Сабақтың тақырыбы: «Бөлме өсімдіктерін көбейту әдістері»

Сабақтың мақсат-міндеті: балаларды бөлме өсімдіктерін күтіп – баптауға үйрету және көбейту әдістерімен таныстыру.

Сабақ типі: жаңа сабақ

Сабаққа қолданылатын педагогикалық технологиялар: АКТ, ұжымдық оқыту, сұхбат, әңгімелесу, өзіндік жұмыс, суреттерді көрсету,

Сабақтың әдісі: көрнекілік, практикалық, бағалау, видеоролик

Пәнаралық байланыс: биология, химия, еңбекке баулу

Оқыту құралдары: оқулық, суреттер, интерактивті тақта, слайд, плакаттар, бөлме өсімдіктері, тамырланған гүл топырақ, горшок, дренаж

Сабақ барысы:

І.Ұйымдастыру кезеңі:

Оқушылармен амандасып, аудиторияның сабаққа дайындығын тексеру, қажетті құралдар мен көрнекіліктерді дайындап, зейіндерін шоғырландыру. Оқушыларға сабақтын мақсаты мен міндеттерін хабарлап, оқушылардың сабаққа жақсы көңіл күймен бастау мақсатында сергіту сәтін өткізу

Оқушыларға «Шаттық» шеңберін ойнату арқылы көңіл күйін көтеру.

ІI. . Өткен материалды қайталау арқылы жаңа материалды қабылдауға дайындық

Үй тапсырмасы алдымен «Атауы бойынша өсімдікті тап!» ойыны арқылы сұралады. Оқушылар жетекшінің қолынан өсімдіктердің атаулары жазылған билет бойынша сәйкес өсімдікті табуы қажет. Берілген өсімдік атаулары: хлорофитум, қазтамақ, бальзамин, драцена, юкка, традесканция, бегония, сенполия, спатифиллум. Кейін сұрақ-жауап арқылы:

бөлме өсімдіктеріне күтім жасау дегенді қалай түсінесіздер? (суару, тыңайтқыш салу, зақымдалған бөліктерін бөліп алу, жарықтың түсуін, ауаның жеткілікті болуын қадағалау)

бөлме гүлдерін қандай сумен және қай уақытта суарады? Бөлме гүлдерін алдын ала жиналып қойған сумен, себебі краннан алынған судағы хлор өсімдікке жағымсыз әсер етеді, бөлме температурасындағы сумен, себебі салқын судан ауырып қалады, кейде қар , жаңбыр сулары да пайдалы. Қыс айларында аз, жаз айларында жиірек суару.

Міне, сіздер шын мәнінде барлығын білесіздер, енді тек бөлме гүлдерін қандай әдістер арқылы көбейтуге болатындымен танысу қалды. Бөлме жағдайында тек сатып алынған өсімдіктерді ғана емес, өз қолыңызбен тұқымынан немесе қалемшелерімен, түйнектері арқылы немесе тамырсабақтарын бөлу арқылы және т.б жолдар арқылы көбейтіп, өсіруге болады. Бұл өте қызық!.

ІІІ Жаңа материалды түсіндіру

Бөлме гүлдері сіздің үйіңізде де, мектеп бөлмелерінде де бар. Көбейту үшін өсімдіктің кез – келген бөлігін пайдалануға болады: жапырағы, сабағы, жанынан шыққан бөліктері, бөлу. Көбейту әдісінің ерекшелігі жаңа өсімдіктер ескі бөліктерден пайда болады. Сондықтан жаңа өсімдік алу үшін жағдай жақсы, қалыпты бөлігінен алады.

Көбейту әдістерімен танысу үшін сіздердің назарларыңызға слайд қарау ұсынылады: