Бояулармен танысуға арналған мектепке дейінгі сабақ жоспары

Білім беру саласы: Шығармашылық

Ұйымдастырылған оқу – қызмет түрі: Сурет

Тақырыбы: «Бояулар бізде қонақта»

Мақсаты: Балаларды негізгі және туынды түстермен таныстыру. Түрлі түстердің суда араласуын көрсету арқылы сурет салуға деген қызығушылықтарын арттыру. Шығармашылық қабілеттерін дамыту. Ұқыптылық пен тазалыққа тәрбиелеу.

Алдын ала жүргізілетін жұмыс: Түс спектрінде табиғатта кездесетін түстер туралы әңгімелесу, «Түстерін тап» ойыны

Әдіс-тәсілдер: әңгімелеу, көрсеті, сұрақ – жауап, тәжірибелік, ғажайып сәт.

Билингвальды компонент:қызыл-красный-red,қызғылт сары-оранжевый-orange,сары-желтый-yellow,жасыл – зеленый – green,көк-синий-blue,күлгін-сиреневый- purple,көгілдір- голубой-blue.

Қолданылатын көрнекі құралдар: Демонстрациялық материалдар, түс спектрі, түрлі түсті кәмпиттер, су, су құюға арналған ыдыс, қылқаламдар.

Оқу – қызмет кезеңдері

Педагогтың қызметі

Балалардың қызметі

Мотивациялық- қозғаушылық

- Сәлеметсіздер ме, балалар!

Алдымен бір –бірімізге көтеріңкі көңіл – күй сыйлап, жылуымызбен бөлісейік

Достарды біз қолдаймыз,

Қиын шақта қорғаймыз.

Біздің топта ұл қыздар,

Тату тәтті ойнаймыз.

Бір – бірімен амандасып, өздерінің көңіл күйлерін білдіреді.

Ұйымдастыру

шылық - ізденістік

- Балалар, бүгін бізге сиқырлы Қылқалам қонаққа келді. Ол қалай нағыз суретші болғанын әңгімелеп береді.

- Тыңдаймыз ба, балалар!

Ертегі:

Ерте, ерте. Ертеде хайуанаттардың түстері ақ болған екен. Бір күні жаңбырдан кейін аспандакемпірқосақ пайда болыпты. Кемпірқосаққа қызыққан түйе үстіне шығып қызғылт сары түстің үстіменсырғанап түседі. Оны көрген басқа хайуанаттарда сырғанай бастайды. Сөйтіп айдаһар – жасыл, арыстан – сары, түлкі - қызғылт түске боялады, Кешке үйлеріне қайтып келгенде сарғыш түске боялған түйені сәбіз деп мазақ етеді, ашуланып ұялған түйе жасыл түстің үстімен сырғанап қазіргі түсінебоялады.

Ертегі қызықты болды ма?

Балалар, сурет салудан бұрын міндетті түрде түстермен танысып алу қажет. Бояулар бір- бірімен көрші тұрады.

Балалар мына бояулардың түстерін атап бере аласыңдар ма?

Сендер қанша түстерді білесіңдер?

Түстер мен реңктердің көп түрі бар. Сары, қызыл,көк түстер - негізгі бояулар. Олар бір- бірімен араласа алады.

Күлгін, қызғылтсары, жасыл, сия көк, қоңыр- бұлар қосымша түстер.

Билингвальды компонент:

қызыл-красный-red

қызғылт сары-оранжевый-orange

сары-желтый-yellow

жасыл – зеленый - green

көк-синий-blue

күлгін-сиреневый- purple

көгілдір- голубой-blue