Бозбала мен бойжеткен тақырыбындағы ойын сценарийі

«№45 бейімделген орта мектебі» КММ

Бозбала мен Бойжеткен

Өткізген: тәлімгер: Жұмажанова А.Е.

«Жас Ұлан» ұйымы оқушылары

Өскемен, 2018

«Бозбала мен бойжеткен»

Мақсаты:«Махаббат» құндылығы туралы түсініктерін кеңейту. Адам бойындағы махаббат сезімін құрмет тұтуға, достық пен махаббатты ажырата білуге баулу. Өткен тарихта қалған шынайы махаббат оқиғасы жайлы көзқарастарын кеңейту.

Амина: Құс боп ұшып жоғалсам не етер едің?Абзал: Сені іздеумен мәңгілік өтер едім!

Амина: Бұлдырасам сағымдай не етер едің?

Абзал: Жел боп қуып, ақыры жетер едім!

Лашын: Отқа түсіп өртенсем не етер едің?

Айқын: Күл боп бірге соңыңнан кетер едім!

Лашын: Қайғы әкелсем басыңа не етер едің?

Айқын : Қойшы, сәулем, бәрін де көтеремін!!!Абзал: Құрметті, жиылған қауым!

Бүгін біздің мектепте дүбірлі той,

Ден қойып тыңдаңыздар көңілді қой.

Жырдан шашу шашылсын, күй күмбірлеп,

Қош келдіңіз, көрермен, сергісін бой, - демекші: «Бозбала мен бойжеткен» атты көңілді кешімізге қош келдіңіздер?!

Айқын:

Аққұштап Бақтыгереева

Сенбе, дос, өз сертінде тұрмағанға,Махаббат жалған десе, бұл ғаламда,Ләйлі мен Мәжнүн өткен қосыла алмай,

Өртеніп махаббаттың құшағында.

Махаббат теңеу емес өлеңдегі,Емес ол аңыз болған ел ермегі,Махаббат болмаса егер, зарлап Жібек,Қозы үшін сұлу Баян өтер ме еді.

Ғасырлап дәуірінен озғанда өлең,Мүмкін бе пәк сезімді жазбау деген,Жыр кені – ұлы Абайдың жүрегіндеБітпеген бір ән кеткен Тоғжан деген.

Амина: Иә, махаббат – біреуге қуаныш, екіншісіне жұбаныш болған ұлы сезім ғой, шіркін...

Абзал: Махаббат демекші, ......, мен саған осы тақырыпта бір жаңалық айтып берсем...

Амина: Иә... Иә...

Абзал: Ежелден-ақ адам баласы ұлы махаббат сезімін ерекше қадірлеп, қастерлеп келген. Соның әсері болса керек, әр халық осы сезімді құрметтеп, бағалануын тілеп, түрлі күндерді ойлап тапқан. Енді елімізде махаббатты қастерлеудің жаңа дәуірі келе жатыр.

Видео

Амина:

Махаббат, махаббат деп айтып жатамыз. Осы бір ұлы сезімнің қазіргі жастарға үлгі болар иелерін сендер білесіңдер ме?

Барлығы:

Иә, иә білеміз.

Абзал:

Кешегі өткен тарихқа бір сәт ой жіберсек, халқымыздың інжу - маржан сөз қазынасына ауыз әдебиеті арқылы ұрпақтан - ұрпаққа жеткен Қозы Көрпеш пен Баян Сұлу, Еңлік пен Кебек, Ләйлі мен Мәжнүн, Естай мен Қорлан бейнелері адамгершілік парасаттылығымен, сүйген жарға деген адалдығымен шоқтығы биіктеп дараланып көрінер еді.

Айқын: Қазіргі заманда да үлгі етер махаббат иелері бар емеспе. Мысалы, өнер саласында жүрген Қарақат әпкеміз бен Қыдырәлі ағамыз, Жазира мен Жанболат, Тоқтар мен Бейбіт, Мирас пен Құралай сынды.

Амина: Кіршіксіз махаббатқа толы жүрек иелері Қозы Көрпеш пен Баян сұлу күнін атап өтіп, осы күні барлық жақындарымызға, ғашықтарымызға сезімімізді білдіріп, құрмет көрсету әр қазақтың борышы болса керек.

Айқын: Бұл екі ғашық шамамен 12-13 ғасырларда ғұмыр кешкен. Сарыбай мен Қарабайдың төл перзенттері. Аң аулап жүріп құдаласқан бұл екеуі ұл-қыздарының кейінірек махаббат жолында түрлі қиыншылықтарға ұрынатына куә болады. Лашын: Дүниеқоңыздық пен көре алмаушылық, кек пен ашуға тап болған қос жүрек иесі өле-өлгенше бір-біріне деген нәзік сезімдерін сақтай білген. Олардың махаббаттары осымен құнды.

Айқын: Олай болса 11-«А» сынып оқушысы Қайырбекқызы Сабинаны «Сен» әнімен қарсы алыңыздар. Ортаға шығып билеуге болады.

Абзал: Ал, бүгінгі біздің кешіміз көңілді ойын түрінде өткізілетін болады.