Елбасым мақтанышым мектепке дейінгі ойын сценарийі

Елбасым-мақтанышым!

Мақсаты: Қазақстан Республикасының Тұңғыш Президенті туралы балаларға мағлұмат беріп, білімдерін бекіту. Отанын, туған жеріне деген сүйіспеншілікке, еліміздің нышан-дарына құрметпен қарауға тәрбиелеу.

Көрнекіліктер: Әдемі безендірілген зал, слайдтан Елбасы туралы мәлімет беру.

Жүргізуші: Азаттық пен елге қонды тосқан бақ,

Қазақ елін мойындауда дос таңдап.

Елбасының еңбегімен нұрлана

Қазағымның мерейі тұр аспандап.

Елі үшін олжа салып қиырдан,

Ықпаған еш ауыртпалық, қиыннан.

Мерекеңіз құтты болсын көпшілік

Елбасының құрметіне жиылған!

Жүргізуші: Армысыздар құрметті қонақтар мен тәрбиешілер! 1-желтоқсан Қазақстан Республикасының Тұңғыш Президент күніне арналған мереке құтты болсын! Елбасымыз аман, еліміз тыныш болсын! Еліміз көркейе берсін! «Елбасым-мақтанышым» атты ертеңгілігімізге қош келдіңіздер!

Елбасы-ол елдің жүрегі, халқымыздың тірегі! Елбасы біздің көшбасшымыз! Елбасы Қазақстанның айнасы, халқымыздың қамқоршысы! Ол елімізді, Қазақстанды бар ықыласымен басқарып, әлемге Қазақстан деген елдің қазақ деген халық бар екенін көрсетіп, әлем елдеріне мойындатты! Мұның барлығы елбасымыздың ақылдылығының, данышпандылығының, көрегенділігінің көрінісі! Біз осындай елбасымыз барда бақытты елміз! Елбасымыз әрқашан халқына Рух пен күш беріп, елін көркейтуге 20-жылдан астам уақыт тер төгіп келеді. Сондықтан біз осындай елбасымызды мақтан тұтып, оның үлкен үмітін ақтап, әрқашан татулығы мен достығы жарасқан ел болуға тиіспіз! (слайд)

Сондай еліміздің бас қаласы Астана-әдемі, әсем, көрікті қала. Астана-еліміздің мақтанышы. Осындай әсем қаламыз Астанада орналасқан Ақ орданың төрінде еліміздің басшысы елбасымыз Н.Ә.Назарбаев отырады. Міне жылда желтоқсанның1-Тұңғыш Президент күні аталып өтіледі. Бүгін біздің «Ғарышкер» балабақшасында «Елбасым-мақтанышым» атты ертеңгілігіміз аталып өтілмекші.

Жүргізуші: Айтар әнім-сөйлер сөзім,

Туған жерім сағынарым.

Мәңгі бақи шырқалады,

Республика әнұраным.

Әнұран.

Менің Қазақстаным.

1Алтын күн аспаны,

Алтын дән даласы

Ерліктің дастаны

Еліме қарашы

Ежелден ер деген

Даңқымыз шықты ғой

Намысын бермеген

Қазағым мықты ғой

Менің елім, менің елім,

Гүлің болып егілемін

Жырың болып төгілемін, елім!

Туған жерім менің-Қазақстаным!

2.Ұрпаққа жол ашқан

Кең байтақ жерім бар

Бірлігі жарасқан,

Тәуелсіз елім бар,

Қарсы алған уақытты,

Мәңгілік досындай

Біздің ел бақытты

Біздің ел осындай!

Жүргізуші: Анамыздай тілеуі ақ.

Отан бізде біреу-ақ

Ол- біздің Қазақстан!

Жастан сүйе аңсаған

Тәтті күй мен кәусар ән,- дей келе кезекті бүлдіршіндеріміздің елбасымызға арналған тақпақтарына береміз. Ортаға: Жансая, Қаһарман, Сәбина, Іңкәр, Қаршыға.

Жансая: Тоқсан бірде Президентті сайладық,

Еркіндікке белді бекем байладық.

Ақ киізге Нұр ағаны көтеріп,

Тілек айтып шаттық тойын тойладық.

Қаһарман: Жасай берсін елбасы

Қолдап-қорғап ел-жұртын.

Қанша жыл елді басқарып,

Тәуелсіздікті қолға алып.

Сәбина: Ел тынысын тереңінен танып кең,

Шарапаты бар адамға дарып тең.

Елбасының есімі бұл тарихта

Қалар анық өшпес алтын әріппен

Іңкәр: Достықтың туын көтеріп,

Еліңе бақыт келтіріп.

Президент болдың Нұрсұлтан,

Қазақ салтын тербетіп.

Қаршыға: Елбасымыз Нұр аға

Салғызып Алтын орда

Көркейтіп елін қазақтың,

Көрсетпей өмір азабын.

Жүргізуші: Бақ аялап мәңгі елді,

Алтын арай таң келді.

Шырқата салып әндерді,

Би-билейміз айнала.

Келесі кезекте «Қызғалдақ» би тобын «Тамшылар» биімен қарсы алайық.

Би: Тамшылар.

Жүргізуші: Азаттық, теңдік әлемі,

Шаттыққа елді бөледі.

Тағдыры тарих өрелі

Көк тудың желбірегені.

Ән: Көк тудың желбірегені.

1.Көк тудың желбірегені,

Қазақтың асқақ беделі

Махаббат, қайрат екеулеп

Шымырлатқаны денені

Көк тудың желбірегені

Жаныма қуат береді