Бремен музыканттары ертегісі қойылым сценарийі

Мақсаты: ертегіге деген қызығушылықтарын арттыру, сахналық қойылым арқылы балаларды ынталандыру. Ортаға бейімдеу, ұялшақтықты жою, эстетикалық талғамдарын арттыру. Достыққа, имандылыққа, адамгершілікке тәрбиелеу.

Жүргізуші:

- Құрметті қонақтар, тәрбиешілер және балалар! Бүгін сіздердің назарларыңызға «Қазақшаң қалай, балақай?» үйірмесінің оқушылары ұсынғалы отырған «Бремен музыканттары» атты ертегі қойылымын көруге қош келдіңіздер!

- Ертегі қойылымын бастамас бұрын кішкентай әнші балапан Эвелинаны достарымен ортаға шақырайық, қарсы алыңыздар!

Ән «Ертегілер».

Жүргізуші:

- «Бремен музыканттары» атты ертегі қойылымын бастауға рұқсат етіңіздер!

Кейіпкерлер:

Диірменші

Есек

Ит

Мысық

Әтеш

Қарақшылар.

Жүргізуші:

- Ерте-ерте, ертеде, баяғы өткен заманда бір диірменші өмір сүріпті.

Диірменшінің есегі болыпты. Еңбекқор, ақылды, күшті есек диірменшіге көп уақыт қызмет етіп қартайыпты.

Диірменші есекке айтады:

- Сен, енді жұмысқа жарамайсың, әлсіредің, қартайдың! Бар кет!

Жүргізуші:

- Диірменші есекті үйден қуып жібереді. Есек бір күн тамақ ішпей, екінші күні тағы да аш қалып, үшінші күні былай дейді...

Есек:

- Қартайдым, әлсіредім деп қарап отырмай музыкант болайын. Дауысым бар, ән айтып, көшелерді аралап, сонымен нан тауып жесем болады.

Жүргізуші:

- Солай деп шешім қабылдаған Есек Бремен қаласына жолға шығады.

Есек келе жатып, жол бойында Төбетті кездестіреді. Иттің үсті-басы шаң, екі құлағы салбырап кеткен.

Есек иттен:

- Досым, саған не болды?

Төбет:

- Аңшымен бірге аң аулап, жақсы көмекші болғаным не керек! Қартайып едім, қожайыным мені қуып жіберді. Енді не істерімді білмеймін!

Есек:

- Мен Бремен қаласына бара жатырмын. Жүр, бірге барайық! Сенің даусың ашық, өлең айтып, барабан соғасың! Мен гитарада ойнаймын. Екеуміз музыкант боламыз.

Жүргізуші:

- Есек - ақырып, Ит – үріп, екеуі жолға шығады. Келе жатып, жолдың шетінде отырған Мысыққа кезігеді. Мысық көңілсіз отыр.

Есек пен Төбет:

- О, Мысық! Сен неге мұңайып отырсың?

Мысық:

- Мияу! Кезінде тышқан аулап, қызмет еттім. Қартайып едім, қожайыным мені қуып жіберді. Ары қарай не істерімді білмеймін!

Есек пен Төбет:

- Қайғырма Мысық! Бізбен бірге Бремен қаласына жүр! Үнді дауысыңмен ән айтасың, сыбызғыда ойнайсың, біз сияқты музыкант боласың!

Жүргізуші:

- Мысық келіседі. Есек - ақырып, Ит – үріп, Мысық – мияулап, үшеуі жолмен келе жатады.

Енді олар алды-артына қарамай жүгіріп келе жатқан Әтешті кезіктіреді.

Есек, Төбет, Мысық:

- Әтеш, саған не болды?

Әтеш аптығып:

- Ку-ка-ре-ку! Қожайыным мені қартайды деп, сойып сорпа пісірмекші. Не істеймін енді?

Есек, Төбет:

- Әтеш-ау, сорпа болмаймын десең, бізбен бірге Бремен қаласына жүр. Сенің даусың таза, ашық.

Мысық:

- Өлең айтып, сырнайда ойнайсың. Біз сияқты музыкант боласың!

Жүргізуші:

- Әтеш баруға бел буады. Есек - ақырып, Ит – үріп, Мысық – мияулап, Әтеш – шақырып жол жүреді.

Бремен қаласы қашықта, түн болып, қараңғы түсіп келе жатыр. Қарны ашып, тоңып, түнді қалай өткізерін білмей, «музыканттар» қорқа бастағанда, бір орманға жетеді.

Есек пен Төбет Әтеш пен Мысыққа:

- Әтеш, сен ұша аласың, Мысық, сен өрмелей аласың, екеуің ағаштың басына шығып, жақын маңда түнеп шығатын орын бар ма екен, соны қараңдар.

Жүргізуші: