Бүгінгі оқушы – ертеңгі маман психологиялық материалы, 11 сынып

Тақырыбы: «Бүгінгі оқушы –ертеңгі маман »Мақсаты: Оқушылардың білім шыңына талпынуда алғашқы қадам жасаулары үшін бойларында қандай қасиеттер болуы керек ,неге бейімделу керектігі жайлы ойларын білу, ой бөлісу.Жеке тұлғаның сапалық қасиеттерін арттыру,жеке тұлға қалыптастыру бағытында дүниетанымын кеңейту.Түрі :Тренинг-сабақКөрнекілігі: Қанатты сөздер

Бүгін баршамызда 11-сыныптың «Бүгінгі оқушы -ертеңгі маман» тақырыбындағы тренингімізге жиналып отырмыз.

Тренинг- жеке адам не топтың ақпаратты сол кезеңде не болашақта қажеттілігіне жарату мүмкіндігі .

*Бүгінгі тренигке қандай көңіл — күймен келгендеріңізді анықтау үшін түстерді таңдай қойыңыздар!

Тренингтің негізгі мақсаты :Бүгінгі мектеп түлектерінің білім шыңына талпынудағы алғашқы қадам жасаулары үшін бойларында қандай асыл қасиетер болуы керек,қандай мамандыққа бейімделулері керектігі жайлы ой бөлісу, қорытынды аттестаттау сынағына дайындық барыстары жайлы пікір алмасу.

Құрметті оқушылар !Сіздер сәбилік,балалық шақты ,алғашқы мүшелді артқа тастап,жасөспірімдік шаққа келіп жеттіңіздер!Әрбіреуіңнің алдарыңа қойған басты мақсаттарың бар-бұл-білім шыңына талпыну,жүректеріңмен қалаған мамандықтарыңыздың иесі болып,өз елінің ертеңі,тірегі болу.

Іргелі іс-ізденістен туындар,

Бар ізгілік-тек білімнен алынар,

Білімменен өмірге жол салынар-дегендей әр адам ең алдымен орта білім(мектепте) алады ,одан кейі таңдаған кәсіби мамандықтарына қарай арнаулы орта білім (Лицей,коледждерде)мен жоғары(Унив.инст.академ.) білім алады. Оқушылар ! Осылардың ішіндегі қайталанбайтыны әрі қызықтысы да қазіргі сіздердің 11 жыл бойына мектеп партасында отырып алған білімдеріңіз! Білім негізі Бастауыш сыныптан қаланып ,әрі қарай толыға түсетіні белгілі әрі ол қайталанбайды да .Басқа оқу орындарында алған білімдеріңіз өмірден де белгілі түрлі жағдайларға байланысты қайталанып отырады.

Оқушылар Адам өмірінде неге мамандықты ауыстыруы мүмкін?(мамандығы бойынша жұмыс таба алмауы мүмкін,жұмысы ұнамауы мүмкін,қиыншылықтарына төзе алмауы мүмкін,асығыс таңдауы мүмкін,ұжыммен келіспеушілік туындауы мүмкін,өз мамандығын дұрыс меңгермеуі мүмкін т.б)

Балалар! Өмірде мынандай екі қағида бар 1-сі мамандық таңдаудан қателеспе,2-сі өмірлік жар таңдаудан қателеспеу.

Бүгінде де Заман талабына сай,«Өмір бойына білім алу»әрбір қазақстандықтың жеке кредосына айналу керектігі Елбасымыздың биылғы «Болашақтың іргетасын бірге қалаймыз»атты Жолдауында айтылып отыр,бүгінде өз жүрек қалауларыңызбен 1 ғана емес, бірнеше мамандықтың иесі болуларыңызға болады.Қандай маман иесі болсаңыз да Адам деген атаққа лайық болуларыңыз керек.Ол үшін адам бойындағы асыл қасиеттерді жоғалтпауымыз керек.

Қандай асыл қасиеттер болуы керек деп ойлайсыздар? (Шыдамдылық,шыншылдық,отансүйгіштік,сыйластық, адамгершілік,еңбекқорлық,Қайырымдылық,Адамгершілік,Мәдениеттілік) –осылардың ішінде Мәдениеті жоғары адамгершілігі мол,адамға қайырымды болу керектігін естен шығармаңыз!-деген тілекпен бүгінгі тренинг-сабағымызды бастаймыз!

Келісім(Топтың ережесін қабылдау) :

*Шараның сәтті өтуіне тілектеспіз

*Біз-бірімізді тыңдаймыз сөз бөлмейміз

*Көрсетілген қол ережесіне сай топтан біреу ғана сөйлейді

*Берілген тақырыптан ауытқымаймыз

*Уақыттық шекараны сақтаймыз.

* Басқанының да пікірін сыйлай білеміз

Алғашқы кезең «Таңқалдыра таныстыру». «Екі шындық , бір өтірік»ойыны түрінде өтеді.( тренингке қатынасушылар өздері жайлы екі ақиқат және бір шындыққа жанаспайтын бір пайымдау айтады).

Екінші кезең «Пайда ойлама ,ар ойла Талап қыл артық білуге» (Абай)