Буын үндестігі тақырыбына арналған сабақ жоспары, 4 сынып

Оқу ісінің меңгерушісі:________

Қызықты грамматика

Күні: 24.10.2018 ж

Сынып: 4 «а», «ә»

Пәні: Қызықты грамматика

Мұғалім: Жазықбай А

Сабақтың тақырыбы: Буын үндестігі

Сабақтың мақсаты: 1. Білімділігі: Оқушыларға түбір сөздегі дауыстылардың жуан не жіңішке болып келуіне орай оған жалғанатын қосымшалардың да жуан не жіңішке болып жалғанатынын байқату. Сауатты жазуға үйрету.2. Дамытушылығы: Оқушылардың ойлау, мәтінді талдау, тапсырмалар мен сұрақтар арқылы танымдық, сөздерді дұрыс айтып, дұрыс жазуға үйрету.3. Тәрбиелілігі: Ұқыптылыққа, сауаттылыққа, белсенділікке, қызығушылыққа тәрбиелеу.

Сабақтың көрнекілігі: сызба, мазмұнды суреттер

Сабақтың барысы:1. Ұйымдастыру кезеңі

Оқушы назарын сабаққа аудару.

Жаңа сабақ. «Кім жылдам?»ойыныОйынның шарты – берілген сөздерге тиісті қосымшаларды жалғап сөйлем құрау.Мысалы: Балалар алаң жүр.- Сөйлем дұрыс болу үшін не істейміз?- Ол үшін алаң сөзіне – да жалғауын жалғаймыз. Сонда «Балалар алаңда жүр» деген сөйлем шығады.- Осы ретпен «Айнұр мектепке келді. Кеше тауға барды» деген тәрізді бірнеше сөйлем құрастырылып, түбір сөзге қосылған неліктен солай жалғанғанына назар аударылады. Бұл тұста түбір сөздегі дауысты дыбыс қандай болса, қосымшада сондай дауысты дыбыстан болатыны оқушыларға түсіндіріледі.

Дәптермен жұмыс

1-тапсырма

Берілген сөздерді буынға бөліп көшіріп жазып, соңғы буындағы дауысты дыбыстардың жуан не жіңішке екенін айту.Үлгі: Дос – тық, е - тік - ші, арман, өрмекші, мақтаншақ, кітап, қалам, парта.

2-тапсырма

Өлеңді оқып, жатқа жазыңдар.Кім сүймейді атасын,Асқар таудай көрінген.Бөбекке айтар батасын,Жаттап алған едім мен.

Сабақты қорытуға арналған сұрақтар.

1.Қандай тақырыпппен таныстық?

2.буын үндестігі ережесін кім айтады?

3.достық сөзінің түбірі?(дос)

4. Сөз мағынасын өзгертетін қосымшаны не дейміз?(жұрнақ)

5. Сөз бен сөзді байланыстыратын қосымшаны не дейміз?(жалғау)

6. Сөз неден құралады?(буыннан)

7.Буын неден құралады?(дыбыстан)

8.Дыбыс пен әріптің айырмашылығы неде?

9. «Дәптер»(неше әріп, неше дыбыс, неше буын)бар.

Сабақты бекіту.