БЖБ 6 сынып Қазақ тілі мен әдебиеті

А Бөлімі

«Менің туған өлкем өлеңдер мен прозада» бөлімі бойынша жиынтық бағалауға арналған тапсырмалар (ІІ тоқсан)

6-сынып

Оқу мақсаты:

6.1.5.1 Тірек сөздер, жетекші сұрақтар, мәтін

тақырыбы арқылы негізгі ойды анықтау

6.2.2.1. Тақырып бойынша диалогті бастау,

жалғастыру, аяқтаудың ұлттық сөз әдебі мен

сөйлеу этикеті формаларын білу.

Білім алушы

Бағалау критерийі: ● мәтіннің негізгі ойын тірек сөздер мен

жетекші сұрақтар арқылы анықтайды.

● тақырыпқа қатысты диалог құрауда сөз әдебі

мен сөйлеу этикеті формаларын қолданады.

Ойлау деңгейінің дағдылары: Білу, түсіну, қолдану

Орындау уақыты: 20 минут

1-тапсырма. Мәтінді мұқият тыңдап, төмендегі тапсырмаларды орындаңыз.

Бурабай - жер шоқтығы атанған көрікті Көкшетаудың ең бір әсем, жанға шипалы өңірі. Бурабай көлі – емдік қасиетімен әрі әсем табиғатымен ерекшеленеді. Көл – теңіз деңгейінен 320,6 м биіктікте. Қыратта, тектоникалық ойыста, табиғи тұрғыда пайда болған бұл көлдің ұзындығы 4,5 км, ені 3,9 км. Едәуір терең – орташа алғанда 4,5 метрден, ең тереңі – 7 метрге дейін барады. Суы таза, тұщы, жұмсақ, тұнықтығы сондай – түбі және ондағы жәндіктер анық көрінеді. Ешқайда қосылмайтын тұйық көл болғанымен, ақторта, алабұға, сазан, табан, шортан балықтар өседі. Қарағайлы, қайыңды орман, Көкшенің шоқылары, аңыз болған Жұмбақтас, біріне-бірі жақын жатқан Көкшетаудың сексен көлінің бір үзікті тізбегі – Шортанды, Үлкен шабақты, Кіші шабақты, Қотыркөл, Жөкей, Бурабай болып, тұтастай осы өңірге ерекше сипат береді. Мұнда дүниенің көп еліне аты мәлім Бурабай, Оқжетпес демалыс және сауықтыру орындары бар. Бурабай демалыс орны тұрғысында 1810 жылдан мәлім бола бастаған. 1910 жылы қымызбен емдеу – сауықтыру орны ашылған. 1920 жылдан мемлекеттік маңызы бар демалыс орнына айналған. Бурабай көлі – географиялық атау болса, мұндағы сауықтыру орны Бурабай курорты деп аталады. (159 сөз)

(https://www.zharar.com/546-burabay.html сайтынан алынды)

1-тапсырма: Мәтіннен 3 тірек сөздерді анықтаңыз. (2 минут)

1 –тірек сөз

2-тірек сөз

3-тірек сөз

2-тапсырма: Мәтін не туралы? (2 минут)

А) Судың пайдасы туралы

В) Көкшетау қаласы туралы

С) Көкшетау табиғаты туралы

Д) Көлдің жойылуы туралы