БЖБ 6 сынып Қазақ тілі мен әдебиеті

А Бөлімі

Бөлім/аралық тақырыпбойынша жиынтық бағалау тапсырмалары

1-тоқсан бойынша жиынтық бағалауға арналған тапсырмалар

Бөлім «Отан отбасынан басталады»

Оқу мақсаты:

6.1.5.1 Тірек сөздер, жетекші сұрақтар, мәтін тақырыбы арқылы негізгі ойды анықтау

6.4.1.1 Мәтіндердің стильдік ерекшелігін сақтай отырып, мінездеме жазу

Бағалау критерийі Білім алушы

тірек сөздер, жетекші сұрақтар, мәтін тақырыбы арқылы негізгі ойды анықтайды;

мәтіндердің стильдік ерекшелігін сақтай отырып, мінездеме жазады.

Ойлау дағдыларының деңгейі қолдану

Орындау уақыты 20 минут

Тапсырма.

І. Мәтінді екі рет тыңдап, төмендегі тапсырмаларды орындаңыз.

https://massaget.kz/layfstayl/debiet/proza/19738/

Қайтқанда

Шыңғыс тауларының қасына үш-төрт ауыл тұрыпты. Бұлар «Құнанбай ауылы» деп аталады. Бала ауылындағы ақ үйлердің қасында тұрған екі шешесі Ұлжан мен Айғызға қатты асықты. Аттан түсіп, шешесіне барса, Ұлжан: «Әуелі әкеңмен амандас», - деп Құнанбайды меңзеді. Сондықтан Абай алдымен әкесі және жанында тұрған кісілерге барып, оларға сәлемін береді. Құнанбай Абайдан: «Молда болдың ба? Бойыңа қоса білімің өсті ме?» - деп қатал сұрады да, шешесіне жіберді. Абайды жеңгелері сүйіп, Телғара деп еркелетеді. Абай ана құшағын қатты сағынды. Ұлжан баласын бауырына басып, маңдайынан иіскеп, көп ұстаған жоқ: «Әжеңе бар!» - деп, үлкен үйдің жанында тұрған кәрі әжесіне жіберді. «Қарашығым, қоңыр қозым... Абай жаным...» - деп, бәрінен де көп сағынған Зере әжесі немересін қатты құшақтады.

(М. Ауезов «Абай жолы» романының қысқаша мазмұнынан)

1.Мәтіннен тірек сөздерді жазыңыз.

2. Сұрақтарға мәтіннен қысқа жауапты анықтаңыз.

Сұрақтар

Қысқа жауап

Ауыл қалай аталды?

Бала кімдерге қатты асықты?

Абайды жеңгелері қалай еркелетеді?

Абайды кім құшақтады?

3. Негізгі ойды анықтаңыз.

А. Абай ана құшағын қатты сағынды.

В. Абайды жеңгелері сүйіп, Телғара деп еркелетеді.

С. Бәрінен де көп сағынған Зере әжесі немересін қатты құшақтады.

Д. Бала ауылындағы ақ үйлердің қасында тұрған екі шешесіне асықты

Е. Абай алдымен әкесі және жанында тұрған кісілерге барып, оларға сәлемін береді.

ІІ. Мәтіндердің стильдік ерекшелігін сақтай отырып, өз отбасы мүшелерінің біріне мінездеме жазыңыз.

Балл қою кестесі

Бағалау критерийі

Тапсырма №

Дескриптор

Балл

Білім алушы