БЖБ 8 сынып Қазақ тілі

А бөлімі

Бөлім бойынша жиынтық бағалау тапсырмалары

8-сынып. ІІ тоқсан

Пәні: қазақ тілі

Бөлім атауы: «Кәсіп пен еңбек. Болашақ мамандықтары. Лексика»

Оқу мақсаты:

8.2.5.1 - перифразаның түрлі тәсілдерін қолдана отырып, мәтін бойынша сұрақтар құрастыру.

8.3.3.1 - мәтін құрылымын сақтай отырып, графиктік мәтіндегі (диаграмма, кесте)

деректердің маңызды тұстарын анықтап жазу.

Бағалау критерийі: Білім алушы

- перифразаның түрлі тәсілдерін қолданып, мәтін бойынша сұрақтар құрастырады;

- диаграммадағы деректердің маңызды тұстарын анықтап, құрылымын сақтай отыра мәтін құрастырады.

Ойлау дағдыларының деңгейі: қолдану

Орындау уақыты:20 минут

1-тапсырма. Мәтінді түсініп оқыңыз. Мәтін мазмұны бойынша 2 сұрақ (1 қарапайым, 1 проблемалық) құрастырыңыз. Перифразаның түрлерін қолданыңыз.

Мамандықтың бәрі жақсы

Адам өміріне араша түсетін дәрігерлік мамандықты таңдау үлкен жауапкершілікті жүктейді. Себебі, дәрігер адам анатомиясын өте терең білумен қатар, кез келген жағдайдағы науқастан жиіркенбейтін, қаннан қорықпайтын, адам тағдырына немқұрайлы қарамайтын, күйзеліске төзімді, жүйкесі мықты болу керек.

Медицина саласы бірнеше бағытқа бөлінеді.

1.«Жедел жәрдем» мамандары тәуліктің кез келген мезетінде, кез келген қашықтықтағы науқасқа бастапқа диагнозды қойып, алғашқы медициналық көмекті көрсетіп, ауруханаға жеткізеді. Тез кәсіби жәрдем көрсетудің арқасында әл үстінде жатқан адамның өмірін сақтап қалады.

2. Дәрігер-терапевт науқастың талдамаларын алып, оған дұрыс диагноз қойып, оны толық емдеумен айналысады.

3. Дәрігер-хирург бас дәрігердің шешімі бойынша науқастарға түрлі дәрежедегі оталар жасап, әрі қарай да бақылап, қажетті ем қолданып, олардың толық сауығып кетуін қамтамасыз етеді. Шұғыл ота жасап, науқас өмірін аман алып қалу керек болғанда, дамыл таппай, күн-түн демей жұмыс істейтін сәттер көп болады.

4. Фармацевт-провизор дәрілік препараттардың құрамын, қолдануын терең біледі. Дәріханаға ауырып, өз бетімен келетін жандар көп. Соларға керекті дәрілерді алуға кеңес береді. Сондай-ақ дәріхананы алуан түрлі дәрі мен құралдармен жабдықтайды. Бірнеше дәріні қосып, рецепт бойынша дәрілер әзірлейді.

Соңғы кезде шетелдегідей барлық ауруды қарап, емдейтін «отбасылық дәрігер» түрі ұсынылып жүр. Оған тәжірибесі мол дәрігердің ғана келіскені жөн сияқты.

Медицина оқу орнына түскен студент адам өмірі үшін күресуге Гиппократ антын береді.

https://massaget.kz.>jogaryi_syinyip сайтынан қысқартылып алынды