Д дыбысы мен әрпі бойынша 1-сынып ашық сабақ жоспары

Пәні: Сауат ашу

СЫНЫП: 1

МЕКТЕП: №35М.Мәметова атындағы жом

БӨЛІМ: 3 Менің достарым

МҰҒАЛІМНІҢ АТЫ-ЖӨНІ: Султанова Перизат

Кольбаевна

САБАҚ

ТАҚЫРЫБЫ

Менің достарым. Дд дыбысы мен әрпі

ОҚУ МАҚСАТЫ:

1.2.9.1 Әріпті тану, ажырату және оны дыбыспен сәйкестендіру.

1.2.6.1 Мұғалімнің көмегімен ерекшелігіне қарай мәтін жанрын (өлең, әңгіме, ертегі) ажырату

С

САБАҚТЫҢ

МАҚСАТЫ:

Барлық оқушылар білуге тиісті:

Әріпті танып, оны дыбыспен сәйкестендіреді. Мәтіннің жанрын (өлең, әңгіме, ертегі) ажыратады.

Оқушылардың көпшілігі білуге тиіс:

Көп нүктенің орнына тиісті әріпті қойып оқиды. Мәтінді түсініп оқиды, жанрын анықтайды.

Кейбір оқушылар білуге тиіс:

Сөздерді қатесіз жазады. Кітаптың мұқабасына қарап мәтін жанрын анықтайды.

Бағалау критерийі

Әріпті таниды және дыбыспен сәйкестендіріп оқиды.

Мәтіннің жанрын (өлең, әңгіме, ертегі) анықтайды.

Құндылықтарды дарыту

Өз іс-әрекеттеріне, қабылдаған шешімдеріне, берген жауаптарына деген сенімділіктерін қалыптастыру

АКТ қолдану

Смартфон телефон, проектор, компьютер

Алдыңғы білімдер

Оқушылардың дыбыс, буын, сөз, сөйлем туралы алғашқы ұғымдары мен түсініктері бар; сызба-үлгілерді қолдана отырып, сөзге дыбыстық талдау жасай алады; дауысты және дауыссыз дыбыстарды ажырата алады; сөздерді буынға бөлу дағдылары қалыптасқан; өтілген дыбыстар мен әріптерді оқу және жазу машықтары бар.

Жоспар

Жоспарлан-ған уақыт

Жоспарланғаніс-әрекет

Дереккөздер

Сабақтың басы

5 минут

(МК; Ұ) Ширату тапсырмасы: «Қара жәшік» ойыны. Оқушылар екі топқа бөлінеді. Стол үстіне қара жәшік қойып, ішіне доп, дәптер, домбыра, далап, т.б. заттарды салады. Ойыншының міндеті жәшік ішіндегі заттың атын тапқызу үшін өз сөзімен жасырады. Қарсы топ оларды жасырып отырған затын айтқан сөздеріне қарап табуы керек.

(Ұ) «Ойлан – жұптас – талқыла» стратегиясы.

Жұмбақ шешу

Бала біткен соғады,

Жеңіл шарды домалақ.

Ұрсаң ұшып жоғары,

Жерге түсер домалап. (Доп)

Қара жәшік

Аудио таспа

Сабақтың ортасы

30 минут

Оқылым

1-тапсырма. (МК; Ұ) Джиксо әдісі. Мәтіндерді оқы. Қай жанрға жататынын анықта.Өлеңді басқа жанрлармен салыстыр.

Достары көп Мараттың,

Ойнайды олар аулада.

Ағасымен Болаттың

Барады олар тауға да.

«Мұз жарғыш» әдісі арқылы топқа сұрақ қойғызу.

Мәтін жанрларының бір-бірінен ерекшеліктері неде?

Олардың ұқсастықтары неде?

Қалай ажыратады?

Бағалау критреийі

Дескриптор

Мәтіннің жанрын (өлең, әңгіме, ертегі) анықтайды.

Мәтінді түсініп оқиды.

Мәтінге қатысты ақпаратты табады.

Мәтіннің жанрын анықтайды

Қ.Б «Бағдаршам» әдісі арқылы бағалаймын

Сергіту сәті:

Біз бесеуміз, бесеуміз.

Бес тармақты жұлдызбыз.

Біз бесеуміз, бесеуміз

Ақ қалпақты құндызбыз.

Аяғымыз қайда екен,

Тез қозғалсақ пайда екен.

Бізден биік секірер

Мықты жандар бар ма екен?

2-тапсырма. «Неге? Неге? Неге?» әдісі. (МК; Т; Қ).«Достық» тақырыбында әртүрлі жанрларға мәтін құрастыр.

Мақсаты: Орындалған тапсырмалардың түйінді тұстарымен ой бөлісу.

Сипаттамасы: Оқушылар шеңбер бойымен тұрады. Жүргізуші осы сабақта не үйренгенін айтады және соңғы сөйлемін «неге?» деген сұрақпен аяқтайды. Келесі оқушы сол сұраққа жауап беріп, қасындағы әріптесіне «неге?» деген сөзі бар сұраулы сөйлем айтады. Келесі ойыншылар да осы әрекеттерді тізбек бойынша жалғастырады.

Кері байланыс: Жарайсыңдар!

3-тапсырма. Өзіндік жұмыс. Көп нүктенің орнына тиісті әріпті қойып, сөздерді оқы. Әр сөзде неше әріп пен неше дыбыс бар.

Бағалау критерийі

Дескриптор

Әріпті таниды және дыбыспен сәйкестендіріп оқиды.

көп нүктенің орнына тиісті әріпті қойып оқиды.

Сөзде әріп пен дыбыс санын анықтайды.

4-тапсырма. (Т; Қ) Постер жасап, қорғау.

Оқушылар сыныптағы кітап бұрышын, кеңсе тауарларын пайдаланады. Әр топқа әртүрлі бағыттағы тапсырмалар ұсыну. Тапсырма үлгілері:

– Әңгіме құрастыр 1-топ

- Тақпақ құрастыр 2-топ

- Ертегі құрастыр 3-топ

Кері байланыс:

«Екі жұлдыз, бір тілек» тәсілі арқылы оқушылардың басқа топтарды бағалайды. Оқушылар сағат тілі бойынша қасында отырған топтағы оқушылардың сабақтағы белсенділігіне, тапсырмаларды орындауына байланысты екі жетістігін көрсетіп, бір ұсынысын білдіреді.

Кітаптар

Оқулық

Бағдаршам көзі

Ноутбук

проектор

Дәптермен жұмыс

http://www.balalaralemi.kz

Энциклопедия

Әңгімелер

Тақпақтар

Ертегілер

Кері байланыс. «Екі жұлдыз, бір тілек» тәсілін қолдануға стикерлер тарату

Сабақтың соңы

5 минут

«1 минуттық рефлексия» әдісі арқылы «Осы сабақта сен үшін ең маңызды үйренгенің не болды?» сұрағының аясында 1 минут ішінде жауап береді.

Қосымша ақпарат

Дифференциация: Балаларға қалай көмектесесіз?

Қабілетті балаларға қандай тапсырмалар бересіз?