Дәрісіз емделу туралы ғылыми жұмыс 4 сынып

Дәрісіз емделу

Орындаған: Конайбаева Айсұлу

Сыныбы: 4 “в ”

Жетекшісі: Достаева Канзат

Амангельдиевна

Қазақ халқының емдеу тәсілдері

Үшкіру немесе дем салу

Ұшықтау

Қақтыру

Желұшық емі

Киелі жерге түнеу

Көз тигенді кетіру

Үшкіру, дем салу - құран сөздерін аяттарын айтып, науқастың бетіне үрлейді. Бұл науқастың көңіліне демеу болып, үміт отын жағады, кейде содан науқас жазылып кетеді.

Ұшықтау кешке күн батарда не таң атарда табаққа 3 түйір қалампыр бұрышты суға салып, ауырған адам жайбарақат отырғанда бетіне бүркеді. «Кет бәлекет, шық бәлекет, шық ауру, шық! » дейді. Науқастың денесі тітіркенеді. Босаған тостақты төңкеріп тастайды. Науқас біраз жүріп, кейін келіп оралып жатады. Кейде ерінге, ауызға ұшық шығады.Бұл сырқаттың қайтқаны деген сөз.

Қақтыру ұзаққа созылып, ыстығы көтеріліп, әлсіз адамды жеңіл болады деп ешкінің өкпесімен қақтырады. «Ем бол, ем бол, шипа бол» деп 7 рет қағады. Науқас қаққаннан терлесе ем қонды деп есептейді.

Желұшық емі шелекке тас салып қыздырып науқастың төбесіне ұстап тұрады, сол кезде оған су құйып жібереді де, қалың буды науқастың бетіне тосып ем жасайды.

Киелі жерге түнеп Алладан :«Тілегімді беріп, қолдай гөр» деп ниеттенген.

Көз тигенді кетіру үшін ағашқа мақта орап, оны майға майлап, шырақ жағып Құран аяттарын оқи тұрып: “Көш, көш!” деп ауруды үш қайтара айналдырып, адам аяғы баспайтын жерге лақтырып тастау керек. Бұл аластау деп аталады.

Сондай-ақ бойтұмар да көз тиюден сақтап, зиянды әсерін жойып жібереді. Тек қана оларды аяққа баспай, жерге тастамай, әжетханаға алып кірмей ұқыптап сақтау керек. Сонымен қатар әрбір емшінің көз тигенді емдейтін өз әдісі тағы бар.

Төрт түліктің бірі – қойдың пайдасы

Қой өті

Қойдың жілік майы

Жаңа сойылған қой еті

Қой құйрығы

Қой өкпесі

Қойдың қарны

Төрт түліктің пайдасы

Қазақи емнiң түрi - төрт түліктің бірі кәдiмгi қойдың емдiк қасиеттерi жайында бiлген де артық болмас.

Қой өтi – шаштың арасына ұсақ бөртпе түскенде қолданады. Шашты тақырлап алып тастап, басты сабындап жуғаннан кейiн бөртпенiң бетiн су қосылған өтпен сүртсе, бөртпе тез жазылады.

Қойдың жiлiк майы – туберкулезбен ауырған әлсiз адамдар, жиi ауыратын жас балалар жесе мың да бiр дауа.

Жаңа сойылған қой етi –жығылғанда пайда болған iсiкке жұқалап тiлiп тағып тастаса, iсiк тез қайтады, әрi жара iрiңдемейдi. Шиқанға, сыздауыққа таңса, жара аузы ашылады.

Қой құйрығы – жөтелдi басып қақырықты түсiредi. Тұмаудан кейiнгi созылмалы жөтелге құйрық майды ыстық сүтке ерiтiп iшедi. Суық тиген баланы да құйрық маймен сыласа, жазылып кетедi.

Қойдың өкпесi –егер жас қойдың өкпесiн тiлгiлеп, сiрке суы қосылған суға қайнатып, күнде екi-үш тiлiмнен жесе, қақырықты түсiрiп, өкпе демiкпесiн басады.

Қойдың қарны – асқазан, iшек жолдарының дертiне қолданады.Науқас адамды ыңғайлап отырғызады да, жаңа сойылған семiз қойдың қарнын жылы күйiнде оның құрсағына қойып, сыртынан орап тастайды. Бiраздан соң науқас ағыл-тегiл терлейдi. Бұдан кейiн де бiрнеше күн сорпа iшiп күтiнген жөн.

Ауруларға тамақ түрлері де шипа

Қойдың сүті - денедегі желді басады.

Сиыр сүті - несеп ауруларына пайдалы, ол ой-өрісін молайтады.

Жылқы еті іріңді тоқтатады, бүйрек пен белді желден тазартады.

Балық еті асқазан, жүрек ауруларына пайдалы, көзге ем.

Тауықтың еті-ұрықты көбейтеді, жарақаттарға ем болады.

Қуырылған күріш сынған сүйектің бітуіне көмектеседі

Тұзды тамақты, консервілерді көп жеу - бетке әжімді көп түсіреді, шашты ағартады, түсіреді.

Өсімдіктерден нәр алып, дертке шипа табуға болады

Лимон

Мандарин

Қарбыз

Алма

Асқабақ

Капуста

Құлпынай

Өсімдіктерден нәр алып, дертке шипа табуға болады.

Лимон жүйке жүйесінің қажуын емдейді.Белгілі бір нәрсеге зейін қоюға, шығармашылық жұмысқа итермелейді. Орны толмас қайғы, күйзелісті жеңуге көмектеседі.

Мандарин ашуды басады.. Күнделікті өмірге жаңа бір серпіліс береді. Шаршау мен ұйқының қашуына ем.

Қарбыз бүйрек, жүрек аурулары үшін шипасы зор, бүйректегі тас пен құмды тазартуға қарбыз бойында химялық элементтер жеткілікті.

Құлпынай жүрек ауруларын, асқазан, ішек ауруларын емдеуде, өттегі тас байлау дертіне қарсы, қаны аз ауруларға, тамақ безіңдегі йод жетіспеушілігіне шипалы жеміс.

Алма калий, темір, маргенец, кальций, қант және көптеген пайдалы химиялық элементтерге бай.

Ол бүйрек, жүрек аурулары үшін, әсіресе инфаркт ауруына шалдыққандарға аса қажет дәм. Бүйрек аурумен ісіп кеткендер үшін шипалы сусын, әрі ас.