Дәстүрден тыс технологияда ата-анамен жұмыс түрлері

Арышева Арай Талгатовна

БҚО, Орал қаласы,

№28 «Қарлығаш» бөбекжайының

ІІ-санатты әдіскері

Дәстүрден тыс технологиясын жүргізу барысында

ата-анамен жүргізілетін жұмыстың түрлері

Болашақ ұрпақ тәрбиесін іске асырып отырған кез-келген мекеме үшін отбасымен жұмысты тиісті дәрежеде ұйымдастырудың маңызы өте зор . Себебі,отбасы баланың түпкі тамыры, болмысын қалайтын мекен.Отпасымен жұмыс мүмкін педагогтардың жүргізетін жұмыстарының ең қызықты бір бағыты шығар. Бір жағынан, бұл жұмыс аса бір шеберлікті,мәдениетті, білімді,тәжірибені қажет ететін жұмыстардың бірі. Өйткені,отбасымен жұмыс жүргізген кезде түрлі адамдармен , түрлі түсінікпен , түрлі мінез-құлықтармен ,түрлі қиыншылықтармен қарама-қарсы кездесесің. Осының барлығынан педагогтық абыройыңа кір келтірмей шығу үлкен өнерді қажет етеді. Сол себептен білім беру мекемесінде отбасы мен жүргізілетін жұмыстарды әдістемелік жағынан орынды ұйымдастырудың маңызы өте зор. Бөбекжай ішінде отбасымен жүргізілетін жұмыс жоспарының мақсаты – отбасымен қарам-қатынастың тиімді, оңтайлы түрлері арқылы отбасын мекеме жұмысына белсендіре араластыру, бала тәрбиесіне деген қызығушылықтарын арттыру болып табылады. Осыған байланысты жылдық жоспарда мынадай жұмыс түрлері жоспарланады:

-Ата- аналарды балабақшамен таныстыру (презиентация).

-Ата-аналарға арналған ашық ұйымдастырылған оқу қызметтері

-Ата-аналарға арналған педагогикалық кеңестер және көрмелер ұйымдастыру.

-Жиналыстар (оқу жылында 3 рет ). Тақырыптық кеңестер.

-Дөңгелек үстелдер ( дәстүрден тыс түрде ата-аналармен өзекті тақырыптар төңірегінде әңгімелесу).

Ата-аналарға кеңес. «Дәстүрлі емес техникамен сурет салу». Бүгінде жас ұрпақтың жаңаша ойлауына, дүниетанымның қалыптасуына, білік негіздерін меңгеруіне ықпал ететін жаңаша білім мазмұнын құру- жалпы білім беру жүйесіндегі өзекті мәселенің бірі. Оқу қызметінде дәстүрден тыс үрдісімен өткізу балалардың білім сапасын арттырып қана қоймай, олардың шығармашылық және ойлау қабілеттерін дамытады. Сондай үрдістің бірі балаларды дәстүрден тыс әдіс- тәсілдер арқылы бейнелеуге үйрету. Оқу қызмет жүйесіне еңгізілген дәстүрден тыс әдіс- тәсілдер балалардың бойында шығармашылық ізденіске деген құштарлыұты арттырып өзіндік образ, өзіндік іс-әрекет жобасын құрауға мүмкіндік жасайды. Ал шығармашылық әрекет баланың тұлғалық қалыптасуына зор ықпал етеді. Қоршаған ортадан сұлулықты көріп қана қоймай, оны өз бетімен іздеуге ұмтылуға баулиды. Ата-аналар мен тәрбиешілерге арналған баланың бейнелеу өнері бойынша қабілетін дамыту бойынша ұсыныстар.