Ата-анамен жұмыстың дәстүрден тыс түрі Ашық есік күндері

Жумалиева Ардак Елеусизовна

Орал қаласы, №40 «Болашақ» бөбекжайының әдіскер-инноваторы

Ата – анамен дәстүрден тыс жұмыс түрі – «Ашық есік күндері»

Кездесу барысы:

І. «Қар»

Жүргізуші: Біз қазір қызықты жаттығу орындаймыз. Негізгі шарты: ешкімге қарамай менің нұсқамамды тыңдауыңыз сұралады. Алдыңызда қағаз парағы жатыр. Барлық парақтардың пішіндері, сапасы, түсі бірдей. Мені зейін қойып тыңдаңыз:

Парақты екіге бүктеңіз.

Жоғарғы оң жақ бұрышын жыртып алыңыз.

Тағы да екіге бүктеңіз.

Тағы да жоғарғы оң жақ бұрышын жыртып алыңыз.

Екіге бүктеңіз.

Жоғарғы оң жақ бұрышын жыртып алыңыз.

Мүмкіншілік болғанша осы әрекетті жалғастырыңыз. Енді өзіңіздің қолыңыздан шыққан әдемі қар бейнесін жазып тамашалауыңызға болады. Топ ішінен өзіңіздің қарыңызға ұқсайтын бейнелерді табу сұралады. Қар бейнелері бірдей болу керек.

-Таптыңыз ба? (Ойыншылар жауабы)

- Неліктен? Қалай ойлайсыз?

Тұжырым: Бірдей адамдар болмайды, сондықтан, нұсқаманың барлығы үшін бірдей болғанымен, қар бейнелерінің түрлі болуы.

Балалар түрлі болады. Олардың қабілеттері, мүмкіншіліктері және тұлғалық сапалары әр түрлі.

ІІ. Жүргізуші: Сіздің ойыңызша, балабақшада балаңызда бәрі сәтті ме?

Пікірмен келісу – «+»

Пікірмен келіспеу – «-»

Менің балама балабақшаға келу ұнайды.

Менің ойымша, балам басқа балабақшаға қуана ауысар еді.

Таңдауға келсе, ол үйде отырғысы келмейді.

Өкінішке орай, менің балам ешқашан маған немесе туыстарымызға қуанышпен балабақша туралы әңгімелемейді.

Топ арасында баламда достары көп.

Оған тәрбиеші онша ұнамайды.

Балам іс – шараларға, ертеңгіліктерге белсенді қатысады, мұражай, театрға жиі барады.

Менің баламның балабақшаға бармаған күндері (ауырып қалу немесе басқа да себептермен) көңілі бұзылмайды.

Балам ескертусіз тапсырманы сирек орындайды.

Басқа қызығушылықтары мен сүйікті істері оған ұйымдастырылған оқу іс - әрекетіне қатысуға кедергі болмайды.

8 – 10 ұпай - сіздің балаңызда балабақшаға деген көзқарасы оңды және жақын уақытта балаңызда ешқандай мәселелелер пайда болмауы тиіс. Балаңызға бәрі қызықты, бәрі сәтті. Күтпеген жағдайдан қорқудың қажеті жоқ.

6 – 7 ұпай – балабақшада балаңыздың жағдайы жаман емес. Осы жағдайды бекіту үшін балаңызға оның табыстарына ықыласыңыз бен қуанышыңызды жиірек білдіріңіз.