Денсаулық құпиялары 3 сыныпқа арналған сабақ жоспары

Күні 12 .04.19 жыл

№ 28 Сабақтың тақырыбы: Табиғатпен үйлесім

Құндылық: Қиянат жасамау Қасиеттер: қоршаған ортаны қорғау, толеранттылық (кеңпейілділік) , еңбекқорлық . Мұғалім : Г.Абуева Сынып: 3 «а,ә,б,в,»

Сабақтың мақсаты :Туған өлкенің табиғатының әсемдігіне қиянат жасамау, сақтау әр адамның міндеті екендігін түсіндіру. Сабақтың міндеттері

Білімділік: - қоршаған ортаны қорғай білуге үйрету; Дамытушылық: - бірлесе жұмыс жасауға ықпал ету; Тәрбиелік: - толеранттылыққа, еңбекқорлыққа тәрбиелеу.

Ресурстар: оқулық, дәптер, түрлі-түсті қалам.

Сабақтың барысы: Ұйымдастыру кезеңі. (5 «Т» -ны сақтау)

Жағымды көңіл-күйге ену. «Жайлауға – Ата-Әжеміздің жайлауына барамыз».

Үй тапсырмасын сұрау.

«Жақсы ата – орман ,Жақсы бала – қорған.» әңгімесіне түсінік айтып келу.

Сазды әуен Хрусталь- ный грусть

Дәйексөз

«Табиғатсыз күнің жоқ,

оны айтуға табиғаттың үні жоқ»

Әңгімелесу

Шығармашылық жұмыс

1-тапсырма: Табиғат денелерінен қандай жақсы қасиеттерді үйренуге болатынын жазу

Таудан – сыр сақтай білуді;

Күннен – жылу бере білуді;

Бүркіттен - батылдықты

Қарлығаштан – досқа адал болуды;

Гүлден – әдемілік сыйлауды

Ағаштан – көлеңке түсіру, көмек беруді;

Арадан – тәтті сөз айтуды;

Құмырсқадан – еңбекқорлықты үйренеміз.

2- тапсырма: «Табиғат» тақырыбына «Бес жол өлең» (синквейн) құрастырып жазу. Өлеңді жазу ережесі:

1-жолға бір сөзбен тақырып жазылады (зат есім түрінде)

2-жолға тақырып екі сөзбен сипатталып жазылады (сын есім)

3-жолға үш сөзбен тақырыпқа қатысты іс-әрекет жазылады (етістік түрінде)

4-жолға төрт сөзден тұратын тақырыпқа қатысты бір сөйлем жазылады.

5-жолға тақырыптың мәнін сипаттайтын бір сөз жазылады

3-тапсырма: Қажетті сөздерді пайдаланып, табиғатты аялаудың ережесін құрыңдар: Жан-жануар, өсімдіктер, топырақ, су, бұлақ, аң-құстар, ұя, жұмыртқа, балапан, ағаш, өзен-көл, гүл, көк шөп.

Топпен ән айту Әдемі Ақылбек Шаяхметов

Күн сәулесі төгілгені әдемі, Кемпірқосақ керілгені әдемі. Көк шалғында асыр салып жүргенде, Көк көбелек көрінеді әдемі. Жас шыбықтың бүр ашқаны әдемі Алма ағаштың гүл ашқаны әдемі. Қариялар жол үстінде кездесіп, Амандықты сұрасқаны әдемі. Бұлбұл құстың сайрағаны әдемі, Қозы-лақтың ойнағаны әдемі. Ақ боз атын ерттеп мініп атамның, Қойды өріске айдағаны әдемі.

Үйге тапсырма

Обал Айса Хамзаұлы