Денсаулыққа апарар жол 1 сынып сабақ жоспары

«Өзін-өзі тану» сабағының жоспары

Мектеп:Подстепный қазақ ЖОББМ

Мерзiм:16,17,17,19 , 04.2019 жыл

Мұғалiм:Жунусова Г.Т.

Сынып:1 а,ә,б,в

Оқушылар саны: 10,11,11,12

Тақырып: №28 «Денсаулыққа апарар жол»

Құндылық: дұрыс әрекет

Қасиеттер: ақниеттілік,саналылық,сергектік

Сабақ мақсаты: оқушыларға адамның жаны мен тәнінің үйлесімділігі туралы түсіндіре отырып,дұрыс әрекет құндылығының мәнін ашу.

Сабақтың міндеттері:

Білімділік: оқушыларға жан саулығын ұғындыру арқылы ақниеттілік қасиеті туралы түсінік беру.

Дамытушылық: оқушыларды жан тазалығына мән беруге үйрету арқылы саналылық қасиетін дамыту.

Тәрбиелік: оқушыларды жан мен тән сұлулығын дамытуда ақниеттілік

саналылық,сергектік,қасиеттеріне баулу

Ресурстар: (құралдар, мәлiметтер)

Сабақ барысы:

Ұйымдастыру кезеңi. 5 Т.ережесі

Үй тапсырмасын тексеру

№28 «Денсаулыққа апарар жол» 124-127 бет

Дәйексөз.

Жаны саудың –тәні сау. Халық нақылы.

Оқиғаларды әңгiмелеу. Денсаулық дәрісі. (аңыз әңгіме)

Бір патша ауырып жатқанда сарайындағы емші оған ем ретінде «Денсаулық» салатын жасап жеуді ұсынады. Ал, салат құрамы мынандай екен: «Тыңдай білудің тамырын , тіл табысудың жапырағын салыңыз, жан тазалығы мен сенім жемісін қосып,бәрін сабырлықтың ыдысында сақтап, күнде пайдаланыңыз»- деген екен.

1.Емшінің сөзінен кейін патша емді өмірінде қалай қолданады деп ойлайсыңдар?

2.Ал, балалар, қалай ойлайсыз, бұл салат пайдалы ма екен?

3.Ал, балалар, бұл салатты өз өмірімізде пайдалансақ, бұл біздің дұрыс жасағанымыз ба?

Шығармашылық іс-әрекет, топтық жұмыс.

«Тазалық достары» суретін салу.

Топпен ән айту. Бұл не?

Ертемен күнде сен

Қолыңа сүйкесең,

Кетіп кір,ласың-

Тап-таза боласың,

Бұл не? (Сабын)

Аузы жоқ,көзі жоқ,

Тілі жоқ,сөзі жоқ,

Бірақ та тісі бар,

Басыңмен ісі бар

Бұл не? (Тарақ)

Шомылған баланы

Аймалап алады.

Сипайды қолында

Сипайды жонында

Бұл не? (Сүлгі)

Иілсең, иіліп,

Түйілсең түйіліп.

Қарайды кісіге,

Ұқыпты ісіне

Бұл не? (Айна)

Үй тапсырмасы.

№29 «Әрдайым көмектес,ешқашан зиян келтірме» 128 -133бет

Сабақтың соңғы тыныштық сәтi. Көздерімізді жұмамыз, Бүгінгі өткен сабақты ой елегінен өткізіңдер, бұл сабақ сендердің өмірлеріңе сабақ болсын, Тек жақсы, шындық нәрселер ойлауға тырысыңдар, сонда ғана айналамыз жақсылыққа, шындыққа толары сөзсіз. Енді көздеріңізді ашсаңдарда болады.