Диалогтік оқытудағы тиімді сұрақтарға арналған коучинг жоспары

Коуч: Аязбаева Ардақ Базархановна

Коучинг тақырыбы: Диалогтік оқытуда тиімді сұрақтардың маңыздылығы

Мақсаты: Әріптестердің оқыту мен оқуға, кәсіби біліктіліктерін арттыруға деген құлшыныстары мен қызығушылықтарын ояту

Күтілетін нәтиже: Оқыту мен оқудағы өзгерістер туралы ақпарат алады, қызығушылықтары мен құлшыныстары оянады.

Түйінді идея: Мектептегі тәжірибелеріне өзгеріс енгізуге , топтық жұмысқа тарту

Сілтеме: Нұсқаулық, Әрекеттегі RWCT философиясы мен әдістері, Қарағанды , 2011ж. Оқыту ізденіс ретінде және ізденіс оқыту ретінде, С.Мирсеитова, Қарағанды, 2011ж

Уақыт мөлшері – 45 минут

Тапсырмалар

Қатысушылардың іс-әрекеті

Әдіс-тәсілдер

Ойсергек (5 минут)

Көзімізді жұмамыз қағазды екіге бүктейміз, Оң жақ бұрышын жыртамыз, Тағы екі бүктейміз, сол жақ шетін жыртамыз, тағы екі бүктеп, төменгі жақты дәл отасынан сәл жыртамыз.Көзімізді ашып, қағаздарымызды салыстырамыз. Тапсырма бірдей болды, жыртқан қағаздарымыз бірдей ме? Неге ұқсас емес?

Түйін: Ешкім ешкімге ұқсамайды!

Қатысушылар түрлі стикерлер арқылы 4 топқа бөлінеді, аттарын жазады.

Ынтымақтастық атмосферасы

Топтық бөлініс

Таныстырылым

«ХХІ ғасырда нені оқыту керек?» (10 минут)

«20 секунд» әдісі

7 модульді атап беріңіз.

Сыни ойлаудың қандай стратегияларын білесіз?

Топқа қалай бөлуге болады?

Топқа бөлу сайыс сабағын өткізу ме?

Оқыту үшін бағалау дегенді қалай түсінеміз?

Оқытудағы жаңа тәсілдер деп нені айтамыз?

Диалогті оқытудың тиімділігі неде?

Топтық жұмыс арқылы оқушылар бірін-бірі оқытады, бірін-бірі толықтырады дегенді қалай қабылдайсыз?

9. Дәстүрлі оқытуды қалайсыз ба, әлде 7 модуль идеяларын қолданасыз ба?

1. «Бумеранг» әдісі:

Қатысушылар берілген 1 минут ішінде диалогті оқыту туралы 3 сұрақ дайындау.

Алайда қатысушылардың өздеріне сол сұраққа жауап беруді талап етемін. («Осы сұраққа Сіз өзіңіз қалай жауап берер едіңіз?», «Бұл сұраққа кім жауап бергісі келеді?», «Осы сұраққа Сіз жан-жақты жауап береді дер сенемін!» Осы әдістің «Бумеранг» деп аталатынын таныстырамын)

Диалогтік оқыту

Бірлескен сұхбат

(10 минут)

Мектептегі тәжірибесі мол 3 ұстазды ыстық орындыққа отырғызып, пікірталас жүргізіледі.

Ашық сұрақтар:

1. Біздің мектебіміз заман талабына сай өзгеріске бейім бе?

2. Біздің әріптестеріміз топтық жұмысты қаншалықты жиі ұйымдастырады?

3. Оқытудағы өзгеріс дегенді қалай түсінеміз?