Дидактикалық ойындар арқылы логикалық ойлауды дамыту

Дидактикалық ойындар арқылы балалардың логикалық ойлау қабілеттерін дамыту.

Балабақшада мектеп жасына дейінгі балаларды оқытуда дидактикалық ойын мазмұнды құрал болып есептеледі. Қазақ халқының ұлы ойшылы Абай Құнанбаев «Ойын ойнап, ән салмай, өсер бала бола ма?» -деп айтқандай баланың өмірінде ойын ерекше орын алды. Ойын мектеп жасына дейінгі баланың жеке басының дамуына игі ықпал ететін жетекші, басты құбылыстардың бірі деуге болады. Ойын баланың көңілін өсіріп, бойын сергітіп қана қоймай оның өмір құбылыстары жайлы таным түсінігін де әсер етеді. Балалар ойын арқылы тез тіл табысып, жақсы ұғысады, бірінен бірі ептілікке үйретеді. Ойын мен еңбектің бір-біріне ұқсас сыйпаттары көп сондықтан, педогогтар, ғалымдар «Жақсы ойын, жақсы жұмыс сияқты да, жаман ойын, жаман жұмыс сияқты» деп қарап бұлардың арасында айырма шамалы деген түйіндеме жасайды.Баланың қуанышы мен реніші де ойын кезінде айқын көрінеді.

Осы тақырыпты алған себебім балалар алған білімдерін ойын барысында көрсетеді. Ойын үстінде бала өзін еркін ұстайды, ал еркіндік дегеніміз барлық дамудың баспалдағы. Ойынның түрлері өте көп. Мысалы: рөлдік ойындар, денешынықтыру ойындары, сюжеттік ойындар, дидактикалық ойын. Соның ішінде маңыздысы – дидактикалық ойын. Бұл ойынның пайдасы – баланың ой өрісінің қалыптасуын, дамуын мақсат етіп қояды. Сондай-ақ балалардың адамгершілік сезімін оятуға, адамдармен дұрыс қарым –қатынас жасау, еңбек адамдарына, басқа ұлт өкілдеріне, достық, туған жеріне сүйіспеншілік сезімін тәрбиелеуге көңіл бөлінеді.

Ұйымдастырылған оқу іс - әрекетінде бекіту, сабақта меңгерген материал туралы түсінігін кеңейту, баланың шығармашылығын дамыту, тіл байлығын молайту үшін, тіл дамыту сабақтарында дидактикалық ойындарды пайдаланып, ойындар сабақтың тақырыбына, мақсатына сай таңдап алыну керек. Сабақтың қызықты, тартымды өтуі үшін дидактикалық ойындарды дұрыс пайдалану керек. “Ой – ойыннан басталады”сондықтан ойындаы дұрыс таңдап, балаға дұрыс жеткізу керек.

Павлодар қаласы.

«№44 сәбилер бақшасы»

Тәрбиеші: Мейрбекова .Э.А