Дін тәрбие бастауы тәрбие сағатына арналған материал

Тақырыбы: Дін тәрбие бастауы

Күні : 28.02.16жыл

Мақсаты: Қоғамдағы бүгінгі күнгі ең басты мәселе – жас ұрпақ жат діни ағымдардың құрығына түсіп қалуына жол бермеу,оған қарсы тұру , экстремистік көзқарастардың орын алуына жол ашатын саңылауды жабу;

Ел ішін жайлап бара жатқан түрлі жат ағымдардың сананы улап, дұрыс жолдан тайдырып жатқан іс – әрекеттерін жастарға айтып түсіндіру, ұлт қауіпсіздігіне төніп тұрға қатер екендігін жеткізу.

Міндеті: «Ел болам десең – бесігіңді түзе» дегендей мемлекеттің ертеңгі күнгі тұтқасын ұстайтын, ұлт мүддесін, халық қамын ойлайтын жастарды тәрбиелеп қалыптастыру.Түрі: Дөнгелек үстел.

Әдісі: Ауызша басқару, сұрақ – жауап, пікіралмасу.Көрнекілігі және оқыту құралдары: Интерактивті тақта, видеоролик .

Жүру барысы: 1.Ұйымдастыру

2. Кештің өту барысымен таныстырып, мақсатын айту

-Құрметті кеш қонақтары , ұстаздар мен оқушылар, бүгінгі «Дін тәрбие бастауы » атты дөңгелек үстелге қош келдіңіздер!

Қазіргі кезде қоғамымызда адам санасын улап жатқан діни ағымдардың саны уақыт өткен сайын көбейіп барады, оның адам санасына, өміріне деген қаншалықты зиян екенін түсіндіру, оқушылардың діни сауаттылықтарын арттыру мақсатында осы кездесу кешін ұйымдастырып отыр. Кешімізге мектеп директоры Рашқалиев Абат мырза, оқу ісінің меңгерушісі Мұратова Шынар , директордың тәрбие ісі жөніндегі орынбасары Мұратова Ақкүміс ханым ,мектеп әлеуметтік педагогы Өтеуғали Жайғали мырза , дінтану пәнінің мұғалімі Оңғарбаева Айнұр ханым және сынып жетекшілер пікірлесу, ой бөлісу мақсатында келіп отыр. Қонақтарға кештің өту барысында көкейлеріңізде жауабын таппай жүрген сауалдарыңызды қоюларыңызға болады.

«Діни экстремизм психологиялық аспектілері » туралы пікірін білдіру үшін Мұратова Ақкүміс ханымға сөз беріледі.

Дін - аса нәзік. Сондықтан оған барынша байыппен қарап, салмақты да, салауатты, бір-бірінен алыстататын емес, керісінше жақындататын өзара түсіністік пен құрмет тұту сезімінде болуға үндейді. Барлық уақытта баршамыздан осыны талап етеді. Халық діни нанымдарына қарай да жіктеледі, бұл халықтың діни құрамы деп аталады. Оны анықтауда Жер шары халқының барлығы бірдей қамтылмайды, өйткені адамзаттың, шамамен 25-30 пайызының діни ұстанымы жоқ. Дүние жүзіндегі діндердің таралуы жайлы мына мәліметтерге сүйенсек, христиан дінінен соң келе жатқан ислам діні екенін көреміз (слайдтар арқылы) . Яғни бүгінгі әңгімеміздің негізгі тақырыбы осы ислам дінінің төңірегінде болмақ.Ислам салыстырмалы түрде жаңа дін болса да, барлық дерлік дүние бөлігіне таралған:д.ж. 120 елінде мұсылман мешіттері мен қауымдастықтары бар.Енді осы біздің елде қандай бірлестіктер тіркелген , және қандай бірлестіктерге тыйым салынғанын көрейік(слайдтар арқылы).Сұрақ : Бүгінгі шиеленіскен діни ахуалдық себеп –салдары қандай деп ойлайсыз?

Қазіргі кезде елімізде татулық пен тұрақтылықты бұзуға апаратын діни әрекеттер салдары туралы пікірін білдіру үшін мектеп директоры Рашқалиев Абат мырзаға сөз беріледі.