Домбырам асыл мұрам танымдық кешіне арналған тәрбие сағаты

Космагамбетова Самал Сигизбаевна

Музыка пәнінің мұғалімі

Кеңқияқ жалпы орта білім беретін мектебі

Темір ауданы, Ақтөбе облысы

Домбырам - асыл мұрам

Мақсаты: Қазақ халқының ұлттық аспабы туралы оқушыларға түсінік беру.

Оқушылардың аспаптық музыкаға, ұлттық өнерге деген

қызығушылықтарын арттыру.

Ұлттық өнерді сүйіп, қастерлеуге және сахналық мәдениетке тәрбиелеу.

Көрнекіліктер: интербелсенді тақта, музыкалық аспаптар, домбыра аспабының суреттері, күйшілер портреті, т.б.

Күй әуені қосылып тұрады.

Жүргізуші: Екі ішектің бірін қатты,

Бірін сәл-сәл кем бұра.

Нағыз қазақ, қазақ емес,

Нағыз қазақ домбыра!

Бүгінгі тілмен айтсақ, қазақтың бірегей бренді - домбыра. Айшықты белгі. Домбыра дәуірі қайта жаңғырып келеді. Биылғы жылы Елбасымыз Нұрсұлтан Назарбаев "Болашаққа бағдар: рухани жаңғыру" бағдарламалық мақаласында атап өткендей, тарлан тарихтың, жасампаз бүгінгі күн мен жарқын болашақтың көкжиектерін үйлесімді сабақтастыратын ұлт жадының тұғырнамасы да осы төл аспабымызды төрге шығарумен тікелей байланысты болмақ. Президентіміз жоғарыда атап айтқан келешекке керек кешенді жұмыстар бүгінде кезең-кезеңімен атқарылып та келеді.

"Ұлттық домбыра күні" мейрамы деген ат беріліп, айдар тағылған аламан жобаға кішкентай болса да өз үлесімізді қосайық деген ниетпен бүгінгі кешті ұйымдастырып отырмыз.

Міне, нағыз Рухани жаңғыру! Бүгінгі күні еліміздің барлық сахналарында ұлттық аспабымыз домбырадан ән-күйлер төгілмек. Ауқымды үлкен іс-шаралар өтеді. Кеудемізді кернеген Алаш мұраты домбыра пернесінен пырақ боп көтеріліп, шырақ боп қазақ аспанында жарқырамақ!

Түрегел, Тұран!

Төрлет, домбыра!

"Сарыарқа" Құрманғазы, орындайтын: ансамбль

Ж: Домбыра мұнша шешен болдың неге?

Күй толған көкірегің шежіремен.

Сыр қозғап ғасырлардан жөнелесің,

Саусағым тиіп кетсе ішегіңе, - деп Қасым Аманжолов ағамыз жырлағандай қазақ халқының басқа халықтардан ерекшеліктерінің бірі ол өзінің ұлттық музыкасының болуы. Атадан балаға жеткен, қадірлеп көзінің қарашығындай сақталып, қымбат қазынаға айналды. Қаймағы бұзылмай жеткен бұл өнердің бір шыңы домбыра күйлері. Бұл мұра ғасырдан ғасырға іріктеліп, түрленіп жеткен халықтың өзімен бірге дамып, қалыптасып отырған. Байырғы кезде қазақ үйінің төрінде әрдайым домбыра ілулі тұрған немесе үй-ішінің біреуі домбырада күй шертпейтін отбасы қазақ арасында кемде-кем болған. Өзіне тән ерекшелігі бар, ішекті, шертпелі аспаптар тобына жатады. Домбыра…