Достық өмірлік нұсқа ашық сабақ 7 сынып

Күні:

Сабақтың тақырыбы

Сүйіспеншілік пен достық. Достық – өмірлік нұсқа

Сабақ негізделген оқу мақсаттары

7.Т\А3. Тыңдалған мәтіннің мазмұнын түсіну, ұсынылған ақпарат бойынша тірек сөздерді анықтау

7.О5.Мәтін бойынша проблемалық сұрақтар құрастыру

7.Ж4.Эссе құрылымы мен даму желісін сақтап, тақырыпқа байланысты берілген мәселенің оңтайлы шешілу жолдары немесе себептеріне өз көзқарасын жазу

Сабақ мақсаты:

Оқушылардың барлығы мынаны орындай алады: мәтіннің мазмұнын түсінеді, берілген ақпарат бойынша тірек сөздерді анықтай алады.

Оқушылардың көбісі мынаны орындай алады: Мәтін бойынша проблемалық сұрақтар құрастырады. Сұраққа жауап береді. Қосымша үлестірме ресурстармен жұмыс жасайды.

Оқушылардың кейбіреуі мынаны орындай алады:

Эссе құрылымы мен даму желісін сақтап, тақырыпқа байланысты берілген мәселенің оңтайлы шешілу жолдары немесе себептеріне өз көзқарасын жазу

Күтілетін нәтижелер

Достықтың адам өміріндегі маңызын түсініп, адал дос пен амал досты ажыратады.

Сабақтың түрі

Жаңа білімді меңгерту

Ресурстар

Интерактивті тақта, тақырыпқа қатысты слайдтар, оқулық, аудиотаспа, суреттер, топқа бөлуге арналған смайликтер және әртүрлі заттар, топтық тапсырмалар, кері байланыс, стикер.

Оқыту әдістері

Сұрақ-жауап, әңгімелеу, түсіндіру, «Ыстық алақан» тренингі, «Кіші шеңбер» тәсілі, «Сағат бойынша достар» ойыны, «Конверт-сұрақ» тәсілі, диаграмма, кесте, «Пікірлер парағы» тәсілі.

Дереккөздері

Әдістемелік құрал, дидактикалық материалдар

Сабақтың жоспары

Жоспарланған уақыт

Сабақ барысы :

Бағалау түрлері

Ұйымдастыру

2 минут

Өткен сабақты тексеру

3 минут

І.Қызығушы-лықты ояту

3 минут

Ұйымдастыру кезеңі 2 минут

Оқушыларға «Ыстық алақан» тренингін өткіземін. (Оқушылар бір-бірімен қол ұстасып сәлемдесіп, жақсы тілектер айтып, сәттілік тілейді)

«Кіші шеңбер» тәсілімен үй тапсырмасын тексеремін. Оқушылар екі шеңбер құрап, кіші шеңбер сағат тілімен қозғала отырып, сұрақ-жауап негізінде үй тапсырмасы тексеріледі.

Топтарға бөлу.

Таратылған смайликтер бойынша оқушылар бақыт, қуаныш, шаттық деген үш топқа бөлінеді.

Психологиялық ахуал қалыптастыру: 3 минут

«Сағат бойынша достар» тренингін өткіземін. Оқушылардың көңіл-күйлерін көтеру, топ ішінде жағымды психологиялық ахуал қалыптастыру.

Нұсқау: Қазір әрқайсыларыңа жауап парақтары таратылады. Онда сағаттың суреті бейнеленген. Сендер осы әр сағат нөмірінің қасына сыныптастарыңның есімдерін жазып шығыңдар.

Әр нөмірге жазылған оқушымен келесі нұсқауларды орындаңдар.

Күлімсіреңіз

Қолын қысыңыз

Арқасынан қағыңыз

Комплимент айтыңыз

Қол бұлғаңыз

Көзіңізді қысыңыз

Қол ұстасып 3 рет секіріңіз

Бір тілек айтыңыз

Ауа сүйісін жіберіңіз

Массаж жасаңыз

Арқаларыңды сүйкеңдер.

Құшақтаңыз

Оқушы жауабын тыңдап, жауаптарына қарай смайликтер таратамын

1-топ: бақыт

2-топ: қуаныш

3-топ: шаттық

Сағат суреті бар парақшалар таратылады.

ІІ. Мағынаны тану

23 минут

ІІІ. Қорытынды

5 минут

Білу және түсіну

Сонымен, оқушылар, біздің ойынымыз не туралы болды?

«Дос» дегеніміз кім? Ол қандай болуы керек деп ойлайсыңдар?

«Достық» жайында айтылған шешендердің қандай сөздерін білесіздер?

Иә, оқушылар, бүгінгі біздің сабағымыздың тақырыбы да достық тақырыбында болмақ. Тақырыбымызды ашу мақсатында біздер бүгін «Адал достық» еліне пойызбен саяхат шегеміз. Пойыздың вагондары көріп отырғандарыңыздай «Бақыт», «Қуаныш», «Шаттық» деп аталады. Әр тапсырмаға жауап беру арқылы сіздер билет алып, есімдеріңізді жазып, вагондарыңызға жабыстырып отырасыздар. Сабақ соңында қай топ көп билет алғанын, жеңіске жеткенін осылай анықтайтын боламыз.

А) Тыңдалым. Оқулықтағы 2-тапсырманы орындатамын.

Аудиотаспадан тыңдалым мәтіні тыңдатылады. Оқиға желісін пайымдайды.

Ә) Айтылым. Мәтіннен тірек сөздерді анықтайды.

2. Талдау және қолдану.

А) Айтылым. «Конверт-сұрақ» тәсілі бойынша конверттегі дайындалған мәтін бойынша мазмұндық сұрақтарға жауап береді.

Ә) Оқылым. Оқулықтағы 4-тапсырманы оқып, тақырыбын қойып, жоспар құрады. («Бақыт» тобына)

Б) Айтылым. Жазылым. 6-тапсырма бойынша дос болудың себептерін анықтап, диаграммаға түсіреді. («Шаттық» тобына)

В) Жазылым. Мәтіндегі тыныс белгілерді қойылу мақсатына қарай анықтап, кестеге түсіреді. («Қуаныш» тобына)

Тыныс белгінің түрлері

Қойылу жағдаяты

Нүкте

Хабарлы сөйлемнің соңына қойылған.

Үтір

Қаратпа сөзден кейін қойылған.

Қос нүкте

Автор сөзінен кейін қойылған.

3. Сергіту сәті. Топтарға «Ұлы адамдар достығы» деп аталатын өткен сабақтағы тақырыпқа байланысты достық қарым-қатынаста болған ұлы тұлғаларымыздың суреттерін сәйкестендіру тапсырылады.

4. Жинақтау. «Пікірлер парағы» әдісі бойынша

«Достық – өмірлік нұсқа» деген тақырыпта пікір жазу.

1-топ: «Бақыт»

Жауабын жазады.

2-топ: «Қуаныш»

Тексеріп, қосымша мәліметтер қосады.

3-топ: «Шаттық»

Ұсыныс жазады.

Сонымен, балалар, біздер тапсырмаларды орындай келе, талқылай келе «Адал достық» еліне келіп те қалыппыз. Ойымызға көп нәрсе түйген сияқтымыз. Солай ма, балалар? «Адал достық» елі бізге бірнеше қағидалар ұсыныпты. Соларға құлақ түрелік.

Қиын кездерде бір-біріңе көмек көрсетіңдер.

Досыңды алдамай, оған адал бол.

Досыңды қорлама.

Досыңмен қызықты шақтарды бөлісе біл.

Досыңның кемшілігін кешіре біл.

Оқулық. Пойыз Тыңдалым тапсырмасы

Оқулық,қабырғаға ілінген пойыз суреті,билеттер.

ІV. Бағалау

2 минут

Қалыптастырушы бағалау. Тақтада ілінген пойыз вагондарындағы билеттер саны бойынша бағаланады. Жеңімпаз топ ойыншылары анықталады

Билет

V. Үйге тапсырма

«Адалдық – достықтың ұлы заңы» тақырыбында эссе жазу

VІ. Кері байланыс

2 минут

Сабақтан алған әсерлерін стикерге жазып, қоржындарға жабыстырады

Жем қалалық №5 орта мектебі

Бекітемін:

Мектеп директоры: Жумагулов Б.Д.

Сабақтың тақырыбы:

Достық – өмірлік нұсқа

Пәні: Қазақ тілі

Сыныбы: 7-сынып

Пән мұғалімі: Жанмолдина Л.М.

2017-2018 оқу жылы

Адал достық пен амал достықтың ара жігін ажыратып бер.

Халық арасындағы достық туралы қандай мақал-мәтелдерді білесіңдер?

Достыққа қарама-қарсы ұғымдар қандай? Оларға қалай бой алдырмауға болады?

Достық –өмірлік нұсқа

Ертеректе ел ішінде Әйтімбет деген сөзге шешен кісі болыпты. Бір отырыста Әйтімбет шешенге замандастары: «Достық нешеу?»- деп сұрақ қояды.

Сонда Әйтімбет тұрып: - Достықтың екі түрі болады. Бірі – адал достық, екіншісі – амал достық.

Дұрыс-ақ. Енді оларды қалай ажырата аламыз? – дегендерге:

Адал достық өмірлік нұсқа болады, амал достықтың өрісі қысқа болады, - деп жауап берген екен Әйтімбет.

«Достық – өмір үшін ең қажетті нәрсе, өйткені ешкім ешқашан да игілікке түгел ие бола тұрса да, дос-жарансыз өмірді қаламақ емес».

Достық – өмірлік нұсқа. Достық – адамдардың бір-біріне адал, қалтқысыз сеніп, бір мүдделі, ортақ көзқараста болатын қасиеті. Достық – өзара жауапкершілік пен қамқорлықтың, рухани жақындықтың белгісі. Нағыз достық кісіге шабыт беріп, өмірде кездесетін түрлі сәтсіздіктерге мойымауға, басқа түскен қайғы мен қиыншылықты бірге көтеруге жәрдемдеседі. Дос-жарандардың мінездері әртүрлі болып келуі мүмкін. Мысалы, біреуінде қызбалық не шабандық, екіншісінде тұйықтық не жігерсіздік байқалса да, бұлар достыққа кедергі бола алмайды, қайта нағыз достық осындай кемшіліктерден арылуға көмектеседі. Сатқындық, екіжүзділік, өтірікшілік, өзімшілдік достықпен сыйыспайды. Қазақтың дәстүрлі әдеп жүйесінде достыққа үлкен көңіл бөлінеді. Халық арасында достық туралы мақал-мәтелдер жеткілікті: «Дос жылатып, дұшпан күлдіріп айтады», «Досы жақсының өзі де жақсы», «Дүниеде адамның жалғыз қалғаны – өлгені, қайғының бәрі соның басында». Достыққа қарама-қарсы ұғым – қастық пен күншілдік. Мұндай сезімге ерік алдырғандар басқаның қуаны-қызығын, ырыс-бағын көтере алмайды, дос дегеннің не екендігін білмейді. Дұрыс дос таңдай білу – өмірлік мақсаттардың бірі.

Дос табу қиын, ал оны сақтау одан да қиын. Достық қатынасқа нәзіктікпен қарап, берік сақтау керек. Өйткені ол да баптауды қажет ететін нәзік өсімдік сияқты.

Бекітемін: Жакасов А.А.

Күні: 26.02.2018 ж. Сыныбы: 7 «Б»

Сабақтың тақырыбы

Нәтиже сабақ

Сабақ негізделген оқу мақсаттары

7.Т/А5. Проблемалық сұрақтарға тыңдалған мәтіннен деректер келтіре отырып, дәлелді жауап беру, өз жауабын өзгенің жауабымен салыстыру, талқылау.

7.2.2.1. Әлеуметтік-қоғамдық, оқу-еңбек тақырыптарына байланысты диолог, монолог, полилогтерді (интервью, пікірталас, жаңалық, ән, көрекм әдеби шығармалардан үзінді) автор көзқарасы мен көтерілген мәселені талдау.

7.Ж2. Жанрлық және стильдік ерекшеліктеріне сай көркемдегіш құралдарды орынды, шағын мақала, нұсқаулық, әңгіме құрастырып жазу.

Сабақ мақсаты:

Оқушылардың барлығы мынаны орындай алады: Проблемалық сұрақтарға жауап береді, салыстырады.

Оқушылардың көбісі мынаны орындай алады: Әлеуметтік-қоғамдық, оқу-еңбек тақырыптарына байланысты диолог, монолог, полилогтерді (интервью, пікірталас, жаңалық, ән, көрекм әдеби шығармалардан үзінді) автор көзқарасы мен көтерілген мәселені талдайды.

Оқушылардың кейбіреуі мынаны орындай алады:

Шағын мақала, нұсқаулық, әңгіме құрастырып жазады.

Күтілетін нәтижелер

Еліміздегі ұлттар достастығының не себепті басты байлық екенін түсінеді.

Сабақтың түрі

Нәтиже сабақ

Ресурстар

Интерактивті тақта, тақырыпқа қатысты слайдтар, оқулық, аудиотаспа, суреттер, топқа бөлуге арналған смайликтер және әртүрлі заттар, топтық тапсырмалар, кері байланыс, стикер.

Оқыту әдістері

Сұрақ-жауап, әңгімелеу, түсіндіру, «Шаттық шеңбері» тренингі, «Кіші шеңбер» тәсілі, «Бірігу» ойыны, «Конверт-сұрақ» тәсілі, диаграмма, кесте, «Пікірлер парағы» тәсілі.

Дереккөздері

Әдістемелік құрал, дидактикалық материалдар

Сабақтың жоспары

Жоспарланған уақыт

Сабақ барысы :

Бағалау түрлері

Ұйымдастыру

2 минут

Өткен сабақты тексеру

3 минут

І.Қызығушы-лықты ояту

3 минут

Ұйымдастыру кезеңі 2 минут

Оқушыларға «Шаттық шеңбері» тренингін өткіземін. (Оқушылар бір-бірімен қол ұстасып сәлемдесіп, жақсы тілектер айтып, сәттілік тілейді)

«Кіші шеңбер» тәсілімен үй тапсырмасын тексеремін. Оқушылар екі шеңбер құрап, кіші шеңбер сағат тілімен қозғала отырып, сұрақ-жауап негізінде үй тапсырмасы тексеріледі.

Топтарға бөлу.