Достық қымбат өмірде тақырыбындағы ашық сабақ, 2 сынып

Өзiн-өзi тану сабағының жоспары

Мектеп: №41 Қ.Сәтбаев атындағы жалпы орта білім беретін мектебі. Мерзімі: 19.10.2018ж. Сабақ №7 Тақырып: Достық қымбат өмірде Құндылық: сүйіспеншілік Қасиеттер: сыйластық, достық. Мұғалiм: Есбаева Ғ. Сынып: 2 Оқушылар саны: ___

Сабақтың мақсаты: «Достық», «сыйластық» ұғымдарының мәнін ашу. Міндеттері: - балаларды достарымен жағымды қарым – қатынас жасауға үйрету; - өзара сыйластық, өзара түсіністік, өзара көмек қарым – қатынастарын дамыту; - - татулыққа, достыққа, ұжымшылдыққа тәрбиелеу

Ресурстар: (құралдар, мәлiметтер)

Сабақ барысы: Сабақтың барысы:1. Ұйымдастыру кезеңі а) оқушылармен сәлемдесу, түгелдеу ә) оқушылар назарын сабаққа аудару б) Тыныштық сәті.  ТТТТТ – ережесі:  Тәртіп.  Талап.  Тыныштық.  Тазалық.  Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік. 1. 1. Ұйымдастыру кезеңi. Тыныштық сәтi.(баяу

әуен)

Су асты патшалығына ойша саяхат. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Сабақ барысын талқылау: топқа бөлінеді.

(Тәртіп, талап, тазалық, тыныштық, татулық) сақтау керектігін еске түсіру.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз. - Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз. - - Қандай сезімде болдыңдар? - - Қандай әсер алдыңдар? - 1. 2. Үй тапсырмасын тексеру. 2. «Менің достарым» тақырыбында әңгіме құрастырып келу. 3. 1. Ең жақын досың бар ма? 4. 2. Адал дос қандай болу керек? 5. Әңгiмелеу (сұхбат). 6. Оқулықтағы суреттер арқылы жағдаяттарды

талдау.