Дұрыс шешімдерім – өмірлік ұстанымым эссе, 9 сынып

Өскемен қаласы әкімдігінің

«Шәкәрім атындағы №1орта мектебі» КММ

Жетекшісі қазақ тілі мен әдебиеті пәні мұғалімі:

Сакалова Гульжан Казизовна

Жұмысты орындаған: 9 «А» сынып оқушысы

Мұхтаров Тамырлан Санжарұлы

Эссе

Қабылдаған дұрыс шешімдерім – менің өмірлік ұстанымым

Әрбір адам – бұл өмірге қонақ. Өмірі өте мәнді, мағыналы, мазмұнды өтуі үшін «қамшының сабындай ғана қысқа өмірде» адамдардың бір-бірімен қарым-қатынасы өзара сыйластықта болғанына не жетсін! Жан-жағымызға көз салып мұқият бір қарасақ, айналамызда күйбең тіршілік тоқтаусыз жүріп жатыр. Адамдар еңбек етеді, жұмысқа барады, жұмыстан қайтады, демалады, қонаққа барады, алға қойған мақсаттары орындалғанына қуанады, жаңадан бір мақсаттар қойып жатады. Кейбіреулер болса орны толмас қайғы - мұңды бастарынан өткеріп жатады. Ал, кейбіреулер не үшін өмір сүріп жүргендерін, қиындықтардан қалай құтылудың жолын білмей өмірден түңіліп, баз кешіп жатады. Бұл - өмір. Әркімге ертеңі беймәлім, қалтарыстары мен қиындықтары көп осынау өмірде адамдар бір-біріне мейіріммен қарап, бүгінгі күнін бағалап, ақ ниетпен жақсылық жасай білуі керек. Басына түскен қиындықтарды жеңудің оңтайлы жолдарын іздеп, алға қойған мақсаттарына жете білуі әркімнің өзіне байланысты екен.

Бұл дүниенің есігін шыр етіп ашқаннан бастап, адам баласының өмір деген ғажайыптың бір бөлшегіне айналары хақ. Абай атамыз айтқандай, естіп, көріп, дәмін татып, ұстап көру арқылы өскен ортаның ықпалымен, өмір сүру салты мен заңдылықтарын қабылдап, оң мен солын танып, бой түзеп, тұлға болып қалыптаса бастайды. Айналаның іс-әрекетіне, заманның ағымына, тәрбиенің сапалылығына байланысты бала санасына өмірге деген құштарлық, көзқарас қалыптасады. Ақ пен қараны ажыратып, өзіндік ой, өзіндік талғаммен бір-бірінен ерекшеленеді. Жасөспірім шаққа жеткенде алға мақсат қойып, арман жетегінде үлкен үмітпен өмірге аяқ басуға қамданатыны сөзсіз! Егер де бағбан жас шыбықты отырғызып, күтіп-баптап, саялы ағаш еткенше еңбектенсе, жас баланы да өмірден ойып алар өз орнын табуына ықпал ететін ата-ана мен ұстаздардың еңбегі ерен. Санасына жақсылықтың терең тағылымын орнатып, жүрегіне шексіз иман нұрын ұялатып, қанға сіңген қасиетіміз адалдық пен шынайылыққа, көпшілдік пен мейірімділікке, бауырмалдылық пен қайырымдылыққа баулиды. Н.Ә. Назарбаев: «Ұрпағы жақсы елдің…